هل ممكن الدخول لمصر بقبول مبدئي

السلامعليكم وانشالله رمضان شهر غفران ويتم بالخير والهداية عالليبين
نبي نسالكم يااخوتي هل ممكن الدخول لمصر بقبول مبدئي لان شكل التاشيرة صعبة وزوجي عنده قبول مبدئي بس خايفين نجازفوا ويديرولنا مشكلة في المطار افيدوني افادكم الله

مستحيل ونسأل لكم التوفيق

Nanasherry كتب:

السلامعليكم وانشالله رمضان شهر غفران ويتم بالخير والهداية عالليبين
نبي نسالكم يااخوتي هل ممكن الدخول لمصر بقبول مبدئي لان شكل التاشيرة صعبة وزوجي عنده قبول مبدئي بس خايفين نجازفوا ويديرولنا مشكلة في المطار افيدوني افادكم الله

فيه مكاتب تجيبلك التأشيره. حتى التاشيره لكتونيه يمشي حالها

ردوا بالكم تجوا بدون تأشيرة ,,,,شفت بعيني كيف تبهدلوا الليبيين في مطار القاهرة وتم منعهم من الدخول لمصر ,,
ف شوفي مكتب يجيبلك تأشيرة الكترونية ,,وبعدها تأكدي ان التاشيرة موجودة في السستم ,,,

الفتره هاذاهي بذات فيه تشديد فالواحد ياخد ابعد الاحتياطات

لو سمحتو من يدلنا على مكتب يجيب في التاشيرات المصرية

missfreelibya17 كتب:

لو سمحتو من يدلنا على مكتب يجيب في التاشيرات المصرية

أغلب مكاتب السفر والسياحه تجيب التأشيره المصرية. ومدامك من الزاويه فيه مكتب اظن اسمه الحرمين.
والموقع هاواه ممكن تستفيد منه:
http://ly.opensooq.com/90-%D8%A7%D9%84%D8%B2%D8%A7%D9%88%D9%8A%D8%A9/category/%D8%A7%D9%84%D8%B3%D9%81%D8%B1-%D9%88-%D8%A7%D9%84%D8%B3%D9%8A%D8%A7%D8%AD%D8%A9/280

تقدري تخشي بيه بس يبي شوي دعم و توا نقولك كيف
اول شي تمشي لمكتب الدراسات العليا في الجامعة و تاخذي منه رسالة الى من يهمه الامر انك طالبة في مصر و بعدين تشيليها لعند عميد الجامعة و يديرلك بناءً عليها رساله نفسها الى من يهمه الامر و بعدها تاخذيها للخارجية و تصديقيها و تحطيها هيا و القبول و التفويض و اي شي معاك يثبت انك تدرسي و تخشي بيها عادي ,,, هذا من تجربه شخصيه على مطار برج العرب بالاسكندرية

emad albyda كتب:

تقدري تخشي بيه بس يبي شوي دعم و توا نقولك كيف
اول شي تمشي لمكتب الدراسات العليا في الجامعة و تاخذي منه رسالة الى من يهمه الامر انك طالبة في مصر و بعدين تشيليها لعند عميد الجامعة و يديرلك بناءً عليها رساله نفسها الى من يهمه الامر و بعدها تاخذيها للخارجية و تصديقيها و تحطيها هيا و القبول و التفويض و اي شي معاك يثبت انك تدرسي و تخشي بيها عادي ,,, هذا من تجربه شخصيه على مطار برج العرب بالاسكندرية

علاش تكسير الراس هذاهي كله. ماهو تأشيرة المكتب اسهل واضمن. بعدين الفتره تو فيه تشديد والتأشيرة هي الحل