عدم قبول طلبات الليبين في سفارة الامريكية في الأردن

السلام عليكم عندي استفسار علي تأشيرة الامريكية من الأردن سمعت ان سكرو معاش يقبلو من ليبين من امس و اني حجزت و موعدي الاسبوع الجاي هل يشملني شي هذا او كيف و الله احترت نحجز تذكرة او لا

السلام عليكم ورحمة الله وبركاته ..
الافضل انك تتصلي بيهم..نقصد ( السفارة الامريكية في الاردن ) هما ايردو علي الهاتف وما فيه اي مشكلة بأذن الله ...

السلام عليكم ورحمة الله وبركاته ،،،

بما انك احجزتي موعد فهذا لاينطبق عليك وبالتالي تستطيع ان تكملي مشوارك ،،، ولزيادة التأكيد يمكنك الاتصال بيهم بأحدى الوسيلتين اما بالهاتف او عن طريق هذا الايميل AmmanNIV@state.gov

ممكن المصدر لو سمحتى؟

]اتصلت بيهم قالولي ابعتي ايميل مهم بعتلهم ايميل ردو عليا بي زوز ايميلات واحد قالولي ان حيرودو عليا في غضون يوم او يومين وبعدها بعتولي ايميل تاني فيه أيميلي و رقم سري و بعتولي موقع و قالولي خشي ودخلي ايميل و باسورد مهم دخلتهم خشيت علي صفحه فيها معلومات علي تأشيرة و لقيت فيها موعد اليوم و الساعة شني هكي يعني ان أموري تمام ؟؟؟؟

omarelec كتب:

ممكن المصدر لو سمحتى؟

المصدر مكتب لي دارلي الابلكيشن لان صاحبتي بتحجز موعد يخلصو عليها رسوم المصرف ما قبلهمش لأنها من ليبيا قال المكتب قالو سفارة معاش تقبل و الله اعلم

أمورك مئة في المئة والتوفيق إنشاء الله انا أخذتها امس وموجود في الأردن الي يوم الخميس

far_hat75 كتب:

أمورك مئة في المئة والتوفيق إنشاء الله انا أخذتها امس وموجود في الأردن الي يوم الخميس

شكرًا اخي ممكن تقولي كيف كانت مقابلتك وشن سؤلوك و الله خايفه هادي اول مقابله ليا وأول مره نسافر

far_hat75 كتب:

أمورك مئة في المئة والتوفيق إنشاء الله انا أخذتها امس وموجود في الأردن الي يوم الخميس

ويا ريت اخي فرحات تقولي وين حجزت في فندق او شقه وأما احسن وكيف نقدر نحجز من اهني من ليبيا قبل ما نوصل غادي

السلام عليكم
بس نبي نستفسر.... يعني خلاص معلومة اكيدة معش يستقبلو في الليبيين