طلب الي الاحوة و الاخوات المتواجدين في كندا

عندي سؤال نبي نساله لجماعة CIC بخصوص الدراسة في مقاطعة ثانية غير اللي عبيتها في الابليكاشن, علي سبيل المثال انا واخذ قبول من اونتاريو وعند تعبئة التاشيرة كتبت اني نبي ندرس في اونتاريو مؤخرا غيرت راي نبي نقرا في بريتيش كولمبيا ,بعد تحصلي علي التاشيرة سالت السفارة في طرابلس هل نقدر نقرا في مقاطعة ثانية قالولي لا ما تقدرش , السوأل هو هل نقدر انغير القراية من مقاطعه الي مقاطهة عادي شن الخطوات اللي نقدر انديرهن هل انواجه اب مشاكل لما ننزل في المطار في بريتيش كولمبيا طول و اما قبول انقدمه لهم القديم (امتاع اونتاريو اللي خذيت بيه التأشيرة) ولا القبول الجديد (امتاع بريتش كولومبيا) شكورين مقدما.
اذا في الامكان حد يتصلي بالرقم المجاني للCIC
1-888-242-2100

السلام عليكم
اعتقد ان اسم الجامعة او المقاطعة مش مكتوب على التاشيرة، يعني الغرض منها فقط الدخول لكندا، لهذا اعتقد انك لما توصل اعطيهم القبول من برتش كولومبيا بيش يعطوك رخصة الطالب وتمشي الامور ان شاء الله

هذا رأي شخصي لكن يتوجب التاكد

في موقعهم التحديث جديد كاتبين انه مش ساهل انه تحول من مقاطعة او معهد لمعهد الا لما تبع تعليمات خش علي موقعهم خوي وكان قدرت نترجنلك حاجة نشوفها والرقم مكتوب مقلوب ولا من وين ينقرا ؟

هدي مشاركة من خونا نقلتها منه DDJONTA
tudents who apply for study permits after June 1 will be required to remain enroled to maintain their student status in Canada
Study permits applied for after June 1 will be considered to expire 90 days following the completion of the program, even if the expiry date on the permit is later than that date.

Students moving from one university to another will be required to notify CIC online through their MyCIC account.

مشكورين . الرقم يبدا من واحد ثم ثمانيه وينتهي بالصفر

السلام عليكم
حاول ان نفس المكان اللي حصلت فيه القبول القبول يكون مذكور في كل مستنداتك وكذلك تكون اجابتك عند سؤالك في المطار . وبعدين لما توصل لكندا تقدر تغير وين ما تبي . ما فيش اي مشكلة. وهذا ما حدث مع شخصيا في السنة الماضية

انت كنت في مقاطعة و بعدين مشيت ال مقاطعه ثانبه عادي.

كنت في اوتاوا الاوراق كلهم من غادي وحتي في المطار وريتلهم وراقي اوتاوا وبعدين وصلت لتورنتو ووقفت وغيرت الاوراق وبعتهولم علي اساس انه المدينة تورنتو ممكش مافيش لخبط او ماتفيدكش القصة هدي لانه نسف الولاية اوتتاريو الاتنين ... ومانقدرش نقولك شيء متاكده منه

فعل قد تم تغيير القانون الخاص وانصح بعدم المخاطرة والسفر الا بعد التأكد واقترح الآتي:

الانصال بالسفارة في ليبيا وطلب موعد وقل ان لديك تغيير في البيانات الخاصة بك وتريد ان تزودهم بالمستندات الخاصة
عند الذهاب خذ معك القبول الجديد وسلمه لهم بنفسك واسألهم عن اي رسائل أخري مطلوبة منك
هذا سيكون افضل من الاتصال الهاتفي

الخيار الثاني ارسال ايميل الي المكتب في طرابلس والمكتب في تونس مع كتابة الاشاري الذي اعطوك اياه يوم التقديم علي التأشيرة واسمك بالكامل وتاريح ميلادك والسؤال عما اذا سيسمح لك بالدخول الي ولاية اخري

الخيار الثالث اذا كان لك صديق مقيم في كندا فيمكن ان تطلب منه الاتصال بالرقم
18882422100
وهو رقم مكتب الاميقراشين وهذا الرقم يعمل داخل كندا فقط

تستطيع ان تقوم بكل هذه الخيارات معا واعتقد أن الاجابة ستكون واحدة في جميع الحالات لان القانون عندهم واضح واذا اخبرك أحد انه دخل الي ولاية اخري فهذا يعني انه تحصل علي تأشيرته قبل تاريخ 1 / 6 وهو تاريخ بداية تنفيذ القانون الجديد

اهلين احلام ، هنايا هما قصدهم study permit وهادي ورقة يعطوهالك لما تدخلي كندا ، التاشيرة هادي بروحها ماليهاش اي صلة ب study permit ....يعني اكيد القوانين الجديدة راح تنطبق عل كل اللي داخل جديد لكندا وعل اللي في داخل كندا واللي قدموا طلب تجديد تصريح الدراسة في يونيو... تحياتي احلام وعذرا للتدخل  

عدل سابقا من قبل zaynabbub في الإثنين 02 يونيو 2014, 11:36 am عدل 1 مرات

حسب موقع CIC بإمكانك تغير بس لازم تبعتلهم إيميل من الأكاونت متعك وتبلغهم  .. وهذا اللي مكتوب في الموقع:

Changing institutions: your responsibility

If you apply for a study permit on or after June 1, 2014, you must notify CIC via your MyCIC account when you are transferring from one designated learning institution to another, even if it is at the same level of study.

If you are thinking about changing your institution or your program, you need to ensure that you continue to meet the conditions of your study permit, as well as the conditions that allow you to work, should you wish to work during your studies.

تقدروا تشوفوا التعديلات الجديدة اللي مدايرينها والخاصة بالطلبة في الرابط هذا:    
http://www.cic.gc.ca/english/study/study-changes.asp