المنحة التي تعطى في بداية الوصول SETTLING-IN ALLOWANCE AGREEMENT

السلام عليكم
اول شي خبرنا علي اخر اخبارك يا غراري وصلت لي امريكا
وعلي حسب ما اعلم انة مافيشي رباء

عليك عمله كان اول قرش ناخدوه حرام.............بس معتقدش انه فيه ربا.......و ع العموم لو عندك كيف متخداش فكك منه خلي منحتك تنزل كامله..............شن الجو لو انت غادي الامور تمام و لا!!!!

كان التغت علاش يبعثوا في النموذج الخاص بيها ويطلبوا في الموافقة والتوقيع؟ هذا الكلام قبل ثلاثة أيام بس

rayan كتب:

كان التغت علاش يبعثوا في النموذج الخاص بيها ويطلبوا في الموافقة والتوقيع؟ هذا الكلام قبل ثلاثة أيام بس

والله مش عارفة انا مرة سألت على المنحة وقلتلهم انه يخصموا منها في قيمة السلفة ... فردوا عليا طلاب امريكا انه معاش يعطوا فيها السلفة .. الله اعلم يمكن ردوا يعطوا فيها مرة ثانية ... وعموما راهي ماعليهاش اي رباء لانه مافيش اي نسبة زيادة في رد السلفة باذن الله

السلام عليكم. هادي راهي سلفة (ومش ربوية) تعطى للطالب اول ما يوصل ثم تخصم من منحة الطالب. و الغرض منها مساعدته في ترتيب اموره بالنسبة للسكن و غيره. و الي خايف منها ما ياخدهاش. و عندي زميل في استراليا قال انهم اعطوه سلفة شهرين و بدو يستقطعو فيها من منحته شهريا. و الله اعلم. نعاود و ننصح الي خايف منها ما ياخدهاش و يدير احتياطه و يرفع معاه فلوس زيادة من ليبيا.

السلام عليكم ورحمة الله وبركاته
أخوتى الكرام ، انى أمس وصلنى ايميل من CBIE وبعتولى هالنماذج ومن بينها نموذج منحة المعيشة لمساعدة الطالب فى إجراءاته الأولية وملخص النموذج يفيد بأنه عند وصول الطالب ، اذا أراد ان يتحصل على مبلغ يعادل قيمة منحة شهرين دفعة واحدة فله ذلك على أن يتم فيما بعد استقطاع مبلغ بسيط من قيمة كل منحة شهرية قادمة على مدى 24 شهر الى أن تستوفى القيمة الكلية للمبلغ المضاف واللى هيا أصلا مأخوذة من منحة الطالب يعنى حقه وهذا لغرض مساعدة الطالب لا أكثر ولا أقل وغير إجبارية يعنى لو ما تبيش اتعبيه عادى .

السلام عليكم و رحمة الله و بركاته
بالتأكيد ليست ر بوية لأن ليس عليها أرباح علي الأطلاق. كل الطلبة أخذوها في كندا و هي علي النحو التالي:
عندما تصل إلى كندا CBIE يعطوك شهرين مقدم على أن يتم خصم المبلغ من منحتك على مدة 24 شهر. يعطوا في كندا للمتزوج بطفلين مثلا 5760 دولار و يُخصم من الطالب 240 دولار و لمدة 24 شهر. و هذا كلام اكيد مليون في المية

السلام عليكم ؛؛؛
بارك الله فيك اخي الغراري على طرح هدا الموضوع المهم جدا وشكرا للاعضاء المشاركين وكل الشكر للاخ Hassan Saleh على مواضيعه بخصوص الساحة الكندية التي اصبحت مكسدة لا جديد فيها . اخي Hassan Saleh كم قيمة المنحة الشهرية للمتزوج بطفلين هل 2880 حسبتها قيمة السلفة /2 وهل زي ماسمعت في زيادة في قيمة المنحة في ساحة كندا وعندي طلب اخر لو سمحتم ممكن تكتبو تجربتكم في السفر في موضوع تجربة سفر في الساحة الامريكية وهدا الطلب موجه لك ولي كل الاعضاء المتواجدين في كندا الاخوة عبد المعين و black horseو farhategweteen وezooalshtoor و moussa alfoughi و werfally و غيرهم من هم في كندا ومادا عن الاخ 100a-tagو الاخت ema-85 انشاء الله وصلتوا بالسلامة وتوفقتوا في رحلتكم كل ماسوف تكتبوه اكيد رح يساعدنا احنا اللي قريب نسافرو واكيد بنستفيدو من اخطائكم وناخدو بنصائحكم واسفة على الاطالة ولكم جزيل الشكر
**ملاحظة ممكن تكتبو تجربتكم في صفحة خاصة بمنتدى ساحة كندا

شكرا لك اخي حسان علي الرد والنصيحة .

االسلام عليكم
المنحة التي يتم اعطائها للطالب غند قدومه لبلد الدراسة سوى في الساحة الامريكية اوالكندية اوغيرها من الساحات هي من ضمن لائحة الايفاد
وبالنسبة لي انا فقد وصلت الى امريكا في بوم 13_10 _2010 واسلتملت السلفة وكانت قيمتها 4640 تقريبا وهي قيمة المنحة لشهرين (متزوح + 4 ) ويتم الخصم على اقساط متساوية لمدة 24 شهر وبدون فوائد
الهم ارسال المستندات كاملة ويفضل أن يكون نمودج طلب السلة من ضمنها وان لم يكن من ضمنها فان المكب الكندي عندالرد سيرل لك النمودج .

غير كان نوصل غادى انا واختى

وديت الساكو يا محمد ولا مازال ...........
مع تحياتي eagle1

اولا شكرا للجميع
السلفة يقولون لك انها من غير زيادة
ثانيا: يجب ان تتاكد من المصرف فمنهم من يتعامل بالرباء
يعني لاتفكر بالسلفة بل فكر في المصرف
لكن انصح بمصرف لويس فارقوا
او اي مصرف بلغوهم بان لاتاعمل نظام الربح لتفادي الرباء
تحية للجميع