تأخر التأشيرة..؟؟؟

السلام عليكم
الأخوة في الموفد نبي رأيكم ... مقدم على التأشيرة على الكندية أكثر من 70 يوم وإلى حد اللحظة لا يوجد رد ماذا أفعل هل أراسل السفارة الكندية في تونس ولا نستنى حتى نسكر 3 شهور ؟؟؟؟ و إذا راسلتهم هل باللغة العربية أو اللغة الانجليزية ؟ و ما هو إيميلهم ؟ أرجــــــــــــــــــــــــو رأيكــــــــــــم و الله حاير ،،،،،

وعليكم السلام
بنسألك درت الكشف الطبي
المهم انا تاشيرتى اقعدت 4 اشهر بيش طلعت مع انى مقدمة اون لاين
ان شاء الله ربي ايسهلك امغير اصبر اشوى

Eman Rajab كتب:

وعليكم السلام
بنسألك درت الكشف الطبي
المهم انا تاشيرتى اقعدت 4 اشهر بيش طلعت مع انى مقدمة اون لاين
ان شاء الله ربي ايسهلك امغير اصبر اشوى

الله المستعان ،، أربعة شهور و الله إلا هلبة ، ربي يصبر جميع اللي يستنُّوا و يبارك للي خذوا تاشيرتهم .

اخت يايمان بالك عندك كانو نواقص ؟؟؟ لانه هلبة راه

خوي مرات بدو يتاخرو فيها كانك شكيت شوية ابعتلهم ايميل بالانجليزي قلهم نبي ايضاح الامر الحق الاميل مانعرفاش لكن مكتوب في واحدة من المواضيع ... وهدا قريب شهرين علي بعد الكشف الطبي ؟؟؟ بس ان شا ءالله خير

السلام عليكم أولاً مبروك لكل من استلم التأشيرة و عقبال المنتظرين إن شاء الله، ثانيا بالنسبة ليا وصل الكشف الطبي لندن 2014/04/16 و إلى حد اليوم أنتظر أي 43 يوم، و أنا تفاجأت بمدة الاربعة أشهر و ما كنتش نحساب أن أون لاين ايعطل هكي، فإذا في حد في نفس الظروف يفيدونا حتى ننتظر و نحن مطمئنين، و نبي نسأل هل يوجد في موقع الهجرة (التقديم أون لاين) فيه مدة محددة للحصول على التأشيرة (أقصى مدة) و لا مافيش، و هل توجد وسيلة اتصال للاستفسار عندما تتأخر التأشيرة بالنسبة للتقديم أون لاين.
و بالنسبة للاخوة المقدمين أوراق (مش أون لاين) و عطلت عليهم التأشيرة فيمكن مراسلة السفارة بتونس أو الدخول على الموقع التالي و ربي يسهل للجميع.
https://dmp-portal.cic.gc.ca/enquiries-renseignements/case-cas-eng.aspx?mission=tripoli

بارك الله فيكــــم أخت سراب الحقيقة و Eman Rajab على الــــــــرد ،، الكشف الطبي وصل لندن من 31/3 يعني تقريبا ليه شهرين ،، الواحد يوسع بال و خلاص و إن شاء الله ربي يستر ويوفق جميع المقدمين على التأشيرة :,,,