هل يتم تكملت اجرات التفوض المالي باستخدام وصل التاشيرة

السلام عليكم اخواتي الاعزاء هل يتم تكملت اجرات التفوض المالي باستخدام وصل التاشيرة ارجو الرد علي هدا الاستفسار

وعليكم السلام ورحمة الله وبركاته

حتى نحن عندما كنا فى تلك المرحله خطرت ببالنا تلك الفكرة وقلنا لعلنا نكسب الوقت احسن...وعندما تقصينا عن الموضوع ..للاسف لايمكن استكمال التفويض بايصال التاشيرة ...وماعليك اخي الا بالصبر والانتظار وان شاء الله خير ... يسر الله لك امرك وسهل عليك

جزاك الله الف خير ياخوي شهاب ان شاءالله ربي ايصخر وان كونوا في ستراليا

السلام عليكم
على حسب ماسمعت من الوكالة يلى مقدمة فيها انه من الممكن تكملة اجراءات التفويض بإيصال التأشيرة ...والله اعلم

الاخت الفاضله //نحن ايضا سمعنا في ذلك الوقت ...وعندما سئلنا عن الموضوع وجدناه مجرد كلام يتناقله الناس ..ربما لانهم يتمنون ذلك ..ولو كان واصل التاشيرة ينهي قصه التاشيرة ماتعطل احد عن السفر ...لاكن هيهات هيهات .. واي خدمه ياخو الجد ( الزنتاني )..نقدر عليها ان شاء الله من استراليا اخوك حاضر بأذن الله ..وان شاء الله اقريب اتكون فى استراليا ...وربي ايسهلك ان شاء الله ...

والله ياخوا الجد ان شاءالله نحصلوها استراليا ان شاءالله نتلقو علي خير في استراليا ياخوا الجد انا جايب قبول من الجامعة تيزمانيا شن جوها ان شاءالله غير باهي اوتكون فيه الرحه النفسيةابس هدا الي نبوه من استراليا وانت وين قعدفي استراليا

والله ياخو الجد تسمانيا عندي صديق يدرس فيها الان ... وطبعا العرب او المسلمون نادرين الوجود فيها واذا كنت تقصد بجوها المناخ وغيرة ..فجوها فى الشتاء بارد زيادة ( صقع).. والصيف يميل الى الدفء والبرود ..بين البينين ...وهي جميله والطبيعه فيها خلابه ... بس وضعها المعيشي وهو المهم برايي ..صدقني ماسئلت صديقي عليها من حيث الغلاء والرخص معنديش فكرة .....اسئل الله العظيم لك التوفيق والسداد .. واي خدمه تكرم (ياخوي )...

باركه الله فيك ياخوي العزيز اومقصرتش اونت كان استحقيت اي حاجه من ليبيا قولي اون شاءالله بالتوفيق والنجاح

يااااخوة لقد سمعت ايوم من شخص ان شاء الله موثوق بانه قد قدم على التفويض بواصل التاشيرة ...ولاكن على الاغلب ان فيه اشوي واسطه والله اعلم ...لاكن انصحكم بأن تستفسروا من البعتات بشكل مباشر ..لاننا على ايام استكمالنا للاجراءات لم يسمحوا لنا بذلك والله اعلم...لاكن ربما الان باعتبار ان صلاحيه الكثير من القرارات قد اشرفت على الانتهاء لربما فتحوا في التقديم على التفويض بالواصل الخاص بالتاشيرة ..اعانكم الله وفقكم وسدد خطاكم

بارك الله فيك اخي العزيز لكن الاستكمال بالواسطة ان شاء الله ربي يهديهم ادارات البعتات او ينحونا هل الواسطة او كل الموفدين يكملو اجراتهم بادن الله

السلام عليكم / أبشر جميع الأحوة الموفدين بأنه يمكنهم التقديم للتفويض بواصل التأشيرة وبدون واسطة ولا شئ وبعون الله الأسبوع الماضي قدمت وأسمي في تفويض32 فاتوكلوا وقدموا وإن شاء الله ربي يوفق الجميع[b]

بارك الله فيك اوجزاك الله الف خير asma m.d ان شاء الله بن قادم فيه او ربي يصخر

بارك الله اختي اسماء ....وني بنمشي ونقدم بالواصل كان ربي سخر وعطوهوللي يوم الاحد....بس هل التقديم للتفويض ياخد منا وقت بمعني هل نقدر نقدم الملف بدون تعرقيل ونروح في نفس اليوم ....ياريت اذا فيه اي شئ غايب عني حد ايذكرني بيه.

أولا الشكر لله وحده وأي معلومه نعرفها مش حانبخل عليكم بها لأننا جميعا في نفس المركب وبالنسبة ليك أختي وافية إدا كانت كل أوراقك تمام تقدمي في نفس الوم وأما عني قدمت يوم الأحد الأسبوع الماضي قالولي أرجعي الأسبوع الجاي باش تعرفي رقم التفويض ولما مشيت الأحد قالولي تفويضي رقمه 32 والأربعاء بيتحول للخزانه بعون الله

الاخوة الطلبة السلام عليكم ورحمة الله

التقديم للتفويض بواصل التأشيرة ينطوي على مخاطرة وهي احتمال رد السفارة برفض منح التاشيرة عندها يقع الطالب في مشكلة حقيقية لان صدور التفويض يعني ان جميع مرتبات الطالب حولت للمكتب الشعبي في بلد الدراسة
يعني تحتاج الى اجراءات لرد المرتبات ومن ثم اعداد ملف تغيير الساحة وهذا بروحة قصة
هذا ما أخبرني به احد الموظفين في البعثات
ارجوا التوفيق لكل طالب علم

السلام عليكم أخي الكريم كل الأوراق المطلوبة للحصول على التأشيرة معروفة وإدا الطالب كان ملفة تام فإنه سايضمن بعون الله التأشيرة مع إني لم أسمع بأن طالب موفد ومدعوم من الدولة رفضوا إعطاءه تأشيرة لأن هدا الطالب يعتبر مشروع إستتماري عندهم والأهم البعتاث مادارو هالحل إلا بعد إتفاق مع السفارة الأستراليه وهدا كلام مسؤول وليس كلامي والله أعلم

السلام عليكم
اليوم ولله الحمد استلمت التاشيرة من الوكالة التي تميت فيها الاجراءات وكذلك استلمت برقية الخزانة ورفعتها للبعثات
اي بمعنى ان لكل طالب موجه لاستراليا الحق في تقديم ملف البعثات بايصال التاشيرة الاسترالية - وهذا مبني على ان مفيش حد رده بدون تاشيرة
والموضوع راهو مفيش لا واسطه ولا اي شي عبارة انك تتوجه الى الاخ عبدالمنعم في مكتب التفويضات وهو سيقبل الملف ويضعه في اول قائمة
هذا بالزبط اللي عملته انا شخصيا وليس لدي اي واسطة
والان انا انتظر التذاكر قالوا ممكن الاسبوع الجاي - علما اني في التفويض 31
ولاي استفسار تفضلوا وربي يقدر اللي فيه الخير