توقعنا وترقبنا 4260 فإذا هي ب1000 !!!!

توقعنا وترقبنا 4260 فإذا هي ب1000 !!!!
ماذا تكفي ولأي شيء تكفي لعلها تذكرة طيران أو آجار الشهرين الماضيين لأ لأ كسوة العيد للأولاد ، نعم نعم نسيت الطعام والشراب !!!!!!!!!!!!!لا حول ولا قوة إلا بالله

سامحوني زملائي الموفدين...ولكن هلبا فينا حتي 1000 دولار...نحنا جاين و راقدين وكل اللي انديرو فيه هو الكتابة او مشاهدة اي جديد علي المنتدي...ولهذا هلبا فينا...لينا المفروض ان اتفقنا ان نتجمعو اليوم عند الملحق و نطالبوه بحقوقنا...والنتيجة ماجي حد...لهذا خلو الملحق يقرر شني يبي يعطينا و امتي يحن علينا...وارضو بالي ينزل وانتم ساكتييييييين...نحنا اساس شعب متخادل و سلبي...لهذا اسكتو و ارقدو وارضو بالي تحصلوه.

اتجمعوا مع بعض يوم معين في الملحقيه الثقافية ..
انا يوميا غادي كل يوم نبي ورقه شكل ..لن حفظوني وبديت نتواصل معاهم بالتليفون....ف الملخص ماتستنوش حد يجريلكم ع حقكم..وانا متاكد في طلاب واخدين حقهم ومسكتين..

lavander2020 كتب:

سامحوني زملائي الموفدين...ولكن هلبا فينا حتي 1000 دولار...نحنا جاين و راقدين وكل اللي انديرو فيه هو الكتابة او مشاهدة اي جديد علي المنتدي...ولهذا هلبا فينا...لينا المفروض ان اتفقنا ان نتجمعو اليوم عند الملحق و نطالبوه بحقوقنا...والنتيجة ماجي حد...لهذا خلو الملحق يقرر شني يبي يعطينا و امتي يحن علينا...وارضو بالي ينزل وانتم ساكتييييييين...نحنا اساس شعب متخادل و سلبي...لهذا اسكتو و ارقدو وارضو بالي تحصلوه.

كلامك صح. والسلبيه هاذي مش عارف سببها. المفروض الملحقية معبيه اليوم. والله الساعة 8 ونصف تقريبا مالقيت إلا طالبين والباين يدرسوا ع حسابهم. جايين ياخدو رسالة لقبول الجامعه. الله المستعان.

اكبر دليل علي سلبية الموفدين الليبيين...نسبة مشاهدة كل خبر او منشور...وحتي تعليق او تعبير عن راي...خايفيين منه....والله الملحق مادار لينا حتي نصف الحق...توا ينزلو بي 1000...عقبال ماينزلونا با500 دولار...و زيدو ارقدو.

تستاهلوا لانكم سلبيين وكل واحد اخطى راسه قص الا الاخ انور بدل جهده وبارك الله فيه عل جهده انا مرة فاتت درت مذكرة شكوى للخارجية قبل كم شهر نما منحة تاخرت عل اساس الاهمال في الملحقية ومشاكل الطلبة وكنت نمبي ورقة باسامي الطبه وموقعة وكنت نمبي نرفعها ودرت حتى موضوع هنا في المنتدى لكن لكن لقيت روحي انا الوحيد مافيش حد معاي      الا بالك واحد ولازوز والباقي يخش يشوفو بس     وشوية منهم يقولك ربي معاك وخلاص بس لان يدير شي ايجابي ولايتحرك معاك ابدا كل واحد يبي تجيه الحاجة جاهزة فلهذا اللي يديره الملحق حيصير واسكتوا لان السلبية هو موصل حال البلاد هكي كان تبو تتحركوا خلي نعطوا ارقامنا لبعض باش يكون فيه تواصل اكثر وانا الله غالب روحت ليبيا شهر 6 لان كنت عارف ان هكي بصير وكتبت حتى في المنتدى مش حينزلوا شي

السلام عليكم
بعد التحيّة،،
المنحة تقارب الألفي دولار؛ أي: ما يتجاوز الأربعة عشر ألف جنيه مصري، وهي في المعتاد تكفي لشهرين أو ثلاثة، إلا إذا كانت هناك ظروف أخرى.
وبالمتوسط فالأغلب يتواجد هنا منذ سنة أو أكثر أو أقل، وله من الهموم سواء الدراسة أو الامتحانات، أو أعباء أخرى، ما يكفي بأن تجعله لا يفكر في المنحة، فهو يتوقع نزولها وإن تأخرت إلى أجل.

الأخت lavander2020 ، والأخ ولد جادو

الألفاظ مثل: (تستاهلوا وسلبيين وخلوكم راقدين)، وأساليب اللوم والعتاب، وكأن شخصا ما ذكر لكما أنه سيأتي للملحقية ثم أخَلّ بوعده، ترفقا بالإخوة قليلا...
المستحق للّوم المسؤولون في ليبيا، وقد نعذرهم وقد نلومهم، ثم الملحقية هنا، وقد نعذرها ونلومها في نفس الوقت، وفقط.

ملخص الأمر، كُلٌّ له ما يشغله، فأن تأتي وتلومي في كل تعليق، لا حق لك في ذلك.

[quote="موفد من ليبيا"]السلام عليكم
بعد التحيّة،،
المنحة تقارب الألفي دولار؛ أي: ما يتجاوز الأربعة عشر ألف جنيه مصري، وهي في المعتاد تكفي لشهرين أو ثلاثة، إلا إذا كانت هناك ظروف أخرى.
وبالمتوسط فالأغلب يتواجد هنا منذ سنة أو أكثر أو أقل، وله من الهموم سواء الدراسة أو الامتحانات، أو أعباء أخرى، ما يكفي بأن تجعله لا يفكر في المنحة، فهو يتوقع نزولها وإن تأخرت إلى أجل.

هههههههههههههههه ماشالله عليك طلعت فيها محاسب اقتصادي ياباشا  
ياغالي انته نسيت أنه الجنيه المصري قيمته درهم. الاجار الشهري للشقة ياكل منا كل شهر 3000جنيه زيد عليها الكهربا والغاز والميه والنظافة (بالمصريه زباله) المواصلات بقيمه ما تنزلش ع 1000جنيه. ومصاريف الاسره والصغار. والله لو بتصرف مصروف متوسط تطلع مع منحة الشهر باط باط.
بعدين المنحه من حقنا سوا كنا عندنا فلوس والا مكحته وحقنا نبوه لو انته بتصدق بيه ع الملحقيه اصدق. اما غيرك يبي فلوسه.
كلامك بصراحه يشبه كلام .............. استغفر الله رمضان..

وعليكم السلام
أهلا أستاذ سليمان..

عن نفسي المنحة تكفيني أنا وزوجتي وابني، وكنت أظنها تكفي أغلب الموفدين.
ولكن الموضوع الرئيسي يتعلق بعدم الخطأ في التعبير واللوم عند الكتابة، على طلاب كل الساحة المصرية، هذا ما كنت أحاول تبيينه للأخوين الفاضلين.
والمنحة من حقك، لم أعترض على هذا، اعتراضي كان على ألفاظ (تستاهلوا وما أشبه ذلك)..
ولك الحق بالمطالبة والإلحاح، ولم أطلب من أحد التنازل..
أعتذر لك لأنني سببت لك الإزعاح أستاذ سليمان.
وفقك الله لما تحب وترضى في هذا الشهر الكريم... شهر رمضان..

.

موفد من ليبيا معجبكش كلامي فوته ومتعلقش عليه بنقولها سلبيين وكل واحد يبي الحاجة اتجي لحد عنده انا نما درت شكوى وبنقدمها للخارجية ملقيت حد فيهم كل دوة في الوساع متقوليش لاتلوم ولوم والدوة هادي والملحقية هما السبب في اللي صاير صرفوا منحتنا وخلونا انمصوا في الملح حتى اللي يبي يروح مثلا شي حاجة مش لاقي وقعدنا نظام جمعية ها خود شوية مرة مرة عندك اعتراض قوله لحد ثاني بالنسبة ليا انا متقولي شي ليا 5 سنين في مصر وعارفهم متاع الملحقية وعارفيني كويس ومش اول مرة يديروا شي زي هذا وكان انت تسدك المنحة ومش مدورها نزلت ولا لا اداكا شي تاني انا من حقي وكل الطلبة كل اخر شهر نلقي راتبي في حسابي الا زي توا كان تاخرت بسبب الاوضاع في ليبيا هادي ماعندنا منديروا فيها لكن ان هما يتصرفوا فيا لا

موفد من ليبيا كتب:

وعليكم السلام
أهلا أستاذ سليمان..

عن نفسي المنحة تكفيني أنا وزوجتي وابني، وكنت أظنها تكفي أغلب الموفدين.
ولكن الموضوع الرئيسي يتعلق بعدم الخطأ في التعبير واللوم عند الكتابة، على طلاب كل الساحة المصرية، هذا ما كنت أحاول تبيينه للأخوين الفاضلين.
والمنحة من حقك، لم أعترض على هذا، اعتراضي كان على ألفاظ (تستاهلوا وما أشبه ذلك)..
ولك الحق بالمطالبة والإلحاح، ولم أطلب من أحد التنازل..
أعتذر لك لأنني سببت لك الإزعاح أستاذ سليمان.
وفقك الله لما تحب وترضى في هذا الشهر الكريم... شهر رمضان..

.

لا فيش ازعاج خويه. بس كلام الحق يلزمه ينقال. وكونها لمنحه سادتك انته ومرتك 1000 دولار. والله هاذاه فيه شي عجب. اني فاعلت الافاد من خمس شهور في مصر. اقسم بالله الشهر 1000 دولار ما يمكن يسدني حتى وحدي. به ونقولو المنحه سداتك انته والمره. ممكن لواحد يمرض والتأمين الصحي واقف. تسدك معاها العلاج. ورسوم قراية الصغار. ورسوم الجامعة. ماهيه كلها تتوقف علخاطر قولتهم فيش فلوس. ولما تتوخر في الدفع للجامعه رجي لوين يفصلوك. ياخوي الامور واضحه. بلنسبه ليك ممكن تكون محوش فلوس يعني انك مسافرتش طول لما طلع التفويض فعندك رصيد. حط فبالك انه يللي ما روحش من يوم مطلع للدراسة عخاطر فيه مواد قبل الرساله لازم يقراهم. وبعدها رسالة المجاستير لازم من المكتبة ومراجعة لمشرف.
وكلام الاخ صح فيه سلبيه. لان المسوليه في السفاره هني سوا تحولولهم لفلوس ولاهي متحولولهم. خدمتهم همه تامين تحويلهم هاداهي عملهم. شن جايين هني ماله باش يرقدوا. وظروف لبلاد ماهاش هيا يللي سبب التاخير. لو السفاره هني دارو جهدهم راها تحولو من زمان. يااخي بللاهي ساد من الدربكه للمسؤلين يللي ما همهم المكتب اوبس. سادنه منهم.

سلام عليكم...زملائي الموفدين...اولا ارد علي زميلي موفد من ليبيا...نحنا وهما انا وانت وكل طالب و طالبة فعلا سلبيييين و متخادليييين الي ابعد حد...وسبب ان مشكلة المنحة ليها من نهاية شهر 5..اي قبل احداث طرابلس بهلبا...والحمد لله بي اعتراف الملحق نفسه ان اتصرف في فلوس مرتبات الطلبة بدون اي وجه حق...ونحنا سكتنا و رضينا و قعدنا نستنو في الاسبوع الجاي امتي يجي ...وللاسف ماجاش...وبدل مانتجمعو و نطالبو بي حقوقنا غرقنا في سلف و دين...وبدل ما سيادة الملحق يتحمل مسؤلية قرار الخطا واللي جي علي ذماغاتنا...هربو من المواجهة و سكرو صفحة الفيس...ونحنا قاعدين سلبيين...طبعا هذا غير ان المفروض عندا مايسمي اتحادطلبة و ياخدو من مرتباتنا كل شهر ليه...ونحنا لا نعرفوه و لا نعرو حتي من هو اللي شاده...ونحنا ساكتييين و راضييين...فهل هذي سلبية او لا؟
اما بخصوص المنحة و قيمتها و الفترة اللي تكفيك فيها...فا انا مش مطرة ابدا نعطي كشف حساب ...انا دولة منزلتلي ميزانية شاملة المنحة و تامين صحي...و انا المروض ينزللي كل شهر..
علي العموم هنيئا لي ملحقنا الثقافي بنا كا موفدين...يرضو باللي يجيهم...وان اعترض اي موفد يوبخ.

نقوللكم حاجه ,, موفد من ليبيا هو هو ههههههه

؟؟؟؟

مقترح شنو رايكم فيه: ......... لو واحد من الاخوه الموفدين يفتح صفحه ع الفيس يسميها اتحاد الطلاب الليبيين في مصر نديرولها ترويج ممكن تجلب اكبر عدد من الطلاب الموفدين وممكن يصير حل. لانه بصراحه الموقع هاذاهي عدد الاعضاء فيه بسيط جدا.

انا موافقة...ياريت.

وانا معاكم

ياشباب انا طالب دكتوارة جديد في القانون .. ولدي اسرة علمت ان رسوم جامعة 2400 جنية استرليني في كل عام دارسي هذم يبو تتكفل السفارة بدفعهم والله انت تدفعهم من منحتك امتع الايعاشة ... شكرا نامل الرد

مصاريف الجامعة تتكفل بيهم السفرة...والمنحة شهرية...هذي فقط لمصروفاتك الشخصية و المعيشية...وان شاءالله تنزل و تنتظم.