طلب البصمة و تقديم الفيزا اون لاين

البصمة تمشي ديريها في مكتب حى الاندلس وطبعا تاخدى منهم موعد قبل  عن طريق الهاتف او تبعتيلهم ايميل 
وهدا ايميلهم info.canlibiom@vfshelpline.com

اخي mamilaso حسب معلوماتي البسيطة biometric هو عبارة عن بصمتك و الصورة اللي بديرها في visa application center ( VAC و في الغالب لو انهم طلبو منك الكشف الصحي يعني بيعطوك التاشيرة في مدة من اسبوع لي اسبوعين، ربي يسهلك الامور.

البصمة بدت مؤخرا ياعني اجراء مستحدث مافيش اي تعرقيلات فيها تبعتيلهم ايميل تحددي موعد بصمتك وتمشيلهم بصورة من الايميل الي وصلك باش تديري بصمتك مع مرافقينك وباسبورتك اللي بتسافري بيه متجدد مش طايح لانه بيكتبو صلاحيته في ابليكيشنهم وتمشي الامور ان شا لله وديري كشفك الطبي مادوريش مش شرط لين تمشي للبصمة عادي مرات البصمة يقولوك اسبوع اخر اتصلي بقراب دكتور تبي تمشيله بعتوهولك بالايميل وخحددي موعد حتي هو معاه وارفعي فلوسك وباسبورتك ورسالة نفس الشي اللي بعتوهالك في الكشف علي الايميل وديري كشفك

وموفقة 

البصمة ماتمشيلهاش وفي ايديك حنة ...مايخدوش بصمتك ويحددولك موعد تاني وكانك محنية توة نحيها بالواركينه لين تديري موعدك 

شكرا جزيلا ليكم
بعثتلهم ايميل و نستنى منهم في الرد...المشكلة اني اليوم بس بعثته و انا في بنغازي....خايفة يجي العصيان المدني و تسكير المطار قبل الموعد :-(

و بالنسبة للحنة ههههه ان شاء الله ما فيش حنة و شكرا للتنبيه

سؤال اخر...
عطلتهم الجمعة و السبت و الاحد؟؟ يعني ما نتوقعش رد قبل الاثنين صح؟؟


شكرا مرة ثانية