استفسار عن مكان منح التأشيره الكنديه

يا شباب الي عنده معلومه ان اسلمت رساله بلموافقه علي منح التأشيره وقالولي جيب جواز السفر السؤال وين نقدم الجواز وهل هم يخدموا الفتره هصي والا لا لأني لقيت موضوع انهم معلقين العمل في منح التأشيرات لمدة اسبوع في المنتدي ارجوا المساعده
شكرا علي تعاونكم

السلام عليكم: اخي انت مش حاتخصر شي ارفعلهم جوازك ممكن يعطوهالك خلال ايام من تسليم الجواز والمكان في حي الاندلس الزنقة المقابلة لبوهيما للكرستال

السلام عليكم
أخي قسم التأشيرات بالسفارة متوقف من 8-16\4\2014 لكن امشي للسفارة في برج طرابلس و تأكد منهم .
ارفع معاك نسخة من الرسالة , مدة صلاحية الرسالة 30 يوم يعني لازم تعلق التاشيرة في غضون شهر.

يعني نمشي مكتب حي الاندلس والا لسفارة في البرج

السلام عليكم: اخي توكل على الله لبرج طرابلس غدا الدور السابع ولا تنسى ترفع معاك نسخة من الرسالة اللي وصلاتك على الايميل، بارك الله فيك اخت bosafy و Ahlam Ramadan على تصحيح المعلومة.

السلام عليكم الف مبروك بالله نبي نستفسر امتا قدمت علي التأشيرة وامتا وصل الكشف الطبي لبريطانيا وشكراا.

شكراا جزيلا علي الافاده ........... اخي انا قدمت علي التأشيره اونلين والبصمه كانت يوم 25..2
والكشف الطبي كان يوم 1..3
والموافقه جت يوم 7...4
ربي يوفق الجميع