السلام عليكم ياقروب عندي شوية استفسارات ياريت اتساعدوني فيهم

السلام عليكم ياقروب كل سنة وانتم طيبين بمناسبة شهر رمضان عندي شوية استفسارات ياريت  اتقولولي عليهم  اني بنبدأ في اجراءاتي للدراسة علي حساب الدولة في امريكيا اول حاجة هل الساحة الامريكية فتحوها ولامزال ؟ وبالنسبة للتاشيرة الامريكية هل هي صعبة يعني كان الواحد ايوتي اوراقيه كاملات وفي الانترفيوا ايجاوب كويس هل يرفضوا عشوائيا زي الكندية ؟ وبالنسبة للولايات شني اكتر ولاية امان للطلبة وتكون اسعاره وسط ؟

السلام عليكم
الساحه الامريكيه مفتوحه المنحه حوالي 2300 دولار
الولايات انا اقول ميامي او كولورادوا
والجامعات علي حسب تخصصك
وبالنسبه للتاشيره لازم تقنعهم بالعوده الي لليبيا وان في حد يسدد االتكاليف الخاصه بيك
اول خطوه تجيب قبول اللغه واتجهز معاك فيزا لانك حتحتاجها
وراح يرسلولك نموذج I_20
بعدها يجيك دعم التاشيره
واتجهز اوراقك
صور 5*5 خلفيه بيضاء وصور بطرحه رسميه
شهادات الخاصه بيك
نموذج دعم التاشيره
جواز السفر
قبول اللغه او الاكاديمي
نموذج I_20
ورقة السيفس تدفعها اون لاين 200 دولار
فيه نموذج اخر I_90 تقريبا مو متاكد منه هذا تملاه اون لاين ايضا
ابدا في اجراءاتك وانا انساعدك واستعجل وراسلني ع الخاص في حجات نفهمك عليها سكرت ^^
اتمني اني افدتك
نسال الدعاء

ميامي هى مدينة في ولاية فلوريدا، و ليست ولاية،، كما أنها من أغلى المدن في فلوريدا تقريباً و أقلها أماناً

بارك الله فيك ياخوي احمد الجزار وياخوي رياض في ميزان حسناتكم ان شاء الله وهل انت متأكد ياخوي احمد الجزار ان الساحة مفتوحة ؟؟؟

انا موفد اليها واخترت مياني وتميت في جامعة فلوريدا وتوه مازالي المقابله في السفاره وان شالله ربي يسهل الامور

السلام عليكم
إلــــــــــــــــــــــــــــــــــــــــــــــلي أخي الفاضل أحمد الجزار
استاذ احمد بالله عليك امتا بالضبط حتحدد موعد مقابلك وادا كانن حددت نرجو منك التكرم واعلامنا بالمستجدات ولك جزيل الشكر والعرفان مسبقا