استفسار عن التفويض المالي 5 و6

السلام عليكم
أين وصلن قوائم التفويضين 5و6 وماهي قوائم الاسماء

عدل سابقا من قبل muftah2000 في الجمعة 21 مارس 2014, 5:26 pm عدل 1 مرات

التفويض 5 في البعثات في طور الاعداد ممكن يتحول الاسبوع القادم الي وزارة التعليم العالي اما 6 ماعنديش عليه معلومة

السلام عليكم ...
انا في تفويض 6 اذا فيه أي معلومه عليه

اعتقد مش معلومة اكيدة انه يخدموا فيه وممخصص لموفدين المعاهد(مش معلومة اكيدة)

السلام عليكم
ما فيش أي معلومه عن تفويض 6
شكرا

السلام عليكم
بارك الله فيكم اذا تحصلتم علي قوائم تفويض 5 و6 نزلوهن وشكرا

السلام عليكم ورحمة الله
اليوم امشيت لادارة المعاهد العليا وشفت قائمة التفويض رقم 6 وقال المهندس علي دخيل انها وصلت الان وسوف يتم نقلها الي التعليم العالي اليوم بادن الله يعني ممكن بعد اسبوع بالكتير تكون في الخزانة إن شـاء الله

السلام عليكم ورحمة الله وبركاته ارجوا من الجميع اللي علي قائمة اسماء التفويض 6  ينزلها والسلام

السلام عليكم: بالنسبة لـ ت5 اني يوم الثلاثاء الماضي كنت بإدارة البعثات وشفت اسمي الحمد لله موجود وقالي بعد اسبوعين راجعي المالية اللي بالظهرة، بالنسبة للقائمة ماباش ايخليني انصورها

انا في التفويض 5 واسمي موجود بس ماحصلتش نسخة كان ربي سخر نحاول انحصلها الاحد والتوفيق للجميع

بالله اللي عنده صورة من التفويض 5 و 6 ...اني مش عارفة في اي واحد نكون....موفقين

هل استلام التفويض رح ايكون من البعثات والا الخزانة؟

السلام عليكم: اخي التفويض انت بتمشي تراجع عليه بالمالية اللي في الظهرة، وبترفع معاك صورة من التأشيرة وجوازات السفر، اني بنراجع المالية مع بداية الاسبوع الجاي وكان في جديد اكيد بنقوللكم.
بخصوص تصوير الـ ت5 والله ماباش ايخليني، بس اللي نقدر عليه كان في حد ظروفه ماتسمحلاش يمشي للبعثات يبعتلي اسمه بالكامل واسم الساحة واني ان شاء الله خلال يومين انرد عليه.

السلام عليكم: اخي انا من سكان خارج طرابلس ممكن اعرف في تفويض قاعد 5 او 6 وانا مقدم منزو نهاية شهر 2 وانا من اوائل الطلبة المعاهد واسم( عبدالحميد اسماعيل البركه علي) وبارك الله فيكم

التفويض 5 في البعتات جاهز ويسلموا في البرقيات واليوم شفت موفد غادي وسألته على البرقيات الى معاه قالي تفويض 5 وموفقين

hamido55 كتب:

السلام عليكم: اخي انا من سكان خارج  طرابلس ممكن اعرف في تفويض قاعد 5 او 6  وانا مقدم منزو نهاية شهر 2 وانا من اوائل الطلبة المعاهد واسم( عبدالحميد اسماعيل البركه علي) وبارك الله فيكم

اسمك في تفويض 6 (الاسم عبد الحميد اسماعيل البركه علي / الدرجة الماجستير/ التخصص حاسب الي/ 325-2013 /بلد الايفاذ بريطانيا
/الوضع الاجتماعي أعزب/ اسم جهة الترشح المعهد العالي للمهن الشاملة البركت غات)
هدا هو اسمك الف مبروك