أخشى ما أخشاه أن نقول: & منحة شهر 7 هل من جديد ؟؟؟؟ &

مع احترامي لي اخوتي الموفدين...لكن طول مانحنا ساكتين و ماتخدناش موقف حازم مع مخانب الملحق ...فااكيد الموضوع حيتكرر...وهذا بدون ادني شك...ولهذا انا اجدد اقتراحي بتجمع اكبر عدد ممكن من الموفدين يوم الخميس القادم ان شاءالله...ونطلب لقاء الملحق بنفسه... واذا قال الله غالب و اوضاع البلاد و الميزانية...وكل هذا الكلام...لازم نحنا ردو عليه...ان زي ماغرقنا في دين و اتصرف في منحتنا بدون اي وجه حق...لازم يتصرف و يدبر حل..موظفين الملحق امورهم تمام و نحنا عادي نشنقو...يا موفدييين طول مانحنا ساكتين و راضييين. مخانب الملحق مش حيهتمو و لا يعدلو علينا...ونشرطو عليه نبو تاريخ محدد و اذا خدلنا ...حنرجعو ...لازم نتحدو و نديرو حد لي هالمخانب.

[b]كلام جميل ( لا فض فوك ) وأنا أجدد من عندي ؛ لأنه وبكل صراحة ، غرقنا في الديون ومنحة شهر 7 ما هي إلا أيام ويحل وقتها إلى متى ،  إلى متى ،  إلى متى .!!!!!!!!!!!![/b]

الحمد الله ماتشتد ازمة الا وتنفرج خلاص اليوم تم التحويل الي المصرف المركزي من الخزانة بعد تعنتها في الاول بشرط تغطية الحساب للوازرة . وسوف يذهب الملحق الي البنك يوم الخميس ومعه مرتبات شهرين للبنك ولانه غدا عطلة رسمية

انت متاكد ان حينزلو منحة شهرين 6 و 7...ماهو مصدر معلوماتك؟

تم تحويلهم الى المصرف المركزى اليوم قصدك ياخوي انور ؟؟؟ واذا كان اليوم علاش ماتحولوش طول للمصرف وعلى حساباتنا؟؟؟ ولا الملحق بيهرب من المقابلة انتاع يوم لخميس وبعدين لو اتحولوا يوم لخميس امتا بينزلوا فى حساباتنا يوم الاحد او الاثنين وهو خلاص العيد اما الاثنين او الثلاثاء ماعادش قعد وقت باش الطالب يفرح لعويلة .... ان شاءالله يكون لكلام صح ويتحولوا شهرين 6.7 ونلقوهم فى حساباتنا حتى بعد العيد لكن لو يتهرب من يوم لخميس هادى مشكلة كبيرة لينا وان شاءالله خير وان بعض الظن اثم واستغفر الله العظيم وكل شي يطلع يوم الخميس لو داروا اعلان فى الموقع انتاعهم اوكى ماداروش اعلان معناها هروب من مقابلة الطلبة

يا زملائي الموفدين... اتمني فعلا ان نستمرو و نفدو قرار تجمعنا وطلب مقابلة الملحق يوم الخميس القادم ان شاءالله... ونحنا في الحالتين مش خاسرين شي... بالعكس نحنا المستفيدن...اذا كان فعلا خبر ان الفلوس تحولن..اكيد الملحق حيقول لينا هذا الخبر و نجبروه علي الاستعجال... وان فعلا ينزلو مرتب شهرين ...مش ان شهر ينزل و شهر الله اعلم امتا...وايضا نستفيدو ان انبهو مخانب الملحق ان لا يتكرر هذا الخطاء مرة تانية... وان لازم صفحة الملحق اللي علي الفيس تنفتح... يازملائي...مع احترامي الكامل لي زميل انور اللي كتب خبر ان الفلوس تحولن... لكن لا يوجد اي تاكيد او ضمان لي كلامه...في نهاية هو مجرد كلام و لا زميل انور من موظفين الملحق...وماتنسوش ان اغلب الفترة الماضية الملحق يخدر فيا بي كلمة الاسبوع الجاي...فا يازملائي... خلونا علي قرارنا و يتجمع اكبر عدد ممكن ان شاءالله حتي 2..او 3...ويتكلمو نيابة عن كل الموفدين لينا معاناتنا وحدة و ظروفنا وحدة...في فلوس الحمد لله و ناكدو عليهم ان ينزل شهرين مش شهر بس...لا قدر الله مافيش...لازم ايديرو لينا حل و يتحملو مسؤلية قرارتهم.

والله العظيم كنت شبه يومي في الملحق وكانوا اغلب الطلبة الذين اعرفهم يعطوا فيا مواعيد ومفيش حد ايجي للملحق وللامانة الدكتور كان على تواصل معي يوميا وكنا نكثف اتصالات بطرابلس وهو يسعي مع مدير البنك في مصر الليبي الذي كل يوم كان له راي شكل واخر شي طلبه هو الاحالة من الخزانة الي المصرف المركزي ليصرف عليها وكان يظن ان هذا الشي لن يحصل ولكن بعد جهود تمة الاحالة اليوم الي المركزي واحالة صورة للدكتور الذي بدوره اعطى صورة للبنك ويوم الخميس ذاهب الدكتور الي البنك ومعه المرتبات وتكلمت معه بخصوص التاخير في النزول في الحساب ولكن قال لي بالحرف انه لن يخرج من البنك حتى يكونوا في الحساب . وهذا كله لاجل فك الكرب عن الطلبة قبل العيد وعن نفسي واحد من الناس تصرفت وكنت ناوي العودة الي ليبيا وبدفع تلاتة اشهر من الايجار احسن مااضيع الشقة . لكن الحمد الله

وانا معي صورة من التحويل او الاحالة واي حد يتصل ونبعت الصورة ليه بالفايبر وهذا رقمي 01123542542 واليوم اتصلت شخصيا بالاستاذ طلال مدير التحويل في مصرف ليبيا

وان شاء الله يوم الخميس متواجد في الملحق معاكم

مهندس انور...اولا سلام عليكم...وبارك الله فيك علي كل مجهوداتك و الخبار سار اللي بشرتنا بيها الليلة ...وان شاءالله في ميزان حسناتك...انا اسفة اذا فهمت كلامي خطا...و حضرتك ماوضحت بزبط تفاصيل الموضوع...علي العموم...انا شخيصا اتمني فعلا ان كل كلمة كتبتها تتنفد و ان ينزلونا منحة شهر 6-7...لينا لا تتخيل دوامة ديون اللي نحنا فيها...واذا باقي الموفدين حابين انهم يمشو للملحق لي زيادة تاكيد عليهم ياريت...ولو اني معاك في نقطة ان وللاسف هذي حقيقة نحنا الليبين نعرفوها عن انفسنا كويس ان وقت تبي تشكي و تحتج علي مسؤل معين...ماتلاقي حد يوقف معاك...واعيد...بارك الله فيك وان شاءالله ربنا يبشرك بكل خير.

السلام عليكم. غدا موعد الذهاب للملحق ياريت اتكونوا في الموعد

ارجو من زملائنا الموفدين...غذا ان شاءالله...تجمع اكبر عدد ممكن من طلبة...لي طلب مقابلة الملحق الثقافي...ومناقشته في مسائلة تاخر المنحة...اتمنا فعلا عدم سلبية.

عن نفسي غدا من الصباح

مهندس انور...انت ماشاءالله مشكور بادل مجهود كبير...واتمني كل زملائنا الموفدين يكونو زيك...وان شاءالله يكون في اكبر عدد ممكن وفي الموعد...مايتخادلو ... ويستنو خلف الكيبورد اي خبر ينزل في المنتدي...ان شاءالله.

السلام عليكم الي لم يذهب للملحقية ذهبت اليوم ولم اخرج الي حين ذهاب عبد الناصر والدكتور ومعهم المرتبات للبنك وها نحن ننتظر نتيجة ماذا سوف يحدث لكن ياريت انكم تعملوا وقفة جادة وساد من السلبية واظن انكم شوفتوا السلبية وين وصلت ليبيا وزيها نحن هنا وشكرا

قدر الله وماشاء فعل . المصرف لم يوافق الا على 1000$ سوف تكون في الحساب ولم يرضى يصرف الي حين وصول التحويل المحال من الخزانة للبنك ومن البنك الي الساحات الدارسية ومع هذا زيدوا ارقدوا مع احترامي للبعض

لاتوجد الف دولار ولا 100دولار ،حتى شهر 7 شده،الرصيد صفر،

كيف مافيش انا اليوم سحبت من ليبيا بالفيزا وسحبت معاي وانا روحت شهر 6 من مصر ماخليت فيه شي حسابي وسحبت اليوم 500 دينار وسحبت والامور تمام من وين جو امالا !!!

ولد جادو كتب:

كيف مافيش انا اليوم سحبت من ليبيا بالفيزا وسحبت معاي وانا روحت شهر 6 من مصر ماخليت فيه شي حسابي وسحبت اليوم 500 دينار وسحبت والامور تمام من وين جو امالا !!!

 الباين صار كيف الشهر الفايت. فيه يللي نزلوله 1000 وفيه يللي مانزله شي وفيه يلللي نزله 1600 وفيه يللي نزله 500 بس. الدنيا حظوظ يا خوي. فيه يللي الريح تحطبله وفيه يللي اتطيرله قششه. أيه اماله كيف  

مافي اخبار عن العلاج بالمستشفيات يخدم او لا ؟؟

لانه كان متوقف من شهرين واكثر ؟؟

وعيد سعيد عليكم جميعا وكل عام وانتم بخير جميعا

القط كتب:

مافي اخبار عن العلاج بالمستشفيات يخدم او لا ؟؟

لانه كان متوقف من شهرين واكثر ؟؟

وعيد سعيد عليكم جميعا وكل عام وانتم بخير جميعا

ما فيها شي جديد. بس العلاج هما يدفعولك الفواتير يللي تدفعهم ع العلاج لما يحصلو فلوس هذاهي كان صار منهم

اخر اخبار المنحة من طرابلس ان مدير ادارة العمليات بمصرف ليبيا المركزي سيبعت الرساله المحالة اليه من ادارة التعليم العالي يوم الاحد القادم13,540.619 مليون دينار (خاصه بالساحه المصريه )على الربع الثالث من هذه السنه . وشهر سته بح