الجواز الجديد

السلام عليكم
نبى نسال على الجواز الجديد هل هوا معتمد فى امريكا ولا مزال انا جوازى ينتهى فى 2015 وصادر فى 2006 ونبى نطلع جواز جديد بس سمعت انه مش معتمد فياريت اتفيدونى خوتى وشكرا

وبارك الله فيكم

السلام عليكم
انا واقع في نقس المسكلة , جوازي صلاحيته تنتهي في نهاية 2014 , واخر معلومة توصلت ليها ان جواز السفر الجديد معتمد في اميركا . بنتوكل على الله وبنغيره ,
وان شالله خير

حتى انا قدمت بالجواز القديم وتحصلت ع دعم اللغة بس بديت في اجراءات تغيير الجواز الازرق ... لانهم قالوا لي انه ضروري i20 تطلع بالجواز الجديد الازرق والله ماني عارف لاني بصراحة متحصلتس ع المعلومة الاكيدة .. لاني الجواز السفر الازرق يطول وياخد وقت وماعاش عرفت نقدم بالجواز الاخضر ونتحصل ع i20 وبعدها نقدم الجواز الجديد الازرق ع تعليق التاشيرة .. لانه بجد نخاف يرفضوني بسبب هذا الموضوع ....

انا قدمت ع ورقه الدعم المالي بالجواز القديم وتوا الجامعه طالبة صوره من جواز السفر وحاليا انا بصدد استخراج جواز السفر الجديد بس مش عارفه نعاو وقه الدعم المالي بالجواز الجديد

السلام عليكم: نصيحة لوجه الله قبل ما تبدوا في اجراءات الجواز الجديد بروا راجعوا بياناتكم بالسجل المدني ضروري تتأكدوا من كل شيء الاسم - اللقب- المواليد اتصوروا قدامي واحد ردوه بعد ما شدينا الطابور ليوم كامل على خاطر اللقب في الكتيب بـ "ال" التعريف لكن  في المنظومة من غير "ال" وطبعا سخيفني الراجل بعد هالتشحوير ردوه، بعدين وصل فيا الدور باش تاخدلي الصورة الالكترونية فرحانة قريب انطير واخيرا !!! يطلع حتى اني عندي غلطة في المواليد والله قريب سخت.  فلهذا حبيت ننصحكم

وعلى فكرة راهوا يطلع خلال اسبوع بالكتير اسبوعين التعب كله في اول يوم لما بتسجل لازم تمشي بكري بعدين اتشد الطابور بس تاني يوم اللي هو بتصور فيه الامور منظمة اكثر

السلام عليكم : عندك الحق انا صارتلي نفس الشئ لما وصلت اني بنصور لقيت اسمي صح بس تاريخ الميلاد غالطين فيه مشيت للسجل المدني وبعد اسبوع باش عدلوه ومشيت للجوازات تاني وقدمت اوراقي وتوا نستنى في الجواز الجديد ........ وربي يوفق الجميع