مهـــم جدا ( التأشيرة الكندية)

السلام عليكم اخواتي الكرام

انا موفد لكندا لدراسة الغة لمدة سنه عن طريق وزارة العمل والتأهيل من بنغازي وقدمت علي التأشيرة اون لاين في شهر 4 الماضي وجاني رفض والسبب عدم ضمان عودتي الي ليبيا ونبي نعاود انقدم توا من خارج ليبيا لكن متخوف من قصة الرفض اخرا من جديد , نبي رأيكم هل انقدم او لا ولو قدمت هل نعاود نقدم اون لاين ولا عادي وشن ناخذ من اوراق علي موضوع ضمان العودة وهل ضروري نراسل المكتب الكندي ( جومانه ) او وزارة العمل يختلف الامر ؟ ارجوا منكم الرد فضلا وليس امرا . خيكم حاير في الموضوع

يااخي حسب معلوماتي بان الطلبه التابعين لوزاره الصناعة ليس لهم علاقة بالمكتب الكندي وقصة الرفض من بلادنا لان اغلبيه الطلبه في كندا يعانون من قصة المنحة مشكله كبيره وتمنياتي لك بالتوفيق .

بارك الله فيك اخي طارق لكن انا اتبع وزارة العمل وليس الصناعه , فقط انا قلت انه لو راسلت المكتب يمكن ان اسهل امور الفيزا وتزيد نسبة القبول لاني مانعرفش شنو الاوراق الاضافية الي تساعد علي قبول التأشيرة

انا موفدة من الدولة وحصلت ع التاشيرة من ابريل الماضي ولم استطع السفر نظرا لضروفي الصحية
والان احاول الحصول لتاشيرة لطفلي وقدمت من تونس ولكن جاني الرد بانه لايوجد اثبات لعودتك لبلادك بعدالدراسة
انا في حيرة مثلك
لان تلخبطت ليا سنه ونصف وانا نجري ع ورق التاشيرة وبصراحة مليت ماديا ومعنويا
الباين ان كندا ترفض للأسباب شاملة ضروف البلاد حاليا

انتي موفده من اي وزاره و ان شاءالله الف لاباس عليك اختي نادية وبالنسبة لموضوع الرفض امس حكيت مع شاب ليبي عنده حق المواطنه في كندا قالي انه هما متخوفين من موضوع الهجرة بحكم خبرتهم في موضوع الهجره بس قالي لو في عندك مبلغ مالي كويس في حسابك وورقة تثبت انه عندك عمل في ليبيا وترجعله بعد تكمل دراستك ممكن اتكون نسبة القبول كبيرة عندك وياريت لو اي حد عنده معلومات اكثر ايفيدنا وكل شي بالنصيب في الاخر وان شاءالله ربي يفتحها علينا وعليكم

السلام عليكم
برنامج وزارة العمل ليس له علاقة بالمكتب الكندي انت برنامجك مع السفارة في كندا انا صديقي جاء من شهرين ومنحته ياخد فيها من السفارة بس ارجوا ان تتأكد ان فلوسك وصلن حساب السفارة قبل ماتوصل كندا

بارك الله فيك اخي علي المعلومه وكيف نعرف افلوسي وصلن هل نراسل السفارة بروحها لاني انا من بنغازي