بالله مساعدة بخصوص جامعة Middle East Technical University

السلام عليكم ورحمة الله وبركاته
بالله يا خوتي نبي مساعدة ضرورية ومستعجلة على رحمة والديكم ولو بالفلوس
نبي قبول دكتوراه في جامعة Middle East Technical University في انقره
عندي رسالة الدعم المالي, ومادبيا نحصل قبول في اسرع وقت.
او هل نقدر اندير اجراءات اهني وبعدين نسافر ونسجل في الجامعة غادي, أو لازم نحصل قبول قبل؟
أول هل ناخد قبول لغة قبل وبعدين نسافر بقبول اللغة وانكمل اجراءات اللغة غادي؟ فهموني بالله كيف اندير
ياريت مساعدة في اقرب فرصة, لان الجامعة اون لاين مصكرين التسجيل, في انتظار مساعدتكم.
وبارك الله فيكم

وعليكم السلام ورحمة الله وبركاته
يبدو انه ما عندكش فكرة عن الجامعات التركية .. جامعة الشرق الاوسط او الاطو هي احد اقوى الجامعات في تركيا ومن شروط قبولها الايلس او التوفل او البروفشنسي + GRE . ولو افترضنا انك تتوفر لديك متطلبات القبول فموعد التسجيل في الجامعات الحكومية اقفل لهذه الفصل وبالنسبة للفصل القادم يكون قبل الفصل القادم وليس من الان بمعنى ان الجامعات الحكومية لديها تواريخ معينه للقبول والتسجيل وليست كالجامعات الخاصة في أي وقت ... ايضا دراسة الدكتوراة في الاطو عادة 6 سنوات .. انصحك بالبحت عن قبول من جامعة خاصة حتى تنهي بيه اجرائاتك بعدين لم توصل الى تركيا شوف الجامعة اللي تناسبك . علما بان القنصلية التركية في مصراته لم تعد تمنح في التأشيرة بقبول لغة