هل هناك من تحصل على التاشيرة الامريكية هذا الشهر؟

كم يستغرق القبول العادة؟؟
وفي حد قام بتحديد موعد في السفارة التركية أنقره والا الكل في اﻷردن؟ ؟

الأغلب من الأردن ، لأن المواعيد أقرب

قالي القبول من اسبوع الى 10 ايام بالكثير

ايه حتى انا سمعت نفس الشيء 10 أيام..مش زي القبول اﻷكاديمي يطول ممكن شهر..بس شن يفوتهم 10 أيام..
وياريت يلي عنده تجربة مسبقة مع السفارة اﻷمريكية يخبرنا

السفارة الأمريكية في تركيا طبعاً مش في اﻷردن

يامنال حسب علمي ان المواعيد بعيدة في اسطنبول ، والله اعلم هل يتكلموا عربي او لا

والله انا حسب ماسمعت ان في أنقرة التعامل كويس احسن من اﻷردن..بالنسبة للغة ماسألتش..عربي والا انجليزي حتى هندي المهم يوافقو في النهاية

السلام عليكم
والله غريبة أكثر سفارة معروف ان معاملتها غير جيدة هي سفارة في المغرب والكل شكروا الاردن بس بالتوفيق باذن الله

ياشباب الي ماشي بحسابه الخاص ، قداش نسبة القبول ليه ؟

انا تحصلت عليها يوم 2 اكتوبر 2014 م في الاردن وكانت بغاية السهولة ...

مبروك أخ عمر وبالتوفيق ..والعقبة لينا يااارب..بالنسبة ليا قررن انقدم من تركيا وان شاء الله خير

الف مبروك يااخي عمر
اولاً أهنئك بحصولك على التأشيرة الأمريكية راجياً من الله تعالى ان يوفقك في مشوارك الدراسي
ثانياً أمل من حضرتك افادتنا بتجربتك للحصول على التأشيرة من الأردن .
والسلام عليكم

للمعلومية، قابلت اليوم في مكتب البعثات بجامعة طرابلس اخت موفدة قدمت على التاشيرة الامريكية من السفارة اللي في اسطنبول - تركيا ورفضت بدون اي سبب على حد قولها مما دفعها لطلب تغيير الساحة.. وبالتالي يبدو ان السفارة في الاردن هي الافضل لمن يرغب في الحصول على التاشيرة الامريكية.. بالتوفيق للجميع انشالله..

ياااااسااااتر..معقولة رفض بدون سبب..ربي يستر..لازلت أنتظر في قبول اللغة..ومن بعدها التقديم على السفارة وقد قررت تركيا أنقرة لااااارجوووع..وان شاء الله خير..يلي عنده اي معلومات جديدة يوافينا بها

معليش صديقك هذا قدم من اسطنبول او أنقرة..

السلام عليكم ،
الحمد لله تحصلت على التأشيرة الأمريكية أمس 2014/10/28 من عمان. كانت المقابلة سهلة ومريحة.
أتمنى التوفيق للجميع

وعليكم السلام..ممكن سؤال اخ علي..هل كام عندك قبول لغة من معهد او قبول أكاديمي..عند تقديمك..وياريت تسردنا كيف كانت االمقابلة بتفاصيلها

السلام عليكم انا عندي اخوي مقيم وعنده الجنسية في أمريكا وانا أريد أقدم على التأشيرة للزيارة من مصر هل يتم قبول الليبيين في مصر للناشيرة خاصة انا زيارة بس وما نسبة القبول واﻻ ضروري التقديم في عمان وتركيا

Manal AB كتب:

وعليكم السلام..ممكن سؤال اخ علي..هل كام عندك قبول لغة من معهد او قبول أكاديمي..عند تقديمك..وياريت تسردنا كيف كانت االمقابلة بتفاصيلها

كان عندي قبول لغة وقبول أكاديمي. المقابلة كانت سريعة والأسئلة قليلة :
عندك ماجستير من أمريكا؟ شن تبي تدرس في الدكتوراه؟ ليش إخترت هذه الولاية؟ شن رايك في الولاية اللي درست فيها الماجستير؟
وبعد ما وافقتلي عالتأشيرة قالتلي ممكن نسألك شوية عن ليبيا فسألتني عن الوضع في ليبيا المعيشة والوضع السياسي.
طبعاً هما عندهم معلومات عنك من واقع الأبليكايشن اللي عبيته.

بالتوفيق أخي الفاضل وربي يفتحها قدامك وقدامنا يارب عاجل غير اجل...بس على قبول اللغة نقدر انقدمو بيه بس من غير القبول اكاديمي والا يشرطو في القبول اﻷكاديمي

السلام عليكم :
الحمدلله اليوم تحصلت على التأشيرة الامريكية من السفارة الامريكية في الاردن . وكانت المقابلة يوم 27-10-2014 وكانت المقابلة سلسه وبسيطة , وبالتوفيق للجميع

Manal AB كتب:

بالتوفيق أخي الفاضل وربي يفتحها قدامك وقدامنا يارب عاجل غير اجل...بس على قبول اللغة نقدر انقدمو بيه بس من غير القبول اكاديمي والا يشرطو في القبول اﻷكاديمي

قبول اللغة تقدري تقدمي بيه عادي لأنهم ما يطلبوش في قبول أكاديمي.

أنا مقابلتي بالامس وافقو علي إعطائي التاشيره واستلم الجواز السبت وكانت مقابله ساهله ثلاث اسئله علاش ماشي شن تبي ادير بعد ترد من الي داعمك والحمدالله وفقت

حسام زوبي كتب:

أنا مقابلتي بالامس وافقو علي إعطائي التاشيره واستلم الجواز السبت وكانت مقابله ساهله ثلاث اسئله علاش ماشي شن تبي ادير بعد ترد من الي داعمك والحمدالله وفقت

مبروك يا خوي حسام وإن شاء الله موفق في دراستك. عندي سؤال لو سمحت : هل إستلموا منك الجواز في المقابلة وإلا قالولك أبعثه بالبريد؟