اخبار التأشيرة

بالله عليكم اللي عنده معلومة علي موضوع التاشيرة يطمنا حتى بكلمة نستنى فيها من شهر 5 وموعد الدراسه في شهر 9 هدا و مازال التفويض و قصته الطويله ولو نبي ناجل الموعد كم نبي انديره الله يستركم شني نبي اندير  

وين الدراسة حتكون ان شاء الله؟ لان يعتمد علي المدرسة اللي باعتتلك القبول ونظامها؟ والكورس كم شهر وفيه جامعات يراجوا أسبوع او أسبوعين بعد بداية الدراسة وفيه اللي لا

شكرا على الرد انا جبت القبول من معهeast coast school of languages في هاليفاكس مع العلم اجلت من قبل على اساس طلب من المكتب الكندي

اختى فاطمه مفيش مشكله مع الاست كوست المهم قبل ماتجى باسبوع كلمينى وابعتيلى صورة جواز السفر وانا توا نبعت لك القبول فورا وعلاقتى بيهم كويسة وهما ناس متعاونين حقيقة ومقدرين الوضع وعلى العموم مفيش مشكله نقدر حتى انجيبلك قبول من جامعه سانت ماري في هاليفاكس بالنسبة لدراسة اللغة القبول هنا ساهل ماياخدش يومين وتبي أي مساعدة مفيش مشكله

بارك الله في كل من أعطى معلومة صادقة

بارك الله في الجميع ومشكور خوي طارق الله يطمن بالك بس نبي نعرف انا نراسلهم نطلب التأجيل والا نستنى

للأسف انا في اوتاوا موجود مانقدرش نساعدك لكن خونا طارق مش حيقصر ان شاء الله ربي يوفق الجميع

ربي يوفقكم كلكم والله نتمنى كل الليبين في ليبيا يتعاملوا بالروح اللي نشوف فيها هنا في المنتدى يعني حد عمرك ما شفته وفيه اللي حتى اسمه ما تعرفاش بس يساعدوا في بعض ولو بالكلمه الطيبه ربي يحفظكم و يطرح البركه فيكم وفي دريتكم وينفع بيكم البلاد

اللهم آمين وانشالله ديما ملتمين ويد وحدة .

خبر قريته الآن من صفحة ((الطلبة الليبيين الدارسين في كندا)) على الفيس بوك


السلام عليكم :
عااااااجل عااااجل ...
بشري سارة للطلبة ..
اتصل بيا توا الاستاذ عادل سلامة وقد ابلغني بان المكتب الكندي بدا في استئناف التأشيرات للطلبة بالاولوية حوالي كبداية 39 طالب من الطلبة الدين تأشيراتهم معلقة وسيقوم المكتب الكندي بمراسلتهم للذهاب الي تونس واستلام التأشيره من هناك ..
وسيتم فرز القوائم التي وصلت اليوم والشغل عليها لان بها طلبة أخرييين ..
نسأل الله العلي القدير أنه يسهل الحال ويفتح علي كل الطلبة ..
ونتمني من الله العلي القدير انه يفرج علي بلادناا الحبيبة ليبيا ...


آدمن : محمد خليل .

مشكورة حبيبتي قريت الخبر و يارب نكون ضمن 39 طالب هادو و ربي يوفق الكل