الاجراءات المطلوبة عند الوصول لامريكا

السلام عليكم
شن الاجراءات المطلوبة مني عند الوصول لامريكا فيما يخص المكتب الشعبي والمنحة وكيف اندير بالضبط وبالتفصيل يلي عنده معلومه ياريت يساعدنا
وبارك الله فيكم

بالنسبه للجراءات لازم تبدي فيها من توا قبل متوصلي ... ابعتي للمكتب الكندي cbie وقوليلهم انك جايه و هما تو يقولولك بالزبط شن اديري: تو القي نظره ع النماذج الي في هدا الرابط و عبي الي تقدري عليه:

http://www.cbie.ca/data/libya/US1/CurrentStudents/forms.htm

وهدا اول حاجه تشوفيه و تعبي ابليكيشن من الي انت في ليبيا:
http://www.cbie.ca/data/libya/US1/NominatedStudents/NominatedStudents.htm

هما حيردو عليك و يطلبو منك تبعتيلهم صوره من البسبورت و الدعم المالي بش يفتحولك ملف............ وبعدين يعطوك رقم الملف و مجموعة نماذج تعبيها قبل متمشي ..بش اول ما توصلي امورك متعطلش..

جزاكم الله خيرا

السلام عليكم

ولكن ماقصة عدم تعاون المكتب الكندي، ولا هي ظروف ومرت بخير

أختي أمة الله حفظك الله ووفقك ... انا لي أصدقاء في امريكا قالو ان المكتب الكندي يطبق فى اللائحة بالحرف وبالعكس هم متعاونين للآخر إذا كان عندك أي مشكلة واللائحة معاك ، غيرها ما يعرفوكش. يعني نظام أجانب بالليبي.. يعني لو مشت أمورك تمام ونتمنولك ذلك مش رح تواجهي مشكلة معاهم بل على العكس حتلاحظي الشفافية وسرعة الإجراءات.
وبالتوفيق

الله يسمعك الاخبار الطيبة على طول ، ويحفظك ويبارك فيك

معلش سؤال تاني لوسمحت، بالنسبة للمعهد اللغة هل استلم منه الاصل والا يكفي السفارة النسخة الملونة المرسلة بالايميل، لان المكتب يسال فيا على فيدكس وهي مافيش الا في طرابلس

وماذا عن الاي تونتي للمرافقين هل نبدا به اول من نراسل للقبول

كذلك قياسا على البهدلة في الوقت بين القبول والتأشيرة والتفويض والتذاكر هل نوفمبر موعد جيد للقبول
اللهم كن في حاجته وحاجة كل من يرد

من قالك اختى امة الله ان الفيديكس ما فيش الا فى طرابلس انت بس عطيهم تليفونك واسم مدينتك وهو يوصلك ان شاء الله يعنى تقريبآ فى كل مدن ليبيا الخدمة هذى...الاى توينتى مع القبول يعنى لما تعبى الابليكيشن امتاع المعهد طبيعى ان حيبعثولك اى توينتى مادام انت فى ليبيا.. فى الابليكيش سؤال عن طلب اى توينتى انت تجوبى بنعم....

بارك الله فيك اختي سارة ، ولكن انا بحثت على النت وملقيتش عنواني الا في طرابلس يعني لما بتوصلني يبوا يتصلوا بيا بيش انجي ونستلم ولكن هما بدون عنوان حتى رقم هاتف

ويقوليلي موعد المقابلة او مادخلتي على الويب سايت للسفارة عطوه لك بعد كم يوم


اختي سميرة معليش خشينا في موضوع اخر ربي يوفقك

أختي أمة الله ... اللى نعرفه إن المعهد المفروض يبعتلك ال آي توينتي النسخة الاصلية الخاصة بيك وبمرافقيك لانه وحسب علمي ان السفارة لاتعتد الا بالاصل. وياريت اللي عندة معلومة اكيدة من الزملاء ايفيدنا.

هذا والله أعلم .... ننتظر مشاركة زملائنا ممن لديهم المعلومة حول القبول .
وبالتوفيق لكي ولجميع الزملاء

اختى امة الله بالنسبة للفيديكس انا باعثة ومستلمة اوراق اكثر من مرة فى مكاتب واجد بكل حتى فى المدن الصغيرة ماتخافيش منها النقطة هذى يعنى زى ماقتلك لما تجى لخانة العنوان اكتبى رقم تليفونك واسم مدينتك وعن طريق الفيديكس وهم يتصلوا بيم ويقولولك ياتجى تستلمية او نجيبوة لك وياخذوا مقابل..بالنبسة للسفارة لما تعبى النموذج حيطلعلك مواعيد وانت تختارى الية يناسبك....ان شاء الله انكون فهمتك صح....

ماشاء الله عليك وحقق الله مرادك ووفقك في حياتك كلها

alabed كتب:

أختي أمة الله ... اللى نعرفه إن المعهد المفروض يبعتلك ال آي توينتي النسخة الاصلية الخاصة بيك وبمرافقيك لانه وحسب علمي ان السفارة لاتعتد الا بالاصل. وياريت اللي عندة معلومة اكيدة من الزملاء ايفيدنا.

هذا والله أعلم .... ننتظر مشاركة زملائنا ممن لديهم المعلومة حول القبول .
وبالتوفيق لكي ولجميع الزملاء

اخي alabed بارك الله فيك اخي ماقصرتش بكل ربي يوفقك فيما يحب ويرتضي

السلام عليكم
حاولى ان تعطى رقمين للهاتف وهدا احسن ليك
والسلام عليكم
وانشاء الله موفقة

السلام عليكم
بالنسبة للفدكس انا بعتوا لي طرد فيه القبوول من المعهد امتاعي من فلوريدا الى بنغازي
وحقه بعته لهم 35 دولار حق الشحن و75 حق القبول وبالنسبة للمرافق تبعتي صورة من جواز سفر وتعبي الابليكاشن
وعلى فكرة هما مايبعتوش القبول عن طريق الفدكس الابعد ماانتي تبعتيلهم للفلوس ياما بالوسترن يونيون او الفيزا كارد

السلام عليكم اخواني نبي نسئل اي افضل مكان ادرس فيه اللغة اللانجليزية بامريكا افضل معهد او جامعة ارجو الرد باسرع وقت وشكرا