ما سبب تأخر المنحة بالله اللي عندا معلومة ايطمنا

السلام عليكم ورحمة الله وبركاته . اخوتي الكرام انا طالبة جديدة في كندا واستكملت جميع اجراءاتي وليا ما يقارب الشهر وللان مانزلت المنحة . تاريخ وصولي لكندا 24 ابريل وسمعت انها احتمال اتكون مقطوعة بسبب مشاكل مالية بين المكتب والبعثات لو الكلام هذا صحيح الافضل نقول لاهلي يبعثولي حق التذكرة ونروح .عطوني المشورة

السلام عليكم أختي الكريمة وانا كذلك في كندا عليك بالصبر قليلا. المكتب الكندي ينزل في المنحة بعد شهر من وصول الموفد. اعتقد بعد اسبوعين يمكن ان تنزل لك المنحة
دعائكم

شكرا على الرد اخي الكريم وربي ايعينك في كل امورك ويسهلك ويسدد خطاك

يا اخوتى المنحة ماتنزلش لين تبدا فى الدراسة وتبلغ مشرفك الاكاديمي انك بديت الدراسة فى المعهد الفلانى

غربية راه بالك قاعدين في تصفية المشكلة اللي صارت بتاع المحة مع البعتات

علي العموم في مجموعة اللي في تفويض 1 و 2 ة 3 اللي وصلو شهر 4 وبدو في الدراسة ياعني المعهد اللغة بعت للمكتب الكندي وقاللهم انه الطلبة هدو تفعل نلفهم ..خدو منحت اللاب توب بعد اسبوع بالضبط وومن نفس الشهر اللي سجلو فيه وبدو الدراسة بعد تفعيل نلفهم نزلتهم المنحة للعاوب 2900 دولار كندي ...
لدفعات اللي بعدهم الحق مازال هدا اخر خبر عندي لانهم صح يتاخرو في تفعيل الملف يوصلو مرات اسبوعين في تفعيله الله غالب.. والحمد لله

ان شاء الله خير يااختي وما بعد الصبر الا الفرج بادن الله

السلام عليكم: معناها الطالب مفروض ايسافر قبل الدراسة بأسيوعين باش يلحق ايفعل ملفه وايشوف سكن مناسب. على العموم لا أعتقد ان هناك مشاكل من حيث المنحة مع البعثات حاليا لأن انا كيف راسلت عبد الله اللي بـ CBIE وبلغته موعد سفري ورد عليا وطلب مني ان نرسل ليه عنوان سكن دائم، اقصد لو كان فيه مشكلة في نزول المنحة كان على الاقل المكتب بلغنا.
ان شاء الله تنفرج الامور الحق وضع صعب مرات الواحد رافع معاه مبلغ على اساس المدة الاولى لكن مش لفترة طويلة، خيران شاء الله

اختي رنا خطرها علي العنوان..عناويين الفنادق مايبوهاش يبو دايم وكان مافيش بكل او مازال ماتقررش يقدرو ياكدو علي عنوان المعهد بتاع اللغة لحبن تغيير سكن دائم..
بعدين وينه اللي بيسدو كان تلفون لازم تخلصي مش اقل من 35 حولار شهريا تكلمتي ولا ماتكلمتيش وباص باش تركبي في الشهر 133 دولار كاش لا تقبل النقصاة ناهيك علي الماكلة والشراب..قلت قبل 1500 او200 ممكن يسدو..توة تغير الحال 5000 كاش و10000 في الفيزا و 7000 يوتو ارواحهو الاهل باش يبعتوهم ويالله الحال يلايم ^_^

شكرا اخوتي على اهتمامكم وبفضل الله نزلت المنحة امس حبيت انطمنكم معناها ما في مشاكل زي ما اعتقدت بين المكتب الكندي والبعثات . واسفه لو خوفت اي حد جاي جديد

السلام عليكم: الحمد الله اختي وان شاء الله ربي يبارك فيهم.
اخت سراب بالله نبي نسألك على الفيزا اكيد تقصدي فيزا الامان والله، هل البطاقة هذه استخدمتيها اي هل مهم نحط فيها مبلغ كبير ولا مش ضروري لأن الصراحة اني درت الفيزا والماستر لكن حاطة مبلغ مش كبير ياريت اتقوليلي كان هي مهمة غادي في الشراء باش كان هذا نمشي نحط مبلغ في الحساب. وشكرا