بخصوص الطلبة الذين لم ترد اسمائهم في الربع الثالث

كيف يتصرف الطلبة الذين لم ترد اسمائهم في الربع الثالث والرابع مع العلم اني تفويضي رقم 4 ولي 4 شهور في كندا اللي عندا اي معلومة ايفيدنا بيها

والله يستر الله وخلاص انا صارت معي اللقطه هذي في في قوائم الربع الاول والثاني ولذلك لم استلم الا مرتب اول 3 شهور الي مارس. والله اعلم هل اسمي الان موجود في قوائم الربع الثالت والرابع او لا
بالله ال عنده نسخه من قوائم ينزلهن عشن واحد يعرف روحه ,

يستر الله معناها نستنى للربع الرابع ولا كيف ايسير ويريحن علي الشهور السابقه معليش فهمني طالما سايرة معاك لاني اكيد مش في القائمة هكي قالي المكتب الكنجي من خلال رسالة وهل في احراءات

قصدي المكتب الكندي

والله يستر الله وخلاص
المشرفه الاكاديميه دزلتي اليوم وقالت حتي اسمي مش موجود في قوائم الربع الثالت
والله مأساه ,حسبي الله ونعم الوكيل, ليهم اكثر من 8 شهور وهم يقولوا بعثنا اسمك للوزاره ونرجوا في الموافقه وبعد خويا مش للوزاره في نهايه شهر 4 علي اساس انهم كملوا الموضوع ودخلوا اسمي في المنظومه وعطوه ورقه استئناف الصرف,بس كلها علي فاضي...

قصدي المكتب الكندي

المشكله حتى فلوسنا قريب يكملن

ازعما يعطونا تذكرة العودة على الاقل

اللي عندا نصيحة كيف نتصرفوا يقولنا

اللي عندا نصيحة كيف نتصرفوا يقولنا

هذي الحاجه الوحيده الفالحين فيها ,تذكره العوده بشرط انك اتسكري ملفك نهائي ,علي حسب ما فهمت منهم .

حسبنا الله ونعم الوكيل ويحسبوها من مدة ابتعاثنا

الله يفرجها

yes if you want to come back you should close your file and ask them for a ticket .otherwise rabi yafarej o khalas

السلام عليكم :
عاااااااجل جداااا ..
بشري سارة الي كافة الطلبة ...
الحمدلله الدي بنعمته تدوم الصالحات ..
بعون الله سوف يتم تنزيل المنحة الي الطلبة التي لم تنزل لهم المنحة الاسبوع القادم بعون الله تعالي ..
ملاحظة هامة جدا ...
المنحة سوف تنزل للطلبة الدي ملفاتهم مفعلة ولا توجد عندهم اي مشاكل مع المكتب الكندي ...
وبالنسبة للطلبة الدين هم الان في ليبيا وعندهم دعم القبول ودعم التاشيرة وقبول للغة في كندا وقد قام بفتح ملف لدي المكتب الكندي وقد صرف له رقم طلب من المكتب الكندي ماعليه الا تجزيه اوراقه واخد موعد لدي السفارة الكندية في تونس والتقديم من هناك ..
وبالنسبة للطلبة الدين تأشيراتهم معلقة وقامو بالكشف الطبي فما هيا الا مسألة وقت ويتم الرد عليهم من السفارة ..
ملاحظة هامة جداا ..
المكتب الكندي قام بابلاغ السفارة الكندية في تونس بان يتخد الاجراءات اللازمة في الردود علي الطلبة ..
ولكن المكتب الكندي لا يملك الحق بالضغط علي السفارة لاعطاء التاشيرة لان هذه اجراءات أمنية ..
بارك الله في كل شخص وطني كان له دور ايجابي في حل هذه المشاكل جزاه الله كل خيييير ..
دائما نوافيكم بأخر المستجدات ..
آدمن : محمد خليل . منقــــــــــــــــــــــــــــــــول

قصدك اللي اسمائهم مش في القائمة

اختي زهرة حسب علمي انه فيه لجتة ازمة لحل المشكلة هدي بالدات وربي يكون معاك انتي واللي زيك ويفرج على بلادنا

السلام عليكم: ربي يسمع منكم ويقوموا بحل الموضوع هذا في اسرع وقت، حتى اني بعتولي ان اسمي موصلش في قوايم الربع الثالث. ربي يستر

الله ايعينا ويرزقنا من حيث لا نحتسب ربي يعلم بالحال وحسبنا الله ونعم الوكيل