رسوم السيفيز

السلام عليكم
جمعة مباركة على الجميع  عندى استفسار لدفع رسوم السيفيز ماهى الخطوات بدقة لوسمحتوا وهل تنفع بطاقة الماستر كارد ام لا من مصرف الامان
سؤال ثانى هل دفع الرسوم عادى بدون مانحدد الدولة الى بناخد منها  التاشيرة والا ليها علاقة
وهل يطلعلى واصل من النت لازم نسحبه فورى والاكيف يعنى لازم ايكون عندى طابعة فى نفس الوقت والا لا.

رانية كتب:

السلام عليكم
جمعة مباركة على الجميع  عندى استفسار لدفع رسوم السيفيز ماهى الخطوات بدقة لوسمحتوا وهل تنفع بطاقة الماستر كارد ام لا من مصرف الامان
سؤال ثانى هل دفع الرسوم عادى بدون مانحدد الدولة الى بناخد منها  التاشيرة والا ليها علاقة
وهل يطلعلى واصل من النت لازم نسحبه فورى والاكيف يعنى لازم ايكون عندى طابعة فى نفس الوقت والا لا.

عليكم السلام
لا اعلم بخصوص بطاقة الماستر كارد من مصرف الامان بس ان شاء الله 96% تمشي حاله
نعم دفع الرسوم ليس له علاقة بدولة يلي بتاخذي منها التأشيرة
تقدري تطبعي الأيصال الخاصة في نفس الوقت أو في أي وقت ثاني مش ضروري طابعة في نفس الوقت لأن تقدري أتخشي علي موقع مرة أخري ببياناتك وتتأكدي من انك دفعتي الرسوم أو تطبعي الأيصال

الله يبارك فيك إن شـاء الله وفى ميزان حساناتك

عادي تستطيع دفعها لأنني دفعتها عن طريق فيزا كرت من مصرف التجارة والتنمية وهناك موقع خاص بدفع رسوم السيفز ودفع الرسوم ليس لديه علاقة بالمكان الذي تريد فيه طلب التاشيرة

وعليكم السلام
بالنسبة لموقع الدفع من خلال هذا الموقع
https://www.fmjfee.com/i901fee/index.jsp
عندى ملف PDF يوضح كيفية الدفع من خلال هالموقع مايبى ينزل على الموفد لو تبيه عطينى ايميل فالياهو والا جي ميل وحاضر نبعته ليك بالنسبة لبطاقة مصرف الامان اسمها  فيزا انترنت اذا تقصدى هالبطاقة  فتقدرى تدفعى بيها وهذا شى اكيد عندى صاحبى من طرابلس دفع منها رسوم السيفس ,انى خلصت رسومها في الاردن وكانت اخر شى درته في اجراءات التاشيرة خلصتهم بعد حجز الموعد يعنى ساهلة ماتشيلى هم منها في اى وقت تقدرى تدفعيهم قبل المقابلة
بالنسبة للسؤال التانى دفع رسوم شنو السفبس والا رسوم التاشيرة اذا تقصدى التاشيرة اكيد لازم تحددى مكان المقابلة ,, فالاول تعبي نموذج DS-160 تسحبى ورقة تاكيد DS-160 اللى فيها الصورة وبعدها تدخلى على موقع السفارة وتفتحى حساب عندهم  وبعدها تعبي بيانات عنك كيف الاسم وتاريخ الميلاد وجواز السفر وبيانات تانية ماعاد ندكرها وفالاخير تسحبى ورقة ستانلى (stanley ) وهذا ماياخد وقت يعنى تعبئة نموذج SD-160 وسحب ورقة الستانلي ماتاخد ساعة لو النت اكويس وبعدها تمشى بورقة ستانلى مع رسوم التاشيرة 160$  للمصرف لدفع رسوم التاشيرة بعدها يعطوك واصل الدفع هذا مطلوب فالمقابلة وبعد الدفع ب24 ساعة تتفعل المواعيد وتقدرى تحجزى موعد المقابلة ,,, بالتوفيق

شكرا ليك بس هده الاجراءات انديرها اهنى من ليبيا والا لن نمشى للدولة الى بنطلع منها التأشيرة وشن هو الموقع بالظبط الى اندير فيه هده الاجراءات لوسمحت

السيفس وتعبئة نموذج DS-160 وسحب ورقة ستانلى تقدرى اديرهم من ليبيا وهي ساهلة
وبعدها لو تعرفى حد ماشى للاردن تعطيه ورقة ستانلي وصورة من جواز السفر يدفع عنك في مصرف القاهرة بعمان وياخد منهم الواصل ويبعتلك صورة من الواصل وبعد24 ساعة تحجزى الموعد

السلام عليكم ورحمة الله وبركاته ،،،

معلومة للجميع ان ورقة ستانلي صلاحيتها يومين فقط وهذا عن تجربة شخصية لي ,يعنى الذي يستخرج ورقة ستانلي عليه التقديم بها خلال يومين والا يتطلب منه استخراج ورقة اخرى

السلام عليكم, فيزا نت من مصرف الامان يمكنك دفع رسوم SEVIS بها, لقد قمت بالدفع بنفس الطريقة.

نعم اخي بطاقة مصرف الامان تمشي حالها فانا دفعت رسوم السيفيز عن طريقها ومشت الامور تمام والحمد لله