كيفية حجز موعد للتأشيرة وملأ استمارة التقديم (تابع)

Abu Mohamed كتب:

أعتقد المشكلة عندك في النت يمكن الملف ماتحمل بالكامل
جرب تنزله مرة ثانية أو خلي حد عنده نت كويس ينزله لك ويبعثه بالإيميل

مش بالنت يأخ المشرف
النموذج عبيته مرتين وماباش يطلعوا الصفحات الناقصات مع العلم ان الصفحه الاخيره الخاصه بالتوقيع ورقم الباراكود تطلع

كيف الحل ياشباب , مانبيش نتحشم مع الراجل

Mohamed Oun كتب:

كيف الحل ياشباب , مانبيش نتحشم مع الراجل

 خلي حد عنده نت كويس ينزله لك ويبعثه بالإيميل
أبعثلي على الخاص إيميلك وبيانات الدخول ننزله ونبعثه لك

يا اخوتى الكرام,,,
انا بديت انعبى في بياناتى الشخصية للتقديم على التأشيرة البريطانية tier 4 وتقريبا عبيت كل البيانات وجيت للخطوة الثانية وهى التوقيع في خانة الاسم نكتب اسمى كما هو في الجواز وبعدها التاريخ واندير التالى
ما يقبلش فيها وايرد لى على صفحة حسابى بدون قبول التوقيع, ماعرفتش الغلط وين,,,
علما بأنهم دايرين يوم 8/7/2014 سوف يسكر الموقع visa4uk عشان الصيانة وانا اليوم درت نفس الاجراء ما صار شى؟؟؟
يا ريت اللى عنده خلفية او راي يقوله لى؟؟
وبارك الله فيكم,,,

ولكن يا اخی جربت نكتب اسمی بس لكن ما صار شي هل الموقع فی صيانة او مشكلة ما ؟؟؟
وكذلك فی حاجة اخری مكتوب اذا كان عندك طفل دون الخامسة المطلوب صورة له لمل اتعبي النموذج الخاص بيه،،،
يا ريت اللی عنده معلومة وافية علی هذين النقطتين يوافينی بيها.

Mohamed Oun كتب:

تمام

نعم خشيت عليها ولقيتها فعلا ناقصة غريبة
حاول تعبي مرة ثانية

عبيته 3 مرات ولافائده تذكر !!

السلام عليكم
يا خوى محمد شنو نوع التاشيرة الى متقدم عليها؟ اذا تير 4 حتى انا طلعولى 10 صفحات انت كيف عرفت انو لازم يطلعو 16؟ الابليكيشن متكون من 6 اجزاء وعدد الاسئلة الاجمالى 101 وفى الصفحة الاخيرة الى فيها
DECLARATION هما صفحتين وحدة جاية رقم 2 والاخرة رقم 10
تابع الاجزاء الستة وعدد الاسئلة الاجمالى لو لقيتهم زى ما قتلك معناها ماناقص منك شى
اذا انت حسبت انو 16 صفحة من الاون لين ابليكيشن فهذا مش شرط يطلعو 16 ولانو حجم pdf يختلف وبتالى ممكن يطلع عدد الصفحات اقل والله اعلم خوى وبتوفيق انشاءلله

Mohamed Oun كتب:

عبيته 3 مرات ولافائده تذكر !!

جرب من حساب جديد بإيميل جديد كان ماصار شئ خلي حد آخر يعبيله ممكن قبل ماتسكر الاستمارة تنسخها في ملف word عشان يقدر ينسخ المعلومات اللي فيها ويلصقهن على طول لما يعبي من مكان ثاني.

salah alzwei كتب:

السلام عليكم
يا خوى محمد شنو نوع التاشيرة الى متقدم عليها؟ اذا تير 4 حتى انا طلعولى 10 صفحات انت كيف عرفت انو لازم يطلعو 16؟ الابليكيشن متكون من 6 اجزاء وعدد الاسئلة الاجمالى 101 وفى الصفحة الاخيرة الى فيها
DECLARATION هما صفحتين وحدة جاية رقم 2 والاخرة رقم 10
تابع الاجزاء الستة وعدد الاسئلة الاجمالى لو لقيتهم زى ما قتلك معناها ماناقص منك شى
اذا انت حسبت انو 16 صفحة من الاون لين ابليكيشن فهذا مش شرط يطلعو 16 ولانو حجم pdf يختلف وبتالى ممكن يطلع عدد الصفحات اقل والله اعلم خوى وبتوفيق انشاءلله

تأشيرة طالب زائر أقل من 18 سنة

لا هو في فعلا مشكلة لأنه شفت الاستمارة مش نازل فيها باقي الأسئلة نازل لعند الجزء الثالث فقط يعني قريب نصها مش نازل وحتى لما حولتها لملف PDF نفس الشئ

للتصحيح اخ ابو محمد والأخ صلاح ، درت نموذج طالب زائر اقل من 18 وموعدي الاثنين القادم ومشت الامور تمان
الامور تمام .
هاذي التاشيره لصديق يبي يمشي دهواري بعد العيد ، نوعها General Visit 2Years
مشكلة غريبه واللع ، درت ايميل ثاني وعبيت ولافائدة تذكر ابدا والله المستعان

والله قصة غريبة بجد مافيها الا انك تحاول تشوف مكتب متخصص ربى يسهلك وبتوفيق
سلام

باهى عادى لو لغيت الابليكاشن وعبيت واحد جديد من الاول؟؟

اخى الفاضل انا خشيت عالموقع عادى وفتحت حساب وخشيت الى اول خطوة apply for myself
وبديت انعبى في صفحة البيانات الشخصية ومعلومات عن الزوج والاولاد والمرافقين وبعدها معلومات عن المعهد او الجامعة اللى عطتنى القبول ورقم الكاس نمبر واسم البرنامج الى تبى تلتحق بيه وبعدها معلومات عن الدفع وتكلفة المعيشة,,,,
وبعدها كملت هذه الخطوة وعطتنى صفحة application completed ثم بعدها next step : sign declaration
وهنا عندى المشكلة نكتب اسمى وبعدها معاش في خيار اخر عشان ننتقل الى مرحلة BOOK APPOINTMENT>
بالله عليكم هل نلغي وانعاود من الاول ولا شنو اندير.
وبارك الله فيكم.
,

ان شاء الله

السلام عليكم و رحمة الله
أريد ان اسال هل بعد الحجز علي التاشيرة لازم انعبي الابليكيشن مباشرة لاني نستني في جوزات جوزي و الصغار

اخي ابومحمد السلام عليكم
 انا حاليا ننتظر في موعدي لتقديم اوراقي للسفارة كما قمت بالتسجيل في موقع  Teleperformance وعندما دخلت علي  my Account   وجدت العديد من الخيارات كما واضحة في الاسفل ,هل يجب علي اختيار واحد منهم ام لا وشكرا

Service Cost   Select
Premium Lounge £89.00
What is this?

Priority Visa £100.00
What is this?

Return Courier £9.95
What is this?

لاتحتاج ياسيد خليفة

om-mohamed كتب:

السلام عليكم و رحمة الله
                                         أريد ان اسال هل بعد الحجز علي التاشيرة لازم انعبي الابليكيشن مباشرة لاني نستني في جوزات جوزي و الصغار

وعليكم السلام و رحمة الله 
لازم تعبي الاستمارة الأول وماتقدري تحجزي موعد قبل ماتسكريها 
شوفي هذا الموضوع 
كيفية حجز موعد للتأشيرة وملأ استمارة التقديم (الأصلي)

alshari كتب:

اخى الفاضل انا خشيت عالموقع عادى وفتحت حساب وخشيت الى اول خطوة  apply for myself
وبديت انعبى في صفحة البيانات الشخصية ومعلومات عن الزوج والاولاد والمرافقين وبعدها معلومات عن المعهد او الجامعة اللى عطتنى القبول ورقم الكاس نمبر واسم البرنامج الى تبى تلتحق بيه وبعدها معلومات عن الدفع وتكلفة المعيشة,,,,
وبعدها كملت هذه الخطوة وعطتنى صفحة application completed ثم بعدها next step : sign declaration
وهنا عندى المشكلة نكتب اسمى وبعدها معاش في خيار اخر عشان ننتقل الى مرحلة BOOK APPOINTMENT>
بالله عليكم هل نلغي وانعاود من الاول ولا شنو اندير.
وبارك الله فيكم.
 ,

الخيار مايطلع من الأول بعد تطلعي من الاستمارة المفروض يظهر لك الخيار

الموقع ملئ بالمشاكل التقنية , عكس الموقع السابق الي كانوا يقدموا عليه في 2012و2013
نتمنى من الحكومة البريطانيه حل هذه الأشكالبة المقيتة

Mohamed Oun كتب:

الموقع ملئ بالمشاكل التقنية , عكس الموقع السابق الي كانوا يقدموا عليه في 2012و2013
نتمنى من الحكومة البريطانيه حل هذه الأشكالبة المقيتة

المفروض تبعثلهم رسالة من خلال الموقع وتوضح المشكلة عشان يكون عندهم علم ويصلحوا