والله العظيم نشكر كل من رد عليا بكلمة طيبة لاني كنت في حاجه لها بجد وبارك الله فيكم ويا رب اللي مازال ايراجي في الرد اتجيه الموافقة يا رب (اذا كان فيها خير له طبعا).
ثاني حاجة انا على حسب لا اعتقد ان من حقهم ارسال رفض لي ولابنائي لان هذا مكتب منح تاشيرة فقط يعني انا واولادي التاشيرة مختومة في الجوازات ومدتها سارية الى شهر 3.
اما الاخت اللي قالتلي شوفي المجلس البلدي طرابلس فيا ريت تعطيني كيف ممكن نوصله لاني انا حاليا عاجزة حتى عن التفكير في اي موضوع لان اوراقي كلها واتية البرقيات وكل شي واتي كنت انراجي في فيزا زوجي بيش انسافر وتوا مش عارفة شنو اندير هل انقدم مرة اخرى وهل لو قدمت وتعبت وصرف يعطوها والا هما امسكرين على الموضوع, والله انا في حيرة من امري وما اقول الا (حسبنا الله ونعم الوكيل وعسى ان تكرهوا شيئا وهو خيرا لكم) .
والاخ اللي قالي ممكن تكوني معبيه الابليكيش خطأ مشكرو وبارك الله فيه لان فكر معايا, انا عبيت الابلكيشن من قبل وعطونا الفيزا كلنا ولكن نظرا لانتهاء صلاحية جواز زوجي دار جواز جديد وقدم مرة اخرى وما هي الا بيانات عن عدد الابناء والاخوة والاخوات فقط والمفروض انه بياناتنا عندهم انا واولادي في المنظومة وعارفين انهم عطونا الفيزا من قبل ويعني لو سافرت بكرة مش من حق اي حد يردني لان عندي فيزا سارية المفعول.
ولو انا غالطة في حاجة او في طريقة تفكيري يا ريت اتفيدوني لاني دااااااااااااااااااااااااااااااايخة بجد. وشكرا
