خوفوني منها فانكوفر واني مسجلة في معهد لغة فيها.......................

السلام عليكم حقا فانكوفر مدينة غالية جدا.....خايفة نمشيلها وتواجهني صعوبات....اللي عنده خلفية يساعدني........وشكرا

نفس الموضوع صاير معاي بس بنتوكل على الله وخلاص بالنسبة ليا اخترتها لانها من أدفى المدن هيا وفكتوريا وبالنسبة للغلاء يحكو عليها انها غالية يستر الله
ان شاء الله يرد علينا حد عايش فيها ويعطينا شوية معلومات

خليك في ليبيا خير واعطي الفرصه لغيرك.... سبحان الله !! احمدو ربي واشكرو نعمته.. فيه اللي يحلو يركب طايرة

سبحان الله في خلق الله ...وما الذي أزعجك لهذا الحد ....لو كان نعرف الدولة بتدعمني ومش حتقصر في المنحة لكنت ذهبت للقمر......لا حول ولا قوة الا بالله العلي العظيم.....

نقولك يقولو غالية هلبة ...لكن مافهمتش الغلاء وين

مامشيتلهاش قبل ومانعرفش التعبيير ممكن يكون كيف بس خليني نقولك سارة حاجة

في اللي عنده 100 جنيه ياكل بيهم ويشرب شهر مسكر هو وعيلته وماينقص عليه شيء وفي اللي 1000 يكسرهم في يوم ... خلاف الايجار والسكن اللي بيسكن فيه طبعا ..علي الاقل حاجة متطمنين عليها ....
فشوفو متلا حاجة ...قعدت بعشرين يورو شهر مسكر في قلب فرنسا ومع انه غالية نار علي الاقل بالنسبة ليا لكن دبرت وتسهلت من عند المولي ...فانكوفر ممكن تكون اغلي من اوتاوا في تمن شيشة المية في اوتاوا متلا 3 دولار في فانكوفر تلقيها 3.5 دولار ....الفنادق متاكدة في جميع الاسعار متوفرة ممكن صح لانها سياحية فمش حتكون طلابية والدارسين لانه هدفهم التعليم قبل السياحة والترفيه ....
الاعزب ولا الراس ورويس وريب يكبر عيلتهم ^_^ مش حيحسو بالفرق بس اللي عنده عيلة دا عيله بيطلع بيشري شبشب والتاني يبي يدهور وفي تدهويرته بيشري الف حاجة  هدا حوش يبي تلاته ديار مش اقل لعيلتي ياعني بيصرف بمعدل اكتر لانه مستحق وبناءا علي طلبه ...
وكان تجي تدوري مع انه حني بلاد خيرات لكن فيه فرق كبيييييييييييييير في الاسعار متلا بين طرابلس ومصراته ولا بين طرابلس وبنغازي ..ياعني المصراتية لما يشوفو اسعار طرابلس يقولو مبالغين فيها والطرابلسية لما يمشو لبنغازي انا واحدة من الناس نشوف فيها بلاااااش في الاسعار بنغازي ياعني من جنسياتا تانية يسالو فيا يقولو طرابلس غاليييييية هلللللللللبة خلاف غيرها من المدن ؟؟ صح اختلاف اسعار تشوية بس نحسوها حني مش البرانية .....طلعنا من الموضوع ...حصيلة الكلام وخيتي تبي فانكوفر ما تتخوفيش توكلي علي الله جربي حتي شهر وغيري ^_^

اختي سارة اهي في الرابط هدا فيه موفدة في فانكوفر تبي تاجر شقتها تراسلي معاها علي الاقل اعرفي سعر الشقق وممكن تقدر تفيدك واكيد مش حتبخل عليك اجر ليها ...

http://www.almofad.com/t27023-topic#198397

وهدا اللي كاتباته اختي

السلام عليكم ورحمة الله وباركاته
إلي أخوتي الموفدين من عزم علي القدوم لفانكوفر في نهاية شهر 4 أو شهر5 أنا عازمة علي السفر في شهر 5 من يريد إجار شقتي وبالأتات كامل فاليراسلني علي الخاص لأي تفاصيل أخري .
والله موفق الجميع

السلام عليكم
ربي يوفقك أختي سارة وان شاء الله توصلي بالسلامه
أنا الان موجود في فانكوفر
المدينة أكثر من جميلة .. تعتبر من أجمل مدن العالم.. والجو هذه الايام خيالي
بالنسبة للمعيشة.. مثل ما قالت أختي سراب الحقيقة " حسب مصروفك " يعني فيه اللي المنحة بتسدة وفيه اللي يطلب فلوس زيادة من أهله
ولكن
المدينة تعتبر غالية .. أجار الشقق لغرفة واحدة في الداون تاون صعب أنك تلاقي أقل من 1200
واذا كان غرفتين ممكن الاسعار من 1600.
واذا كنتي من طلبة UBC وتبي شقة داخل الجامعة فالسعر لغرفة واحدة مش أقل من 1600 بدون أثاث
واذا تبي تسكني بعيد من الداون توان فالاسعار أقل شوي ولكن حتدفعي الفرق من وقتك.. يعني ممكن تسكني في مكان أرخص شوي ولكن تستغرقي ساعة في الصبح علشان توصلي للمعهد
بالنسبة للمواصلات فهمي متوفرة ( كرت الباص الشهري اذا كنتي ساكنة في فانكوفر ب91 دولار واذا كنتي في ريتشموند أو سيراي فحيكون أكثر )
بالنسبة للمطاعم الاكل فيهن غالي
مطعم تركي عنده شاورما من فتره ب9 دولار الان داير تخفيض ب6.25 دولار يعني المطاعم غاليه شوي
واذا المرافق يبي يشتري سياره .. البنزين غالي جدا .. معي صديق عنده سياره يستعمل فيها للجامعة اسبوعيا يعبي ب80 دولار.. والباركي طبعا بالاجار ( شهري أو بالساعة )


وأي معلومات أخري تفضلي

والله ياختي الارزاق من عندلله ومتعرفيش الخيره وين اهم حاجه الانسان ما يحولش يفكر في رزق المستقبل البعيد يعني يفر لي ليبيا واني مع الاخت سراب الله يحفظها ..ومتاكد راح تتريحي في فاكوفر

مشكورة اخت سراب الحقيقة,والاخeng.mohamed والاخ DHNOS....بارك الله فيكم......

السلام عليكم

انا حاليا موجوده في فانكوفر وليا حوالي شهرين والحمد لله عايشين والامور كويسه بالنسبه للغلاء شيء طبيعي

لو انتم عندكم تكنيك اقتصادي تقدرو تعيشو ... بالنسبه للخضره واللحم والمواد الغذائيه كويسه وسعره كويس وكل يوم تعرفو محل رخيص على الاخر ...

يعني الشخص يتوكل على الحي القيوم ويقول يالله تمشي الامور ..

بارك الله فيك اخت بلادي حرة ..............وفقكي الله

اختي بلادي حرة سبحان الله الشهرين كيف مرة ^_^ بارك الله فيك علي المعلومة اللي ضفتيها وريحتيلهم بالهم بيها

اهلا اختي سراب هههه العمر يجري ... لو احتجتو اي مساعده او معلومه ممكن ساعد على قد ما نقدر ربي يوفق الجميع تحياتي لكم

السلام عليكم
بالله افضل معهد او جامعى لدراسة اللغة فى مدينة فانكوفر وبارك الله فيكم

معلومة للتوضيح بالنسبة لاغلب الموفدين الذين يشتكون من غلاء المعيشة في بريطانيا تحديدا او كندا هم الذين يسعون للتوفير من المنحة يعني عندهم حسابات خاصة بيهم لذلك هذه الدول في نظرهم غالية جدا لا احد ينكر انها غالية لكن للامانة المنحة كانت كافية والحمد لله وعلى ما اعتقد اانها زادت لتواكب الزيادة في الغلاء
عن تجربة شخصية عشت في بريطانيا فترة اثناء دراسة الماستر وكنت متزوجة ولدي اطفال والمنحة كانت كافية والحمدلله ولم افكر في التوفير بتاتا ولم ارجع الى بلدي الا بمئات قليلة جدا من الجنيهات مكسبي الحقيقي كان شهادتي التي لا تعادلها كنوز الارض في نظري
القناعة كنز لايفنى و العلم لايقدر بثمن
نصيحة من يفكر جديا في الدراسة في هذه الدول عليه الابتعاد عن التفكير المادي لانه حا يتعب لا محال

نعم كلامك سليم ميه في الميه .. وانا نوهة في كلامي قبل لازم يكون في تكنينك اقتصادي ... يعني في مصاريف ايجار ونت وكهرباء و بطاقة الصعود للباص والقطار .. واستهلاك المواد الغذائيه .. يعني لو الموفد يصرف المنحه بطريقه سليمه لن يشكو غلاء المعيشه ... وربي يسهلنا الامر ونرجعو لي بلادنا بشهادات عاليه بالتوفيق

كلام حلو ومطمن ربي يوفقكم ومشكورين ..........