السلام عليكم واتمنى لكم التوفيق والسداد

الى جميع الطلبة والجالية في امريكا... حتى لو انت مش موجود في بلادنا الحبيبة تقدر تشارك وتساهم بصوتك في مجلس النواب ولازم نوقفوا لبلادنا مش كل واحد يقرا وعايش بعيد وخلاص

انا عضو جديد في المنتدى وسبب تسجيلي هو الالم اللي بداخلي من حال بلادنا ولهذا اتمنى من الجميع التسجيل في منظومة الناخبين والتسجيل بالخارج عن طريق موقع voteabroad .ly علما بأن 15 يونيو كآخر موعد لقَبول طلبات القيد بسجل الناخبين خارج البلاد

احنا نستنوا في الامل هذا وانه بلادنا يصير منها بإذن الله ف بالله عليكم ما تقعدوش تتفرجوا علينا من بعيد وشارك بصوتك وان شاء الله يكون فيه خير لبلادنا

كل بيانات المرشحين ساهل الحصول عليها وفي الخارج تقدروا تنتخبوا اي مرشح عن كل الدوائر والمدن

عن نفسي دائرة طرابلس المركز ولن اعطي صوتي لاي حد ينتمى لاي كتلة سياسية وحنعتمد اكثر على اخلاق وذمة اللي بنرشحه لانه هذا الاهم .. وطبعا صوتي للشباب الكادح داخل تراب بلادي والحمدلله في مرشحين مشهود ليهم بالنزاهة والرجولة في المواقف ومش حنعطي صوتي لاي حد من اللي كانوا مش عايشين فيها

حنصوت ومش حنخلي الساحة مفتوحة للمخربين

وحفظ الله بلادنا وجعلكم دخرا لنا ..

مع تحياتي