موعد عودة ادارة البعثات للعمل

هل من معلومات حول موعد عودة ادارة البعثات للعمل؟ نرجو ممن لديه معلومة او اتصال باحد موظفي البعثات ان يفيدنا.

حلم بعيد المدى
كلنا في انتظاره

ربي يستر وخلاص .... ما عندنا ما نقولوا .... حسبي الله ونعم الوكيل

بصراحة واللهي ماتتحشمو علي اساس تعرفوش شن اوضاع طرابلس

موظفين متملحين

راكم تقولو حاجة علي الادارة الفاشله

ولا تشاركو ولو بكلمة طيبه


انانيه ومصالح وبس

hit and run كتب:

بصراحة واللهي ماتتحشمو  علي اساس  تعرفوش  شن اوضاع طرابلس

موظفين متملحين

راكم  تقولو حاجة علي الادارة الفاشله

ولا  تشاركو  ولو بكلمة طيبه


انانيه ومصالح وبس

حسبي الله ونعم  الوكيل قصدي كل واحد وظروفه وفي عائلات خارج البلد لديها مشاكل لايعلم بيها اللا الله وامورهم كلها متوقفه علي البعثات والله غالب حاليا متورطين ويرجو في هل الادارة المحترمه امته تفتح خبرني شن الحل في راءيك
ولو كل واحد بياخد بتفكيرك ويقول مافيش خدمة راهو الكهرباء لحد الان ماوصلتلك كان هذا كل الموظفين قعمزو في بيوتهم وقالو مادخلنا . لكن في ناس قلبها حيه وقلبهم علي البلد وربي ايكون في عونهم

عدل سابقا من قبل ireda2014 في الأحد 10 أغسطس 2014, 10:32 am عدل 2 مرات

الحل قول لمزراته وقفو قصف علي الناس

وقول لزنتان بطلو قصف


ورجع البنزينه والكهرباء لطرابلس

ورجع الامن لادارة البعتات


ولا نقولك ادعي ربي يفرجهااا

السلام عليكم
كل عام وانتم بالف خير , هذه هي عيوب المركزية , كل شي طرابلس وكان ليبيا مختزلة في دولة واحدة ونحن من يتحمل هذا , فحسبنا الله ونعم الوكيل في السبب

آخر الاخبار نقل جميع الوزارات لمدينة البيضاء في المدة القريبة ولاكن هل ادارة البعثات ايضا لااعلم, فانا ايضا استلمت التأشيرة وموعد الدراسة اقترب

أكثروا من الدعاء وليس للإنسان إلا ما سعى ، فقل خيرا أو اصمت .

بالله اللي عنده معلومة عن اخر تفويض شن صاير فيه . اني قدمت ملفي قبل اسبوع من رمضان وبعدها توقف العمل في ادارة البعتات بسبب المشاكل اللي صارت . وبعدها بدت الحرب وما عادش عرفت شن صار ووين نراجع حتى ايميل ادارة البعتات الجديد ما يردوش .

نسأل الله العظيم أن يحقن الدماء ويهدي النفوس وأن يغير الأمور إلى أفضل حال

هناك من يتحدث في المنتدى عن عودة ادارة البعثات للعمل هذا الاسبوع، هل هناك من يؤكد او ينفي؟

السيد 123 Khaled بالله عليك ممكن تحديد مكان ادارة البعثات الجديد اللي في ابو سليم

Zeaad كتب:

السيد  123 Khaled بالله عليك ممكن تحديد مكان ادارة البعثات الجديد اللي في ابو سليم

خوي ادارة البعتات ابوسليم قاعده مكانها الاول .
بالضبط لو مشيت اسئل على المعهد الصحي ,ادارة البعتات داخل مبنى المعهد الصحي

التي في أبو سليم هي إدارة المعاهد العليا و ليس إدارة البعثات ، هذه افدارة يتبعها جميع المعاهد العليا ، ومقرها داخل المعهد الصحي خلف مستشفى الحوادث ، أما إدارة البعثات فمقرها كما هو معلوم في الفرناج .