تفويض 13 نقل

ان شاء الله ربي يستر ياريت الطلبه القريبين يسئلو وَبَارِكْ الله فيك hamido

اللهم بأسمائك الحسنى أسألك أن تفرج كربنا وتقضي حاجتنا يارب العالمين .

هل من نبإ عن التفويض نقل 13

ﻻجديد.... صاحبي مشي سئل البعثات قالوله اصبر اسبوع تاني والله اعلم

السلام عليكم
مازال تفويضنا في وزارة الماليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حد ايطمنا عليه بالك تحرك بقدرة الواحد الاحد

هناك من يقول إن التفويض نقل ١٣ في المالية ، وهناك من أخبرني إن التفويض مازال في وزارة التعليم وطلع من البعثاث يوم عشرين عشرة ، وطبعا أنا نفسي رأيته في البعثاث بتاريخ ١٤ عشرة وأخبرني علاء الذي في المكتب الكندي إنه يحتاج ثلاثة أسابيع لتصدر رسالة الإبراق من المالية ، والنَّاس لعند يوم الأثنين يمشوا للخزانة ايقولولهم ما جاتا شيء من البعثاث ، وجماعتنا في الموفد لا أعلم من أين يستقون معلوماتهم فأرجو التثبت لأننا وبعض الطلبة الآن خارج ليبيا وبدأنا الدراسة والملحقية تريد الرسالة لإكمال الإجراءات المعروفة فالله الله في المعلومات لا تجروا بنا رحم الله والديكم ، والله حسبنا ونعم الوكيل

اني والله قالولي في البعثات إنه في الماليه ومرات يتحول للخزانه اسبوع تاني يعني مش اكيد وربي بستر ويصبر الجماعه خارج ليبيا ﻻني اني كنت بنطلع ونحساب اﻻجراءات بتم سرعه لكن لﻻسف لما يطلعوا عين الواحد والصبر من عند الله

الحمدلله نبأني من أثق به إن التفويض نقل رقم 13 في قسم المراجعة بالمالية بجنزور فهي المحطة الأخيرة قبل الخزانة ، فنسأل الله العلي القدير التيسير .

بارك الله فيك علي الخبرية وان شاء الله ربي يسهل الأمور

بالنسبة للتفويض قالو الوزارة انهم حولوه للأكاديمية في جنزور للمراجعة وبإذن الله الخميس بالكثير يرجعوه للوزارة وبعدها يتحول للخزانة إن شاء الله
يعني بإذن الله يوم الاحد او الاثنين سيكون في الخزانة ...

بارك الله في مجهودادكم..........

بارك الله فيكم إن شاء الله خير

السﻻم عليكم.....التفويض ماوصلش مازال للخزانه توا نشوفه غدوه إن شاء الله يوصل

ان شاء الله يفرج الله علينا وبكره يوصل وَبَارِكْ الله فيك hamido

ان شاء الله........

في حد عنده خبر على التفويض لﻻسف ماقدرتش نمشي اليوم

من خلال اتصال هاتفي اجراه زوجي اليوم مع شخص يشتغل في الوزارة قاله اليوم تم تحويل التفويض للخزانة.... ان شاء الله يكون الكلام اكيد ... وبالتوفيق للجميع

بارك الله فيك  sweet clouds1

الحمد لله رب العالمين
ألف مبروك لطلبة تفويض 13 نقل ... الان هو موجود في الخزانة ولله الحمد وتأكدنا منه
وإن شاء الله ربي يوفق الجميع

السلام عليكم .....بالله عليكم انا اسمي موجود في تفويض 13 نقل بالله لو في اي طالب جاي لمصر يجيب معاه ورقة الخزانة وتعريف الطالب علي رحمة والديكم ...ممكن يتواصل معاي علي الموفد وشكرا.....

مشيت من ساعه وقالي واحد في الخزانه ومازال ماوصلش متاكده sweet cloud
المهم توا نتأكد بعدين مره تانيه

نعم يا hamido أنا متأكدة انه وصل لكن كانو يستنو في سي دي تقريبا باش يبدو في الاجراءات .. والحمد لله وصل والان بدأو في اتمام الاجراءات وبإذن الله غدا سوف تجد أخبار طيبة

الحمدلله رب العالمين و بارك الله فيكم علي الخبرية وان شاء الله ربي يسهل باقي الأمور

شكرا sweet clouds اني تأكدت وصح التفويض وصل للخزانه وبارك الله فيك إن شاء الله على خير اتم الامور

الحمد لله الحمد لله الحمد لله لي اكثر من اكثر من 8 شهور نستى في التفويض
بالله عليكم لو فيه حد جاي للمصر ياريت اجيب امعاه برقية الخزانة الاصل و بداية الصرف الاصل و تعريف طالب
و راسلني على الخاص حتى اعطيه البيانات و بارك الله فيكم