استفسار بخصوص الوزن المسموح بيه على الخطوط البريطانيه والخطوط التركيه

السلام عليكم

ياريت اللي مجربين السفر ترانزيت لأمريكا وكندا على الخطوط التركيه والخطوط البريطانيه
يعطوني فكره عن الوزن المسموح بيه للحقائب سواء اللي حياخذها معاه المسافر في اليد ويركب بيها للطياره أو اللي حتنشحن داخل الطياره
وكم عدد الحقائب المسموح بيها للمسافر الواحد
مع العلم إن حتكون معايا شنطة لاب توب بها لاب توب وأوراقي وشنطة يد وانفكر انخلي شنطه صغيره فيها جزء من الملابس ناخذها معايا للطياره وشنطه ثانيه كبيره على أساس تنشحن
مع ملاحظة ان الدرجه ايكونومي مش بزنيس
وهل في حال كانت مدة الترانزيت طويله يمكن نبقى عادي ننتظر داخل المطار أو لأ

وبارك الله فيكم

وكيف نقدر نعرف الوزن المسموح بيه من خلال موقع للخطوط او كيف لو سمحتوا

illusion كتب:

السلام عليكم

ياريت اللي مجربين السفر ترانزيت لأمريكا وكندا على الخطوط التركيه والخطوط البريطانيه
يعطوني فكره عن الوزن المسموح بيه للحقائب سواء اللي حياخذها معاه المسافر في اليد ويركب بيها للطياره أو اللي حتنشحن داخل الطياره
وكم عدد الحقائب المسموح بيها للمسافر الواحد
مع العلم إن حتكون معايا شنطة لاب توب بها لاب توب وأوراقي وشنطة يد وانفكر انخلي شنطه صغيره فيها جزء من الملابس ناخذها معايا للطياره وشنطه ثانيه كبيره على أساس تنشحن
مع ملاحظة ان الدرجه ايكونومي مش بزنيس
وهل في حال كانت مدة الترانزيت طويله يمكن نبقى عادي ننتظر داخل المطار أو لأ

وبارك الله فيكم

عدل سابقا من قبل هدي في الإثنين 24 مارس 2014, 3:26 pm عدل 1 مرات

illusion كتب:

وكيف نقدر نعرف الوزن المسموح بيه من خلال موقع للخطوط او كيف لو سمحتوا

بارك الله فيك هدى على الرد
لكن تقريبا الخطوط البريطانيه والخطوط التركيه ايدققوا على الوزن
إنتِ تقصدي 30 كيلو على أنهي خطوط بالزبط؟؟

بارك الله فيك هدى

ننصحك بأكياس الضغط تساعد في تخفيف الوزن في السفر وترفعي شن تبي....توصلي بالسلامة

illusion كتب:

بارك الله فيك هدى

الايكونومي لا يحق لهم الشناطي متع ٣٠ كيلو... ال ٣٠ كيلو للبزنس كلاس بس... الإيكونومي عادة ٢٠-٢٣ كيلو فقط،، و عدد الشناطي هو ٢ لكل شخص،، إلا البريطانية،، فحسب موقعهم يحقلك شنطة واحدة ٢٣ كيلو بس

عدل سابقا من قبل Ryad1977 في الإثنين 24 مارس 2014, 5:33 pm عدل 2 مرات

الرابط الآتي يبين الوزن المسموح به ع الخطوط التركية 

http://www.turkishairlines.com/en-int/travel-information/baggage/free-baggage-allowance

و الرابط الآتي يبين الوزن المسموح به ع الخطوط البريطانية

http://www.britishairways.com/en-gb/information/baggage-essentials/checked-baggage-allowances

بارك الله فيكم ميار و رياض و الحنيش
هذا بالنسبه لوزن الحقيبه اللي حتنشحن
باهي وبالنسبه للوزن المسموح بيه تاخذه معاك في اليد للطياره؟؟

بارك الله فيكم على توضيح وجزاككم الله  خيرا 
عندى استفسار 
بخصوص شناطى كبيرة التى فيها ملابس وبعض حاجات ضرورية التى نريد نشحنها مباشرة من مطار طرابلس الى مطار لاخير الذى نزل فيه 
هل شناطى كبيرة نشوفها فى ترانزيت ؟ لو نفرض انى مدة ترانزيت طويلة يعنى نقيم فى فندق ؟ ماذا يحصل فى شناطى كبيرة هل تشحن مباشرة الى مطارالى توجد فيه مدينتى ؟ 
بالنسبة  حاجات ضرورية لى تكون معى فى ترانزيت يعنى لابتوب ولاوراق اساسية ومحفظة فلوس وساكو فيه ملابس لى نحتاجها فى ترانزيت ؟ 
ايهما اسهل وارخص خطوط بريطانية ام تركية للسفر الى امريكا ؟ اهم حاجة تكون  الاجراءات ساهلة فى ترانزيت واقامة ؟ 
وهل اقامة فى فندق ترانزيت على حساب خطوط ؟ 
بالنسبة حجز تذاكر من ليبيا الى امريكا على اى درجة تكون مناسب يعنى سياحية او بزنس وكم فارق بينها ا على خطوط تركية ؟
شكرا جزيلا لكم

illusion كتب:

هذا بالنسبه لوزن الحقيبه اللي حتنشحن

باهي وبالنسبه للوزن المسموح بيه تاخذه معاك في اليد للطياره؟؟

salem.amssad كتب:

بارك الله فيكم على توضيح وجزاككم الله  خيرا 
عندى استفسار 
بخصوص شناطى كبيرة التى فيها ملابس وبعض حاجات ضرورية التى نريد نشحنها مباشرة من مطار طرابلس الى مطار لاخير الذى نزل فيه 
هل شناطى كبيرة نشوفها فى ترانزيت ؟ لو نفرض انى مدة ترانزيت طويلة يعنى نقيم فى فندق ؟ ماذا يحصل فى شناطى كبيرة هل تشحن مباشرة الى مطارالى توجد فيه مدينتى ؟ 
بالنسبة  حاجات ضرورية لى تكون معى فى ترانزيت يعنى لابتوب ولاوراق اساسية ومحفظة فلوس وساكو فيه ملابس لى نحتاجها فى ترانزيت ؟ 
ايهما اسهل وارخص خطوط بريطانية ام تركية للسفر الى امريكا ؟ اهم حاجة تكون  الاجراءات ساهلة فى ترانزيت واقامة ؟ 
وهل اقامة فى فندق ترانزيت على حساب خطوط ؟ 
بالنسبة حجز تذاكر من ليبيا الى امريكا على اى درجة تكون مناسب يعنى سياحية او بزنس وكم فارق بينها ا على خطوط تركية ؟
شكرا جزيلا لكم

شوف يا خوي :: في البدايه لما بتسافر من مطار طرابلس لاميركا وعندك ترانزيت لبلد معينه ,,,انت نبه موظف المطار انك عندك ترانزيت في البلاد الفولانيه ::باش يسجل شنطتك ترانزيت ع الكمبيوتر ويعلق عليها ستيكر ترانزيت من طرابلس لاميركا ,,,
ولو فرضا ماقتلاش انك نازل ترانزيت ::احتمال ينسى او يسهى او مايدققش ع موضوع الترانزيت ,,
ولو الترانزيت بتاعك ساعة او ساعتين ف الاحسن تاكد عليه انك ترانزيت وتتاكد من ان شنطتك ماشية لاميركا عن طريق الستيكر اللي رح يعطيهولك ,,
ولو فرضا الترانزيت بتاعك مده طويلة يعني فيها مبيت في فندق :: ممم ::تقدر تاخد شنطتك من مطار البلاد اللي بتقعد فيها ترانزيت ,,,بس لازم تتاكد شنطتك ماشية ترانزيت او لا ,,لان لو شنطتك ماشية ترانزيت ماينفعش تاخدها ,,,لاننها مسجله ع الكمبيوتر ,,ولو خديتها وجيت تاني يوم حطيتها ع الكاونتر رح ينحسبلك وزن زائد ,,,لان موظف المطار بيلقى عندك شنطة ترانزيت ,,
بالنسبة لاي الخطوط ارخص :: ماعنديش فكره بس ساهلة تقدر تسئل اي مكتب سفر وسياحة ,,
اي الاقامه ترانزيت ع حساب الخطوط ,,,,بس ضروري اول ماتوصل لمطار اللي بتقعد فيه ترانزيت تمشي لمكتب موجود في المطار خاص بموضوع المبيت وهما رح يركبوك تاكسي للفندق اللي يتعاملوا معاه وكل شي ع حسابهم ,,,عشاء فطور تاكسي  ,,
بالنسبة لاي فئة احسن الايكونومي او بزنس ,,بالطبيعي البزنس افضل ,,لان ليها معامله خاصة ,,,وحتى صالة الانتظار في طرابلس البزنس صالة بروحها وفيها بوفيئ مفتوح وقهوة وشاي و ,,,,الخ اخر دلع ’’’’وكذلك بالنسبه لصالة المطار اللي بتقع فيه ترانزيت ,,,

ان شاء الله نكون افدتك في شيئ ,,,

هدي كتب:

salem.amssad

انا اللي نعرفه ان الترانزيت من اول ماتسلم الحقايب في الشحن معاش تشوفهم الا لما توصل للرحله الاخيره ,,, والله اعلم يمكن هالشيء يختلف من خطوط لاخري

لا تشوفهم عادي ,,بس معلقين عليها ستيكر خاص بالترانزيت ’’’’’وماينفعش تاخدها من السير  لان بعدين رح ينحسبلك وزن زايد ,,

بارك الله فييكم  على توضيح 
لكن فى نقاط موش فاهمها 
1- فى  حالة لو اخبرت موظف مطار طرابلس انى شناطى كبيرة  تنزل ترانزيت سواء فى مدة قصيرة ساعات او طويلة مبيت فى فندق . انى لا نقدر ناخذها تمام 
يعنى تشحن مباشرة من مطار طرابلس الى مطار لى ننزل فيه تمام 
2- ما هو ستيكر 
3- يعنى فى طائرة ناخذ معى  شنو يعنى شنطة صغيرة فيها جميع الاوراق اساسية التى نحتاجها فى بلد ترانزيت وكذلك امريكا ؟
4- فى بلد ترانزيت هل يختموا على جواز ختم دخول بالنسبة تركيا  وكذلك بريطانيا انا سمعت فيها تاشيرة موقته 24 ساعة ؟
5- ما هى طبيعة الاسئلة عند الوصول الى مطار امريكا ؟ والاوراق مطلوبة من ضباط مطار ؟ 
6- بالنسبة وصول الى امريكا هل نحجز فندق من هنا من ليبيا للفنادق مطار ؟
لو نفترض انى نحتاج الى رحلة داخلية فى امريكا هل نخبر مكتب الخطوط فى هذا امر ؟ 
عادة كم سعر تذاكر سفر على خطوط امريكية درجة بزنس هل البعثات تحجزلى على اى درجة ؟
شكرا جزيلا لك 

من حوالي ستة سنوات أخبرت بأنه يتوجب على استلام الحقائب في المطار اللي يمثل نقطة الدخول لأمريكا،، أي أول مطار توصله في أمريكا،، و كان المطار مطار أوهير في شيكاغو،، خذينا شناطينا و فتشوهم غادي،، الله أعلم إذا كانت القوانين تغيرت، و الخطوط كانت الخطوط السويسرية قبل ما يعلن الكافر معمر القذافي الجهاد على سويسرا الكافرة  

salem.amssad كتب:

بارك الله فييكم  على توضيح 
لكن فى نقاط موش فاهمها 
1- فى  حالة لو اخبرت موظف مطار طرابلس انى شناطى كبيرة  تنزل ترانزيت سواء فى مدة قصيرة ساعات او طويلة مبيت فى فندق . انى لا نقدر ناخذها تمام 
يعنى تشحن مباشرة من مطار طرابلس الى مطار لى ننزل فيه تمام 
2- ما هو ستيكر 
3- يعنى فى طائرة ناخذ معى  شنو يعنى شنطة صغيرة فيها جميع الاوراق اساسية التى نحتاجها فى بلد ترانزيت وكذلك امريكا ؟
4- فى بلد ترانزيت هل يختموا على جواز ختم دخول بالنسبة تركيا  وكذلك بريطانيا انا سمعت فيها تاشيرة موقته 24 ساعة ؟
5- ما هى طبيعة الاسئلة عند الوصول الى مطار امريكا ؟ والاوراق مطلوبة من ضباط مطار ؟ 
6- بالنسبة وصول الى امريكا هل نحجز فندق من هنا من ليبيا للفنادق مطار ؟
لو نفترض انى نحتاج الى رحلة داخلية فى امريكا هل نخبر مكتب الخطوط فى هذا امر ؟ 
عادة كم سعر تذاكر سفر على خطوط امريكية درجة بزنس هل البعثات تحجزلى على اى درجة ؟
شكرا جزيلا لك 

يا خوي في الطائرة مسموح بشنطة صغيره لا تزيد وزنها عن 10kg ولامانع من شنطة لابتوب معاك وفيها اوراقك ,,,,
وبالنسبه للستيكر :: هذه الورقه اللي تعلق ع شنطة الشحن ,,,
وباقي اسألتك مانعرفهاش لاني ماسافرتش لاميركا ,,,بس اغتقد كلها اجراءات روتينية وعادي يعني متخوفش ,,,واي لو نزلت تؤانزيت لبد مطلوب فيها تاشيره ف المفروض تاخد تاشيره دحول مؤقته لو الموضوع فيه مبيت ,,,,لو مافيش مبيت مش ضروري تأشيرة ,,
  البعتات تحجز ع الايكونمي فقط ,,,
ولو تحتاج لرحلة داخلية ف اعتقد تحجز من مكتب خطوط في المطار ’’’’
بس الافضل تحجز ع الخطوط البريطانية او الهولندية او الالمانية مثل خطوط لوفتانزا :: يعني تحجز من طرابلس لي اميركا للولاية اللي تبي تقيم فيها ,, الخطوط الالمانية تقدر تنسقلك الامور هذه كلها ,,

شكراجزيلا لكم على الردود وبارك الله فيكم 
اتمنى من اخوة الكرام سافرين خلال اسابيع او اشهر قادم للبدء دراسة فصل الصيف شهر 5
يكتبوا لنا مسار رحلتهم من ليبيا الى مدينة لى يقروا فيها 
حتى نستفيدوا جمعيا
شاكرين لكم حسن تعاونكم معنا