استهزاء واستهتار الملحق بالطلبة وتأخر المنحة

سلام عليكم الى متى الاستهزاء بالطلبة والكذب عل الطلبة ولحد اليوم لم نستلم منحة شهر 5 ونحن في شهر 6 واللي متزوجين وعندهم اطفال شن يديروا مساكين احنا عزابة ونتحملوا لكن ماوجعني الا المتزوج وعنده اطفال وراه مصاريف كان الله في عونه ويكتبوا يقولك في موقعهم امس يمكن للطلبة مراجعة حسابهم في اسكندرية يوم الاثنين ويوم الثلاتاء في القاهرة ولاحولوا شي ولاحتى حاجة مجرد مماطلة منهم شن الحل نجربوا معاهم اسلوب الشوارع ونسكروا الملحقية ولاكيف الحل واحد يتصرف معاهم!!

وعليكم السلام.
ربما وضعت اللوم على غير مذنب. لو كان التعليم العالي قام بتسييل جميع مخصصات الملحقية لم يحصل هذا التأخير. التعليم العالي فاتح ميزاب بشري للإيفاد ولا يستطيع تغطية نفاقاتهم أمام سرقة أموال ليبيا. وعموما نحن نحمد الله ونساله الا يصير حالنا كحال بعض الطلاب الموفدين في الدول الأخرى التي تتأخر فيها المنحة أكثر من شهرين وثلاثة.
والصبر الصبر فإن مع العسر يسرا

سليمان رمضان الأسطى كتب:

وعليكم السلام.
ربما وضعت اللوم على غير مذنب. لو كان التعليم العالي قام بتسييل جميع مخصصات الملحقية لم يحصل هذا التأخير. التعليم العالي فاتح ميزاب بشري للإيفاد ولا يستطيع تغطية نفاقاتهم أمام سرقة أموال ليبيا. وعموما نحن نحمد الله ونساله الا يصير حالنا كحال بعض الطلاب الموفدين في الدول الأخرى التي تتأخر فيها المنحة أكثر من شهرين وثلاثة.
والصبر الصبر فإن مع العسر يسرا

التفويض واصل الى الملحق الثقافي لمرتبات 6 اشهر من شهر 1 الى نهاية شهر 6 ، و الملحق الثقافي اعترف في منشور سابق بذلك و بالتصرف في منحة الطلاب لسد عجز في مصاريف اخرى منها ايجار مباني ادارية و مستحقات المدارس الليبية التي لم ينتهي بها العام الدراسي الى حد الان .

سليمان رمضان الأسطى كتب:

وعليكم السلام.
ربما وضعت اللوم على غير مذنب. لو كان التعليم العالي قام بتسييل جميع مخصصات الملحقية لم يحصل هذا التأخير. التعليم العالي فاتح ميزاب بشري للإيفاد ولا يستطيع تغطية نفاقاتهم أمام سرقة أموال ليبيا. وعموما نحن نحمد الله ونساله الا يصير حالنا كحال بعض الطلاب الموفدين في الدول الأخرى التي تتأخر فيها المنحة أكثر من شهرين وثلاثة.
والصبر الصبر فإن مع العسر يسرا

لاياخ سليمان اللوم في مكانه وانت كلامك ليس في محله زي ماقال الاخ عماد المرتبات متحولة من شهر 1 لشهر 6 لكن هما صرفوا منحة الطلبة عل خاطر ايجار مباني ادارية و مستحقات المدارس الليبية وكتبوها حت في صفحتهم انهم صرفوا منحة الطلبة وكتوا في موقعهم امس ان اليوم المنحة حتكون في اسكندرية والثلاتاء في القاهرة لكن مافيه شي مزال نستنوا كل الدول منحتهم نزلت في وقتها المانيا فرنسا وغيرها علاش الا احنا لو تاخير من ليبيا نقولوا والله وضع البلاد لكن الفلوس متحولات فكلامك مش في محله بتاتا وللصبر حدود

وحاليا حتى صفحتهم عالفيس بوك معادش موجودة ،، يعني حتى وين تفش غلك مافيش ..
لو غدوة مانزلو شي معناها بححححححح مافيش منحة الفترة هادي .
وياخوفي التعليم العالي يقول للملحق انا صرفت رواتب 5-6 وانت اصرفت فيهم دبر راسك .
الحصيلة مهزلة ،، تستبيح رواتب ناس في غربة بيش تغطي عجز هادي وين صاااااارت .
والطلبة يدبرو روسهم .. وموظفين الملحق ساكنين في شقق ب 3000$ ورواتبهم واصلة 8000$ ومستحيل يتأخرو عليهم .
غدوة يبان كل شي ..

اختي انا امبدري اتصلت بمتاع المالية ويعرفني كويس لينا اسبوع في جرته تليفونات وقالي غدوة ان شاء الله ينزلوا ياغدوة نسحبوهم او الاربعاء عل حسب المصرف هما امس في الموقع عل النت كتبوا ان يمكن للطلبة مراجعة حساباتهم يوم الاثنين الظهر في اسكندرية والثلاتاء صباحا في القاهرة لكن اليوم منزل شي نشوفو غدوة وان شاء الله خير

بارك الله فيكم على التوضيح. وأنا طالب مثلكم تماما وفي القاهرة ومؤجر شقة 3500 جنيه. فتأخر المرتبات فيه ضرر للجميع. وليس هنا فقط والله المنحة تتأخر في دول كثيرة، ولو راجعتم صفحات هذا الموقع ستجدون ما يؤكد ذلك. والخطأ خطأ وزارة التعليم العالي. أما إن كانوا كتبوا على موقعهم أن المنحة ستنزل الثلاثاء ولم تنزل فأوافقكم بأنه خطأ إذا لم يحدث طارئ. أما التصرف في مرتبات الطلاب فقد قرأت توضيح الملحقية في وقت سابق. وفيه أن المرتبات فقط هي التي أحيلت. ولم يحيلوا إليهم أي مبالغ أخرى. حسنا أخوتي ضعوا نفسكم في مكان مسؤولي الملحقية. ماذا ستفعلون هل ستصرفون المرتبات وتغلقوا مبنى الملحقية وتوقفوا التعاقد على التأمين الطبي وتوقفوا دراسة ابناء الموفدين؟ أم أنكم ستفعلوا ما فعلته الملحقية؟ الخلل في وزارة التعليم العالي هل يعقل أن تصرف المرتبات فقط دون أي مبالغ أخرى؟ 10 مليون عجز لم تقم الوزارة بإحالتها منذ أكثر ستة أشهر. هل يصح هذا من وزارة التعليم العالي؟
أما بالنسبة لما ذكرته أن مرتبات الموظفين نزلت فإن كان هناك ما يؤكد هذا فهذا هو موضع اللوم والخطأ المفروض الكل سواسية من السفير إلى رئيس الملحق إلى الموظفين إلى الطلاب. مادام لا تتوفر سيولة لا يصرف شيء. هذه وجهة نظري وهذا ما اراه وأحترم آراءكم وأقدرها.

نزلت المنحة ناقصة 600 $.. فيه حد زيي والا بس انا صايرلي هكي ؟؟اتأخر وتنزل ناقصة ،، والنقص هدا شن مبرره وليش ما انذكر او بلغونا بيه وبأسبابه ؟؟؟

أتصلت اليوم بمصرف الساعة 12:30 قولولي تم تزيل 1000$ فقط في الحساب

عدل سابقا من قبل عبدو2012 في الثلاثاء 17 يونيو 2014, 8:09 pm عدل 1 مرات

السبب ربما في الحقيقة يرجع إلى العجز المالي. ولكنه يمكن تبريره انه خصم سلفة الشهرين مقدما هذا بالنسبة لمن لم تخصم منهم.

لاكلهم نزلولهم 1000 دولار ناقصة 600 وقالوا الاسبوع الجاي بنزلوا باقي الشهر مع شهر 6 لكن متخافوش الاسبوع الجاي منزلوش الباقي بعدين يصير كلام ثاني انا      متاع المالية نعرفه ونكلم فيه ولينا

اخ سليمان عجز خصم سلفة يتحملوا مسؤوليتهم هما حت الطلبة عندهم عجز وايجار وعايلات بصغارهم ومصاريف يتحملوا المسؤولية الكاملة انا قديم هنا في مصر وعارفهم اكثر منك وزابطم واحد واحد اللي يخدموا في الملحقية

ولد جادو كتب:

اخ سليمان عجز خصم سلفة يتحملوا مسؤوليتهم هما حت الطلبة عندهم عجز وايجار وعايلات بصغارهم ومصاريف يتحملوا المسؤولية الكاملة انا قديم هنا في مصر وعارفهم اكثر منك وزابطم واحد واحد اللي يخدموا في الملحقية

الله أعلم. وأنا لا اعني ان الملحقية خالية المسؤولية. فمن واجبها اتخاذ كل الاجراءات لكفالة إحالة كل مستحقاتها المالية. لكن الوضع الذي شرحته الملحقية يعطيها تبريرا ولو مؤقتا على ما قامت به من استقطاع.
ونسأل الله أن يكتب الخير لكل الطلاب وأن يولي امورنا خيارنا.
شكرا أخي.

انى مشيت شفت اليوم وما لقيت شئ فى حسابى ...ما نزلى شئ

موفد متوكل علي الله كتب:

انى مشيت شفت  اليوم وما لقيت شئ فى حسابى ...ما نزلى شئ

خوي لو انت في القاهرة غدوة حتلقاهم ان شاء الله ولو انت في اسكندرية ومالقيت شي خش عل موقع متاعlibyanstudents وابعتلهم طلب عل متاع الطلبات وحيردوا عليك وفي الحالتين ابعتلهم طلب وتاكد منهم

بارك الله فيكم جميعا على حسن تعاونكم
وهما حسبى الله ونعم الوكيل فيهم نحن با طفالنا ومصر بدون فلوس عارفينها كيف تكون

امشو اعتصمووو  قدام السفارة واعلنو الانقلاب  عن السفير

بارك الله فيك خوى ولد جادو...انى قاعد فى القاهرة

ورشحوني اني السفير وتو اتشوفو كم انخليلكم المنحه

اعتصام اعتصام حتي يسقط السفير

شن دخل المنحه في السفير يامحترم...
المنحه مرصودة من وزارة التعليم العالي.

السفير هوا المسؤول لانه من واجبه يشوف حل للمشكله مش قاعد واكل شارب راقد وخلاص

elhneaish كتب:

شن  دخل المنحه في السفير يامحترم...
المنحه مرصودة من وزارة التعليم العالي.

التعليم العالى ارسل المنحة لمصر من اشهر والى في مصر معترفين انهم تصرفوا في الفلوس ومش عارفين كيف يلموا المشكلة

مسكرين نقالاتهم ومعاش يبوا يردوا خزي متاع المالية هارب منا نقوللكم نصيحة مني كل واحد يشوفله تذكرة ويروح يحضر رمضان في ليبيا بكرامته احسن

كرست كتب:

elhneaish كتب:

شن  دخل المنحه في السفير يامحترم...
المنحه مرصودة من وزارة التعليم العالي.

التعليم العالى  ارسل المنحة لمصر من اشهر والى في مصر معترفين انهم تصرفوا  في الفلوس ومش عارفين كيف يلموا  المشكلة

1-علقت ع كلمة الاخ مش عارف شن اسمه ::اللي قال رشحوني سفير توا نبحبحها ,,وكان زيادة المنحة في يد السفير .
2-فعلا سمعت ان المنحة تم تحويلها من وزارة التعليم ,,,و العله في العصابة اللي ماسكة المالية في السفارة الليبية ,,
3-السفير هذا كثير يشكوا منه ..والله اعلم ,,
4-به كيف تقدروا تاخدوا حقكم لان الباين ان السرقه عيني عينك ,,,,,


اخى الفاضل والله وضع مؤسف وحقنا يا خذا ربى لان هذوما لو عندهم دم راهوا مش هذا الحال تخيل شهرين بدون منحة واساسا في ليبيا الراتب متوقف الا الربع يعنى المنحة هذ مصدر دخل لنا
وبالنسبة للاخ الى قال رشحونى سفير ممكن من البغدد قال هك