استفسار على تأشيرة الطالب الأقل من 18

السلام عليكم ورحمة الله
كيف الحال شباب إن شاء الله بخير
اني بأذن الله منمشي مناخذ كورس لغة أحتمال يكون 6 أشهر او أكثر والله أعلم
وللعلم اني ندرس في ثالثة ثانوي وعمري 17 سنة لهذا نبي الورق الازم لها التأشيرة
وبارك الله في الجميع
والسلام عليكم ورحمة الله

سبحان الله ، وين الردود الله يهديكم

وعليكم السلام ورحمة الله
الله يهدينا ويهديك
مافيش ردود لعدة أسباب:
1- لأنك طرحت سؤالك أمس ومش كل الناس فاضية تخش على المنتدى كل ساعة أو حتى لو خشت عندها وقت تجاوبك أو تجاوبك غيرك.
2-لايوجد معلومات كثيرة على هذا الموضوع لأن أغلب الموفدين عمرهم أكثر من 18 سنة. وربما البعض لاتوجد عنده إجابة شافية حاليا وفي طور البحث عن الإجابة الأكيدة.
3- هناك سلبية كبيرة جدا من الليبيين والغالبية إلا مارحم ربي يدخلوا ويسألوا ولما يتحصلوا على الإجابة ماعد يدخلوا مرة ثانية إلا لو محتاجين مساعدة ثانية ونتمنى أنك ماتدير كيفهم.

بالنسبة لإجابة سؤالك كيف ماقلت لك لايوجد معلومات كثيرة ولكن يوجد تاشيرة اسمها تاشيرة طفل زائر ولها شروط معينة في هذا الرابط منها موافقة خطية من الوالدين
https://www.gov.uk/child-visit-visa/eligibility

الأوراق المطلوبة بعض منها الذي ينطبق عليك في هذا الموضوع
http://www.almofad.com/t12375-topic

والباقي مامكتوب في الرابط الأول من شروط
وأيضا هنا
https://www.gov.uk/child-visit-visa/documents-you-must-provide



عدل سابقا من قبل Abu Mohamed في الأحد 04 مايو 2014, 4:21 pm عدل 1 مرات

بوركت خوي
هو مش ايفاد من الدولة هو علي حساب بوي
وسامحني بالله عليك

Mohamed Oun كتب:

بوركت خوي
هو مش ايفاد من الدولة هو علي حساب بوي
وسامحني بالله عليك

نعم مافيش فرق إلا في الدعم المالي

السلام عليكم
شباب كيف الحال
في ولد صديقي اني وياه نفس العمر 17 سنه يبي يمشي لبريطانيا سياحه فقط وماتقدرش تمشي سياحه بالنسبه للقصر الاقل من 18
لهذا عادي نقدمله علي تاشيره دراسة اللغة ونوفرله قبول لغة وهمي ويمشي سياحه ويروح بعدها
هل ممكن هذي الخدغة تمر
ومشكورين سلفا

السلام عليكم ورحمة الله وبركاته
إخوتي وأخواتي في الموفد حياكم الله
بالله سؤال علي تأشيرة الطالب الزائر :-
هل صحيح ان الي يبي يدرس لغة في بريطانيا وأقل من 18 يجب ان لايتجاوز مدة الكورس 6 أشهر كحد أقصى ، أو عادي تستمر حتى 11 شهر بالنسبة لمدة الكورس
ومشكورين سلفا

عدل سابقا من قبل Abu Mohamed في الجمعة 13 يونيو 2014, 11:17 pm عدل 1 مرات (السبب : العنوان لايعبر عن المضمون)

السلام عليكم ورحمه الله
رمضانكم مبارك يأخوه
بالله سؤال
اني أقل من 18 , وماعرفتش كيف انقدم على فيزا طالب زائر ل6 أشهر
لأني مالقيتش الا (Special) Student visitor, up to 6 months , مافيش child
وسؤال ثاني :-
في فقره الاموال والعمل , نكتب عمل بوي ومعاشه وقداش يملك ولاعملي اني بأعتباري طالب
وبارك الله فيكم

ياأخوه راني مستعجل
بالله عليكم أفيدونا !!

Mohamed Oun كتب:

السلام عليكم ورحمه الله
رمضانكم مبارك يأخوه
بالله سؤال
اني أقل من 18 , وماعرفتش كيف انقدم على فيزا طالب زائر ل6 أشهر
لأني مالقيتش الا (Special) Student visitor, up to 6 months , مافيش child
وسؤال ثاني :-
في فقره الاموال والعمل , نكتب عمل بوي ومعاشه وقداش يملك ولاعملي اني بأعتباري طالب
وبارك الله فيكم

الموقع توة تحت الصيانة

يعني مانقدر نشوفلك الخيارات المتاحة ولكن شوف بعدين خيار تأشيرة طفل زائر بغض النظر عن المدة لو مازال موجودة ولو مش موجودة ممكن تشوف طالب زائر 6 شهور بس خلي الموقع يفتح قبل عشان نتأكدوا


بالنسبة للسؤال الثاني يعتمد على إجابة السؤال اللي قبله 
What is your current working status?

والخيارات المتاحة بعدها والمفروض أنك تجاوب بأنك طالب حاليا أو لاتعمل

الموضوع مايبي استعجال لأن مرات تستعجل وتكتب حاجة خطأ وتضيع شهر أو أكثر على الفاضي

الموقع كان قبل قليل يعمل والأن دخل في صيانه
الله المستعان
بالله عليك متنسانيش أخونا المشرف

Mohamed Oun كتب:

الموقع كان قبل قليل يعمل والأن دخل في صيانه
الله المستعان
بالله عليك متنسانيش أخونا المشرف

توة شفته مازال مايشتغل شوف بالك يشتغل عندك 

Abu Mohamed كتب:

Mohamed Oun كتب:

الموقع كان قبل قليل يعمل والأن دخل في صيانه
الله المستعان
بالله عليك متنسانيش أخونا المشرف

توة شفته مازال مايشتغل شوف بالك يشتغل عندك 

توا فتح وخدم أخ أبو محمد !!

ياودي
بارك الله فيك وفي أمثالك , نسأل الله ان يدخلك الجنه بدون حساب ولاسابق عذاب

عدل سابقا من قبل Mohamed Oun في الإثنين 30 يونيو 2014, 4:23 pm عدل 1 مرات

مشكور يامشرف
بالنسبه للسكن مع عائله مضيفه

السلام عليكم ورحمه الله
كيف الحال ياشباب , وكيف حال رمضان معاكم !!
كثروا أسئلتي في المنتدى وربما يسبب مشكله للأخ المشرف من ناحيه التنظيم , لكن هذا الموضوع بحثث عنه ومالقيته للأسف لهذا أعتذر للاخوه عن كثره الاسئله  
وسؤالي ياشباب هوا :-
انا طالب في الشهاده الثانويه كملت الدراسه والحمد لله , والسنه الجايه طب والطب ENGLISH FULL واني في الانجليزي ضعيف لهذا رتبت الأمور من بعد ماتموا الأمتحانات واليوم مشيت للوكاله وحجزت عند معهد etc في بورنموث وموعد السفره جي 10/08/2014 والحمد لله الأمور لحد الان ماشيه تمام لكن المشكله الي صارت بما انني قاصر -18 هذا سبب زياده كبيره في الورق ووجع الراس   
واني الي مفهمتاش بخصوص الورقه الي بيكتبها بوي للسفاره علي اساس الموافقه على السفر لوحده الخ ...
هاذي الورقه مفهمتش كيف انديرها , هل ورقه بخط اليد يكتبها ولي الأمر ولا الورقه تكون مطبوعه وموقعها هوا , وهل لازم في هالورقه يكون فيختم قانوني زي ختم محرر العقود مثلا
وسامحوني عالاطاله
وبارك الله فيكم

بارك الله فيك اخونا المشرف

اوراقك تمام بإذن الله تمام وتقدر اتحط بدل عنوان المدرسة
will be settled by the school

ماشاء الله على الأوراق
أخي ادريس عندي موعد زائد عالبايورتي لو الورق بتاعك مترجم وواتي بعد غدوة
كلمني عالايميل لو تبيه تلقاني ديما موجود
mahamed.khaled( عفوا, يمنع نشر البريد الإلكتروني, استعمل الرسائل الخاصة )
موفق ان شاء الله

وأيضا ضف الى أوراقك ورقة لماذا تريد أن تأخذ كورس مجددا في بريطانيا وأشرح لهم بأنك سوف تأخذ كورس أكثر تقدما من الكورس السابق !!
وان شاء الله خير