رفض العزاب في الاردن ... التأشيرة الامريكية

السلام عليكم ... نرجو من الاخوة اللي مرو بالتجربة او اللي عندهم معلومة او يعرفوا حد مر بالتجربة المشاركة باي معلومة

هل في اعزب تم اعطاءه التأشيرة مؤخرا؟ افيدونا بارك الله فيكم

أنا تم إعطائي التأشيرة الحمد لله في منتصف شهر إبريل

باهي في حد خداها في مايو وتعالى جاي... بالله افيدونا

هل في حد اعزب وقبلوه في شهر 5 و 6

هل في احد اعزب تحصل على التأشيرة في شهر 5 او 6

يا صديقي انا درت مقابله في يوم 28/5 و 5/6 يعني وحده في شهر 5 وحده في 6 تم رفض بدون اي سبب في الاردن انا ومجموعه من طلبة وجدتهم في الاردن وكدلك صديقي رفض معي في يوم 28/5 وتم قبوله يوم 5/6 يعني ما تفهم شي بجوهم بس نسبة الرفض تقريبا 90% والله هدا ما حصل معي انا واصدقائي من بنغازي زشخص من طرابلس وعائلة من درنه في عمان سفارة في منطقة عبدون

اخ احمد هل انت اعزب ام متزوج و كم عمرك؟ و ماذا عن صديقك اللى انقبل فى المرة الثانية؟ سامحنى على القصقصة بس نبو نعرفو ماهى اسباب الرفض لكى يستفيد الجميع.

الى الاخ  ahmed_ lost
ياريت تسرد لنا تفاصيل المقابلة في السفارة (الاسئلة.. المعاملة..) واسباب الرفض للمرة الاولى والثانية

وياريت تسرد لنا تفاصيل المقابلة لزميلك اللي قبلوه بعد الرفض في السفارة (الاسئلة.. المعاملة..) واسباب القبول بعد الرفض

وبارك الله فيك ... احنا في حيرة من امرنا ... وياريت تخبرنا شن قررت اتدير هل حتغير الساحة (يأست) والله حتمشي للسفارة في دولة ثانية

ربي يسهل على الجميع

السلام عليكم ::
انا كيف روحت من السفارة الامريكية في الاردن..
وتم رفصي بدون اي سبب وكان عندي جميع الاوراق اللي تثبت اني نشتغل واني معيد في كلية الهندسه وعندي قرار ايفاد للدراسه.
ف رفضوني وقالي الموظف انت غير مؤهل للحصول على التأشيرة..بدون ميشوف لشهادة البكالوريوس..
بصراحه مصدوم ومش فاهم شن صار.وبنغير الساحه باذن الله.

الى الاخ elhneaish
هل انت اعزب , هل قابلت حد اعزب وقبلوه , هل قابلت حد اعزب ورفضوه

نسأل الله لك التوفيق

اي انا اعزب....والزوز الليبيين اللي قبلي عزاب لانهم جايين براحهم...وفي شخص يمني حتى هو رفضوه وكان يكلم فيهم بالانحلش وقاللهم انا بنحضر دكتوراه وبنرجع تقري في الجامعه...رفضوه حتى هو.....عموما اللي كاتبه ربي بيصير وانت ياخوي جرب حظك ونصيبك.

كم عمرك يا اخ elhneaish؟

26 ...ياخوي بعد اللي شفته واللي فهمته متخوفين من الليبيين ع خاطر الاوضاع اللي صايره....وانا عندي تاشيرات اوروبيه لاكثر من خمسة دول اوروبيه ..وماخدوهاش بالاعتبار..ياراجل سئلوني سؤالين شن تشتغل قلتله teacher assistant ..منين عرفت المعهد قلتله from education servis office .. بديت يكتب ع الكمبيوتر بعدين مدلي ورقه زرقاء ومعاها الباسبورت ...انت غير مؤهل لنيل التأشيرة....من الأخيره نظرته نظرة اني عربي مانستاهلش...الملخص مافيش سبب مقنع للرفض ..واوراقي كلها تامه اللي يخطر ع بالك واللي مايخطرش جايبه...
وفي النهاية نصيبات وماتسمعوش كلام حد ولا دوة النت ..كل شخص يجرب بروحه ويحاول يتفادى اخطاء غيره ...لو كان في اخطاء..
وموففين ياشباب..

فيها خيرة ان شاء الله و نتمنالك التوفيق.

سلام شباب، انا توة كملت APPLICATION عن طريق مكتب و دفعولى السيفيس فى الاردن و بنحدد موعد شن الحل؟. الواحد يوفر الوقت و يغير الوجهة و الا يستمر و الا كيف؟ افيدونا افادكم الله

السلام عليكم ... خوي الباشا ... خلاص انت دفعت الفلوس لا يمكن استرجاعها امشي للاردن جرب حظك ... اهم شي البس باهي ...باهي لبسة واحد ماشي يقرا ... وخليك واثق من روحك واحفظ الاجابات اللي في الابليكيشن صم علشان لما يسألوك ماتترددش في الاجابة او تجاوب عكس اللي في الابليكيشن ... ونتمنى لك التوفيق ... وخبرنا شن يصير معاك ... على فكرة اني مازال مامشيت لكن هذه خلاصة نصائح خوتي اللي جربوا

الباشا كتب:

سلام شباب، انا توة كملت APPLICATION عن طريق مكتب و دفعولى السيفيس فى الاردن و بنحدد موعد شن الحل؟. الواحد يوفر الوقت و يغير الوجهة و الا يستمر و الا كيف؟ افيدونا افادكم الله

أخي الكريم من ناحية مسألة أن تستمر في إجراءاتك أو لا, أعتقد مافي أي أحد يستطيع أن يفتي لك في ذالك ,فالأمور غامضة بشكل كبير . لكن الذي تستطيع أن تفعله في كلا الحالتين أن تقدم في دعم قبول جديد فلن يضيرك ذلك على ما أعتقد في جميع الأحوال سواء استمريت في سعيك للحصول على التأشيرة الأمريكية أم لا , المهم أن تكون عندك خطة ب جاهزة في حالة الرفض لا سمح الله , ويستحسن أن يكون عندك قبول  لغة في دولة بديلة .
                                                                               و الله أعلم

شكرا لكما STU7077 و ابوايوب على النصائح و انشاء الله استمر و إن شـاء الله انخبركم باللى يصيير معاى خطوة خطوة.

انا اعزب زعمري28 وجميع الاوارق معايا لكن المفجأه لم يشوفو ولا ورقه في المقابلة الاول والتانيه
الاسئلة ليش ماشي الامريكيه تخدم ولا لا من كفيلك بعدها يقولك انت غير مؤهل للتأشيره نفس الشي في مقابلة التانيه رفض ونفس الاسئلة ول يشوفو ولا ورقه انا سألته قتله ليش ترفض فيا وهده مر تانيه ما بيش يرد عود عليه قتله ليش رفضتني صكر ميك عليه يعني ليبين لا في مجموعه من طلبه يلي ارتفضو عدو للمكتب الثقافي اليبي في الاردن قالو ليش سفاره ترفض ردو عليهم قالو خاطبنا سفاره الامريكيا ليش ترفض في طلبه ليبين كان معش تبوهم صكر على ساحه ماردوش عليهم لكن صديقي معايا اخدها في مقابله الثانيه بس نسبة الرفض والله كبيره وكل شي نصيب انا غيرت ساحه وخلاص

تـ.

السلام عليكم
أخوتي الاعزاء نبو حد جرب التاشير الامريكية من تركيا لان درت مقابلة في نفس اليوم الي دار فيه خوي الحنيشي ونفس الشي رفض بدون سبب مقنع او واضح الشي الوحيد الي واضح انه قالي (( اعيد محاولة أخرى )) والحاجة الجديدة انه سألني عن مكان السكن في ليبيا بالضبط لان فيه مناطق في ليبيا مجرد مايسمع اسمها ويشوفها في الجواز إيردلك كستنداتك علي طول من غير دكر اسم المنطقة هنا تفاديا للفتنة
(( ناقص غير ايقول مع حفتر والا ضده ))

السلام  عليكم
أخوتي الاعزاء نبو حد جرب التاشير الامريكية من تركيا لان درت مقابلة في نفس اليوم الي دار فيه خوي الحنيشي ونفس  الشي رفض بدون سبب مقنع او واضح الشي الوحيد الي واضح انه قالي (( اعيد محاولة أخرى )) والحاجة الجديدة انه سألني عن مكان السكن في ليبيا بالضبط لان فيه مناطق في ليبيا مجرد مايسمع اسمها ويشوفها في الجواز إيردلك كستنداتك علي طول من غير دكر اسم المنطقة هنا تفاديا للفتنة
(( ناقص غير ايقول مع حفتر والا ضده ))

السلام  عليكم
أخوتي الاعزاء نبو حد جرب التاشيرة الامريكية من تركيا لان درت مقابلة في نفس اليوم الي دار فيه خوي الحنيشي ونفس  الشي رفض بدون سبب مقنع او واضح الشي الوحيد الي واضح انه قالي (( اعيد محاولة أخرى )) والحاجة الجديدة انه سألني عن مكان السكن في ليبيا بالضبط لان فيه مناطق في ليبيا مجرد مايسمع اسمها ويشوفها في الجواز إيردلك كستنداتك علي طول من غير دكر اسم المنطقة هنا تفاديا للفتنة
(( ناقص غير ايقول مع حفتر والا ضده ))

انا مذكرليش اسم منطقتي.....كان جوه مليح ومبتسم..قالي تتكلم عربي والا انجلش قتله اللي تبيه قالي ندوي عربي شويه ..قتله توا نساعدك قعد يضحك...لما لقيته هكي قلت خلاص تم الموضوع التأشيرة شدت...سألني شن نشتغل ومن بيدفع عليك وباباك شن يشتغل ..وبعدها قالي انت غير مؤهل ..من الصدمه والله معرفة مكان اللي ساكن فيه..
مافيهاش الا تغيير الساحه.من الاخير.