اوريد نصيحه من اي واحد في هاليفاكس

السلام عليكم
نبي نصيحه منكم يا موفدين يلي في هاليفاكس اناكيف حصلت التذكره والحمدالله ومسافر لي هاليفاكس واول مره نركب الطائره ((نبي اسم فندق قريب علي مطار هاليفاكس ويكون سعره معقول انا عزابي وجاي بروحي )) وكان عندكم اي نصيحه ماتبخلوش عليا لاني ناخد بالنصيحة مجرب الرجاء التفاعل ومساعدتي كيف نتصرف داخل المطار وشن قصة الورقه يلي بنعبيها في الطائره ولا المطار ؟؟؟؟؟؟؟؟؟؟؟؟؟؟ ياريت تشرحولي وحدا وحدا ولكم الاجر ياااااااااااااااارب
مع العلم اني اخترت معهد اللغه (ايست كوست )) وشن تنصحوني من ناحية السكن نقعد في فندق او ناجر شقه وكان حد عارف يساعدني في الحصول علي استوديو صغير انا في انتضار ردودكم ((( وشن تنصحوني كم نرفع معاي دولار ...........؟؟؟ وهل دولار عادي وغادي نصرف دولار كندي ولا كيف ))
وشكرااا

الله يحفظك و توصل بالسلامة ،، لست من أهل التجربة و لكن عسى الله أن يمُنَّ عليك بمعلومات تفيدك،، فأهل الخير كثيرون و الحمد لله .

عدل سابقا من قبل almohager في الأحد 18 مايو 2014, 11:29 pm عدل 1 مرات

وعليكم السلام ورحمة الله تعالي وبركاتة
اخي العزيز اني قاعد توا في هاليفاكس ونقرا في لغة في الايست كوست في فندق تقريبا الارخص في هاليفاكس ومش جنب المطار لكن انت مش بحاجة ان تسكن بجنب المطار اسم الفندق 4 Melrose Avenue, Halifax (NS), Canada B3N 2E2 اعطي العنوان هذا للسواق وهو يوصلك لعند الباب. وبعدين خش علي موقع Kijiji وشوف الاسعار حتي من ليبيا.

السلام عليكم.اول شئ مبروك ع التذاكر.ثانيا الحجز في فندق شوف موقع www.booking.comفي فنادق بأسعار مختلفه وبالنسبه للسكن في موقع kijiji حدد المدينه ومواصفات الشقه اللي تبيإا اما أوراق اللي في الطياره معنديش فكره لكن يقولوا انك ارم متغلطش في شئ وأسأل المضيفه في الطياره ان شاء الله تساعدك .وان شاء الله الليبيين غادي يساعدوك .الأخ طارق في الموفد. يتواجد في هالفكس اتمنى انه يساعدك لانه عنده معلومات قيمه

الاح منير فكرون اعطاك رقم فندق رخيص احنى انقولو عليه الصينى وعلى العموم بعد ماتوصل يمكنك انك اتدور على شير او هومستى في الكيجيجى وان شا الله نقدر نساعدوك

جزاكم الله الف خير اخي المهاجر واخي منير فكرون واخي مهيمن واخي طارق علي جوابكم الشافي ونسال الله ان يسهل عليكم مشوار دراستكم ويوفقكم بادنه تعالي ...........

بارك الله في الجميع .وخصوصا الأخ طارق الذي لا يتأخر ع المساعدة

معلومات عن المعيشة في هاليفاكس "باللغة العربية"

https://www.dropbox.com/s/r1rxnojkl57pv8d/%D9%85%D8%AF%D9%8A%D9%86%D8%A9%20%D9%87%D8%A7%D9%84%D9%8A%D9%81%D8%A7%D9%83%D8%B3.docx

كتيب إرشادي للقادمين الجدد إلي هاليفاكس "باللغة العربية"
https://www.dropbox.com/s/6lbqowea9t1f4t1/Newcomers_Arabic_Web.pdf

السلام عليكم اخوي طارق انا موفد واخترت كندا وعندي رسالة دعم مالي لغرض القبول ونبي قبول لغة من هاليفاكس
انا مسجل جديد بالمنتدى ولا استطيع استخدام الرسائل
وموفق اخوي صاحب الموضوع