ان شاء الله اتحدد موعد السفر

السلام عليكم
الحمد لله عالسلامة اختي رنا...بالنسبة ليا رحلتنا كانت حلوة ومريحة عالافريقية وخاصة انها اول مرة ليا على متن طائرة بس الحمد لله عدت على خير... والتعب بدا عند البحث عن سكن..... ادعو الله ان يوفق الجميع

السلام عليكم
اليوم امشيت للسكن الجامعي وقدمت ع اﻻبليكيشن وعبيته والحمد لله حصلت سكن خاص في مبنى مقابل الجامعة شقة شامل ايجارها الخدمات كلها ماعدا النت والاثاث وطلبوا مني 200 رسوم تسجيل و760 ايجار شهري، طلعا حتقولوا رخيصة ايه والله حتى اني قلت الحمد لله اهم شيء السكن حصلته مازال ثأثيته ببعض المفروشات لكن هالمنطقة في الشتاء كلهم قالولنا ماتقدرش تقعد 5 دقايق واقف في الشارع حتى باش تستنى الباص راهو توصل الحرارة ل -45 ربي ايعينا المهم الامور ماشية الحمد لله لكن هما نهارهم طووووووويل مايبيش ايتم اني انوض ونطلع ونتغدوا ونروحوا نلقوها قاعدة الواحد هذا مازال رمضان على خير ان شاء الله
اه على فكرة المعهد التابع للجامعة يقروا فيه 3 طلبة ليبين فقط واني ان شاء الله الرابعة، ادعولي امتحان تحديد المستوى ممكن مع نهاية اﻻسبوع وربي ايسهل للجميع