استفسار التاشيرة الامريكية

انا تقدمت ع التاشيرة الامريكية بالاردن ... لكن لدي استفسار وهو اني ذهب الي امريكا مع زوجتي واخدت موعد لي وموعد لها لاني اريد ان تكمل دراستي معي واريد ان اخذ تاشيرة طالبة لها بدل المرافق ؟ لو في شخص قدم ع امريكا مع زوجتة كطالب يقولي شن صار معه وشن الاجراء الذي داره ..

السلام عليكم ورحمة الله وبركاته
اني تقدمت للحصول علي التأشيرة اني واخي كمرافق والحمدلله تحصلنا عليها...واني كنت نبي خوي يقري معاي قدمتله علي فيزا f1 كطالب مش كمرافق ولما حجزت الموعد حجزته في نفس الوقت اني وياه لأن حطيت في بالي ان اذا كان قدمتله علي فيزاة طالب حاتكون مقابلة كل واحد منه بروحه ولما امشيت للسفارة الامريكية في الاردن فيه ىشباك تسلم فيه ورقة تأكيد الموعد ومجموعة اوراق سألتني قالتلي هذا المرافق متعك قلتلها ايه اخذت ملفه حتي هوا اعطتنا ورقة متع الدور كان مكتوب عليها 10 المهم لما اوصل دورنا ادخلنا اني وياه مع بعضنا والموظف متع السفارة اول سؤال سألهولي شني يقربلك الي في جنبك قتله اخي قالي علاش ماشية لامريكيا قلتله ماشية للدراسة اني واخي كمرافق بس قدمتله علي فيزة طالب مش مرافق حبيت نوضحله من الاول
قالي اول مره نسمع بيها بس مش مشكله وهكذا قعد يسأل فيا وسأل خوي شوية اسئلة والحمدلله صار خير........وانشالله عقبالك انت وزوجتك مش تحصلو التأشيرة وانشالله انكون أفدتك

شكرا اختي ع الرد .....
اني قدمت ع موعد لزوجتي وعبيت النموذج الخاص بالتاشيرة لها ولي وخلصت السيفيس للاثنيين .... كل المستندات الخاص بالتاشيرة كطالب اكملتها ... معنها اني وين نمشي للمقابلة وعند الباب نقول انها مرافق لي وبعدها وين ناخد الرقم وعند المقابلة نوضح للموظف الموضوع ......

[quote="Omar Melah"]شكرا اختي ع الرد .....
اني قدمت ع موعد لزوجتي وعبيت النموذج الخاص بالتاشيرة لها ولي وخلصت السيفيس للاثنيين .... كل المستندات الخاص بالتاشيرة كطالب اكملتها ... معنها اني وين نمشي للمقابلة وعند الباب نقول انها مرافق لي وبعدها وين ناخد الرقم وعند المقابلة نوضح للموظف الموضوع ...... [/


اها كويس يعني الاوراق الاساسية انتو كملتوها مازالك تحجز موعد فقط ....لما تمشي للمقابلة وقدام اي شباك خلي زوجتك في جنبك مش يعرفو ان هيا مرافقة ليك ..اني قدمت للحصول علي التأشيرة في الأردن وصراحة اني ننصحك بيها لان فيها نسبة قبول لليبيين كبيره ...المهم السفارة الامريكية في الاردن اول ماتتخطي البوابة الاولي حايلاقيك شباك ..الموظف حايطلب منك اوراق معينه مش يحطه في ملف شفاف ويعطيك رقم للمقابلة في هذي المرحلة خلي زوجتك في جنبك وقوله ان هذي مرافقتي مش يعطيكم نفس الرقم انت وياها واديرو المقابلة مع بعضكم مش كل واحد بروحه........انت مش لازم اتوضح لحد ان زوجتك مقدملها علي فيزة طالب الا الي بيديرلك المقابلة .......وانشالله خير واي سؤال تاني تفضل

rasha mo كتب:

السلام عليكم ورحمة الله وبركاته
اني تقدمت للحصول علي  التأشيرة اني واخي كمرافق والحمدلله تحصلنا عليها...واني كنت نبي خوي يقري معاي قدمتله علي فيزا f1 كطالب مش كمرافق ولما حجزت الموعد حجزته في نفس الوقت اني وياه لأن حطيت في بالي ان اذا كان قدمتله علي فيزاة طالب حاتكون مقابلة كل واحد منه بروحه ولما امشيت للسفارة الامريكية في الاردن فيه ىشباك تسلم فيه ورقة تأكيد الموعد ومجموعة اوراق سألتني قالتلي هذا المرافق متعك قلتلها ايه اخذت ملفه حتي هوا  اعطتنا ورقة متع الدور كان مكتوب عليها 10 المهم لما اوصل دورنا ادخلنا اني وياه مع بعضنا والموظف متع السفارة اول سؤال سألهولي شني يقربلك الي في جنبك قتله اخي قالي علاش ماشية لامريكيا قلتله ماشية للدراسة اني واخي كمرافق بس قدمتله علي فيزة طالب مش مرافق حبيت نوضحله من الاول
قالي اول مره نسمع بيها بس مش مشكله وهكذا قعد يسأل فيا وسأل خوي شوية اسئلة والحمدلله صار خير........وانشالله عقبالك انت وزوجتك مش تحصلو التأشيرة وانشالله انكون أفدتك

السلام عليكم اخت rasha mo ياريت تجاوبي على بعض الاستفسارات
- هل اخوكي عنده قرار ايفاد
-هل تحصل على قبول قبل ماتخدو التاشيرة
-في حالة تحصل على قبول قبل التاشيرة اشرحي لنا كيف وكيف تحصل على ورقة الدعم المالي لغرض القبول
-في حالة لم يتحصل على قبول بعد. كيف اقتنعوا انه يعطوه التاشيرة(كيف اقتنعوا انه الدولة حتخلص عليه... ورقة ... )

اسف كثرا عليكى الاسئلة وعشمنا بالافادة
نتمنى لكى ولاخوك التوفيق