سؤال الى أخونا Osama44

السلام عليكم ورحمة الله وبركاته أخوتي 
اخي اسامة ومن خلال مواضيعك القيمة والمثبتة في المنتدى  وخصوصا في سردك لرحلتك من طرابلس لندن تورينتو تترقت الى ان زوجتك كانت حامل وفي منتصف الشهر السابع عند سفرك . سؤالى كيف اجريت الكشف الطبي وخصوصا  صورة الأشعة وزوجتك حامل وكما نعلم ان المراة الحامل لا يسمح لها باجراء صورة اشعة اثناء فترة الحمل . افيدنا الله يبارك فيك فأنا زوجتي حامل وفي الشهر السادس وفي اليومين القادمين سوف اعمل الكشف ان شاءالله ولي عنده معلومة افيدنا الله يبارك فيكم خصوصا وانا خايف هذا الموضوع يسببلي مشكلة في التأشيرة.

           ارجو  الرد 
والسلام عليكم

السلام عليكم اخى العزيز Abu Ali تقريبا بعد الشهر الرابع مفبش مشكلة مع اصحابى خذو التاشير قبل اسبوعين دارو الصورة ومفيش مشكلة ايقلولك فى العيادة وقع عليها وتوكل على الله وما اتخاف من شى والله اعلم

بارك الله فيك خوي Khalifa hussaeen  على الرد بس والله في ناس خوفتني بس موش طلبة موفدين يعني واحد صيدلاني واخر  كثير السفر 

اخى الكريم نحن 5 اشخاص على حساب النفط طالعين ومعى 2 حومل واحد جوزته 4 اشهور عمل الصورة طول وتو اخذ التاشيرة والاخر جوزته ثلاث ونص استنه الى الرابع وعمل بعدها الصورة  وللعلم اخذنة تاشيراتنه فى شهر وممكن نهاية 4 امسفرين

الله يفتح عليك خوي K[b]halifa hussaeen[/b]  وإسهلك امورك ان شاءالله في ميزان حسناتك وكيف ماريحتنا وبارك الله فيك .

ماقبلتنيش حالة هكي بس نقولك خوي امشي لاقرب عيادة بتاعهم متلا النوفليين ولا جنزور او المركز اللي دارو فيه االلاشعة واسألهم .. تتاكد من الاجابة ووتطمن ويرتاح بالك افضل الحق

السلام عليكم ,, اسف والله يا جماعة كنت مشغول جدا ومعاش خشيت للمنتدى من فترة ,, وان شاء الله مشت الامور معاك . الاعضاء بارك الله فيهم كفو ووفو.  نبى نضيف الكشف كان فى نصف الرابع . وفيه حزام خاص للمرأة الحامل. وزدت اتصلت قبلها بدكاترة  فى امريكا وراجعت مواقع وكلها اكدت ان مافيش مشاكل ان شاء الله . رغم ان دكاترة ليبين خوفونى هلبى وقالولى راح تتحمل مسؤلية الطفل اللى بيجيك ومش راح تسامح نفسك واما قراية اللى بضحى بطفلك على خاطر سفرة !( ركبولى الرعب ) الحمد لله رزقت بطفلة وصحتها الحمد الله اهى تمرد جنبى ^_^  ما تخمم فى شى ان شاء الله
ربى يوفقك وكل الاعضاء .

أولا السلام عليكم ورحمة الله وبركاته أخوتي جميعا :


 الحمد والشكر لله وحده على نعمته ومنته  حبيت أشكركم إخوتي جميعا لأنني عملت الكشف الطبي يوم السبت اي  بتاريخ 29 ومشت الحمدلله الأمور تمام وما فيش خوف من قصت الحمل لأن بعد الشهر الرابع مافيش مخاوف من التصوير بس كما ذكرو أخوتي فيه واقي يضعوه كحماية من الاشعة وسئلي الدكتور هل الزوجة حامل فجاوبته بنعم قالي امتى تاريخ الولادة المتوقع فجاوبته وسجله في ورقة الكشف الخاص بالسفارة ولله الحمد الامور ان شاءالله تمام .
واشكر اخوتي جميعا هلي شاركو بالرد وطمنوني واعطوني دافع وريحوني  مني هالضغط النفسي وجزاكم الله الف خير ووفقكم الله