هل تنصحوني بنيوزلندا ؟

السلام عليكم جميعا
عندي قرار ايفاد دكتوراه ودخت في اختيار الساحه وزي ماتعرفو استراليا مقفله ومعش عارف نقدم علي الساحه النيوزلنديه او لا لان سمعت انها اغلي من استراليا والمنحه يادوب تكفي هل هذا صحيح وكم المنحه لجميع الفئات في نيوزلندا وهل نقدر نقدم علي التاشيره بقبول لغه بس او لازم من الاكاديمي مع العلم اني طالب دكتوراه ؟

قريت علي نيوزرندا في النت انهم شعب مسالم لاكن منغلق يعني ماتحصل تحكي معاهم او تختلط بيهم فهل هذا صحيح ايضا ؟

فياريت اللي عنده خبره كبيره علي نيوزلندا يفيديني علي بعض الاسئله ولو فيه حد يدرس دكتوراه في المحاسبه بيكون افضل ....

وبارك الله في الجميع وموفقين

بالنسبة لنيوزلندا بلد جميل انا قريت فيها الشعب مسالم واجتماعى الى ابعد درجة بالنسبة للدكتوراه فى المحاسبة شوف جامعه ماسي او جامعه اوكلاند للتكنولوجيا وبالنسبة لجامعه اوكلاند السفارة مسكرة عليها القبول على خاطر الملحق التقافى تعارك معاهم وبالنسبة للمنحة تكفى وزيادة بالنسبة للقبول لاللغة والاكاديمى يبي حوالى شهرين باش يردوا عليك ومن الافضل مراسله دكتور فى الجامعه باش تحصل قبول اكاديمى وبالنسبة للتاشيرة بعد ماتجيب قبول اللغة والاكاديمى راسل السفارة الليبية فى استراليا باش يعطوك رسالة الدعم المالى المرسلة من سفارة ليبيا فى استراليا الى سفارة نيوزلندا فى دبي وبعتالى قدم على التاشيرة فى الامارات وعلى العموم الوضع فى ليبيا ما يساعدش توا فى تقديم تاشيرة لانهم يخافوا معادش تروح

الله يبارك فيك خوي طارق وربي يفتحها عليك وبالتوفيق