تلصيق التاشيرة في الباسبور

السلام عليكم
بالله نبي اى حد خدى التاشيرة ولصقها في جوازه يقول كيف دار ومع من تعامل مع السفارة ولا مكتب حى الاندلس وقداش قعد يستنا لان ليا 10 ايام نستنا مفهمت شي...
مع الشكر لكل الردود

والله هادى خرافة جديدة متع حى الاندلس ...الصبر ياربي ..لاحول ولا قوة الا بالله العلى العظيم ...قبل كانت تاخدها من البرج فى نفس اليوم

قبل مش عارفة توة ماشيين بيها ولا لا ... لو بتمشي لمكتب حي الاندلس من بعد ما اسلتمكت الايميل اللي قالولك فيه تعالي جيب باسبورتك يبي تلات اربع ايام باكتير ويكلموك ويقولك تعالي خود باسبورتك
او تمشي لبرج طرابلس الصبح بكري تعطيهولهم ويلصقولك التاشيرة وترجع تاخده بعد الظهر

يا أستاذي انا تحصلت عليها انا وكل أفراد عائلتي . بعد عبيت النماذج في موقع السفارة وسحبتهم وخديت موعد يوم 10 / 2 جهزت كل أوراقي واهم شي رسالة المكتب الكندي وبعدها مشيت لمكتب حي الاندلس الي هو أصلا في شارعنا وقدمت أوراقي وخدو البصمات وبعدين بعد أسبوعين بالزبط وصل إيميل الكشف الطبي مشيت درت الكشوفات انا وعائلتي وبعدها بفترة وصلني إيميل يقولو أني تحصلت على التأشيرة من مكتب تونس وبعدها بأسبوع وصل إيميل يقول تعالي خوذ التأشيرة خديت الجوزات ومشيت لمكتب حي الاندلس وبعد ثلاثة ايام أستلمت الجوزات والتأشيرة فيهم . الموال هدا كلة خدا شهر و 10 ايام من يوم ما قدمت أوراقي في مكتب حي الاندلس تمام . ربي يوفقك .

تى كويس موال جديد باش يلصقولك تاشيرتك يبو اسبوعين حتى السفارة معادش يلصقو فى التاشيرة الا للبرانية الى يسكنو خارج طرابلس وبعاد مسافة الصبر ياربي

السلام عليكم
ياريت من اي واحد سلم جواز السفر ل المكتب الي في حي الاندلس بش ياخد التأشيرة يوم 4/17 واستلمه يفيدني لاني من يوم 4/17 نستنا ومافي شي .

أنا سلمت الجوازات يوم 21 -4 لمكتب حي الأندلس ولليوم ما كلمنيش حد؟؟؟؟!!!

عدل سابقا من قبل Ahlam Ramadan في الثلاثاء 29 أبريل 2014, 7:25 pm عدل 1 مرات (السبب : خطأ في التاريخ)

[quote="Ahlam Ramadan"][size=18]أنا سلمت الجوازات يوم 14 -4 لمكتب حي الأندلس ولليوم ما كلمنيش حد؟؟؟؟!!![/siz


نحسابك سلمتى الجوازات بعدى بيوم بعد عيد الفصح اخت احلام
وارجو التفاعل من الشباب ومن استلم الاسبوع هدا

بالله افيدوني بالنسبالي مقيمة في كندا ونستنى فالوالدة بادن الله للزيارة والتأشيرة تعطلت هل هدا عادي ولا شن المشكلة علما بأن ليها شهر مقدمة ولغاية توا ماكلمها حد وبعدين ياخدو البسبور ويقعد عندهم أكثر من أسبوع مشكلة

الحمد لله اليوم اتصلو بيا مكتب التاشيرات ومشيت استلمت الجواز وملصقه فيه التاشيرة وصلاحيتها سنة وستة شهور بالتوفيق للجميع

سلام عليكم
اني وصلني ايميل بي الحصول علي التاشيره احسن طريقه شني ؟
نمشي الي البرج بكري و لا نسلم جواز في حي الاندلس

كلامك صحيح أخ يدّر قدمت بعد الفصح بيوم ... وغيرت التاريخ في البوست ..... عموما .. اليوم بنباركولك حق ... بالتوفيق إن شاء الله .....
وبنسألك آمس لقيت مكالمة فائتة ليبيانا آخر أربعة ارقام 7873 زعمة رقم السفارة؟؟؟؟


الله يبارك فيك وتسلمى وسورى على التطفل رقم السفارة مدار نهايته 1716 وان متاكد بادن الله غدوة حيتصلو بيك يقولولك تعالى استلمى جوازاتك وبالتوفيق اما بالنسبة الى يسال وين يمشي فلو انت من سكان خارج طرابلس اتجه للسفارة وقبل 9 تكون عندهم ولو انت من طرابلس حتتعامل مع مكتب التاشيرات فى حى الاندلس

إن شـاء الله خير

السلام عليكم
كيفكم ياشباب وايش الأخبار.....مش عارف خيرها السفارة تغيير روتينها أنا أخذت التأشيرة من البرج لى وزوجتى فى نفس اليوم بعد ماجانى الأميل هذا صارتقريبا فىنصف شهر 3
وبعدين زادت عليا مزودة والحمد لله وقدمتلها وجانىاميلها ومشيتللبرج قالو تغيير الروتين بعثونى لمكتب حى الأندلس وسلمة جواز مراتى والأميل الخاص بي بنتى من يوم 22\4\2014 وطلبو من أن أدفع مئة دينار مش عارف علاش والى اليوم لم يتصلو بي
أمانة ياشباب اللى عنده اى معلومة ايفيدنى ...علما بانى لاما جانى منهم اميل مشيت حجزت تذاكر وفندق واجلتهم وخصمو منى أنا فى حيره من امرى[/size][/size][/b]

الموضوع عادي جدا ..... أنا بعد 13 يوم باش ردوا عليا تعالي استلمي جوازاتك ...... وبالنسبة لـــ 100 دينار هي بدل البصمة والصورة للبيبي ....
بالتوفيق

السلام عليكم
امانة يا اعضاء المنتدى كان فيه حد اطمنا بخصوص موضوع تعليق التأشيرة فانى جانى الأميل بالقبول وتسليم الجواز الى السفارة بطرابلس فسلمت الجواز الى المكتب الكندى الموجود بحى الأندلس من يوم 21\4\2014 والى اليوم مفيش اى اتصال أنا فى حيرة من امرى
ولكم جزيل الشكر

رغدة كتب:

السلام عليكم
امانة يا اعضاء المنتدى كان فيه حد اطمنا بخصوص موضوع تعليق التأشيرة فانى جانى الأميل بالقبول وتسليم الجواز الى السفارة بطرابلس فسلمت الجواز الى المكتب الكندى الموجود بحى الأندلس من يوم 21\4\2014 والى اليوم مفيش اى اتصال أنا فى حيرة من امرى
ولكم جزيل الشكر

الموضوع طبيعي و لا داعي للقلق ..الاجراء يطول مع الزحمة و كثرة الجوازات و يأخد من 10 ايام الي اسبوعين . و انا اتصلت بهم قبل قليل و بلغوني ان في دفعة وصلت عندهم الان . و ان شاء الله تكوني منهم . بالتوفيق .