اسباب رفض التاشيرة البريطانية من ليبيا (القديم)

مصعب كتب:

بارك الله فيك اخوي  albelazi  . انا متحصل علي قبول اكاديمي ومقدم علي تاير 4  اعزب    ان شا الله . 

انا لقيت تعليقات ان البعض ينصح انك تكتب لديك املاك متل منزل علي ما اعتقد  بس ما عرفت اي ابليكيشن يتكلمو عليه  واي فقرة بالضبط.

هذا السؤال موجود في استمارة الطالب الزائر والسياحية ومرافق تير 4 ولكن غير موجود في استمارة طالب تير4
Do you have savings‚ properties or other
income‚ for example‚ from stocks and
shares?
وممكن تكتبها في آخر صفحة بس في تأشيرة تير 4 مش مهمة واجد 

dedi كتب:

شكلرا عالرد اخي البلعزي وجزاك الله عنا كل الخير.. بس ليا استفسار بعد اذنك طبعا انا ارفقت ايقاف القيد لخويا والتوكيل  اني انا اللي متكفلة بمصاريف دراسته.. سؤالي هل من الممكن تغير نوع التأشيرة بحيث نقدمله علي تأشيرة طالب زائر والا مرات تسببلي في الرفض لان في من قالي التغيير مش في صالحكم ..
سؤالي الثاني اذا كان عندي املاك عقارية فهل من الافضل ان نبعت عقودها باسمي وندير لخويا توكيل فيهن او نتازله عنهن ونخليهن باسمه مع العلم انه طالب وماعندش دخل..  والله الانجليز تعبونا ومعش فهمنا شئ

المفروض من الأول قدمتيله على تاشيرة طالب زائر ولكن توة ممكن يرفضوه بحجة أن هو ماكان مهتم باللغة من قبل وشن يبي يدير باللغة 
بالنسبة للأملاك مش عارف لو تنازلتي أودرتي توكيل هل حتكون مقبولة أو لا ولكن لو درتيله كفالة ممكن يرفضوه لأنه ماشي 6 شهور وأنت 11 شهر فالأفضل واحد ثاني يديرلك كفالة أو توكيل.


خوي البلعزي تاشيرة تير4 ممكن تكون الحل لواحد أعزل أو متزوج ولكن ماهيش حل اوحدة ماشية مع خوها أو بوها مع أني نعرف وحدات خذن تأشيرة تير4 وبوهن تأشيرة سياحية لكن الإنجليز ماعندهم أمان وشكله هذا موظف جديد اللي ماسك فيها رفض للسياحبة بحجة المرافق ماتنطبق عليه.

عدل سابقا من قبل Abu Mohamed في الأربعاء 26 يونيو 2013, 2:22 am عدل 1 مرات

كلامك صحيح خوي ابو محمد تير 4 لايسمح بمرافق الا الزوج او الزوجة والابناء , اما خوي مصعب تاشيرتك تير 4 واعزب ماتبيش لا املاك ولا شي كل اللي تبيه الدعم المالي والكاس فقط واحونا Inception قدم بيهم فقط وخداها الحمد لله

dedi كتب:

شكرا خويا ابو محمد بس قدر الله وماشاء فعل يعني انا توا قدمت واللي صار صار يعني مافي اليد حيلة سؤالي لحضرتك انا عندي خالي عايش في ايطاليا وعنده حتى الجنسية هل ممكن ان نمشوا نقدموا من ايطاليا بلكي تكون الامور افضل؟؟

لو بتقدمي من خارج ليبيا ممكن تمشي لتركيا أو نونس بدل ماتاخذي تاشيرة لإيطاليا وتمشي ولكن لا أدري إن كانت الأمور أفضل في أي من هذه الأماكن خاصة أنهم سيطلعون على أسباب الرفض الأولى فنصيحتي أن تعالجي الأسباب بشكل جذري أولا ثم تختاري التقديم من طرابلس أو بلد ثان.


والحل الثاني واللي ممكن يكون أسهل بس مرات ياخذ شوية وقت يعني شهر أو شهرين وهو أنك تقدمي على امتحان الأيلس أنت وخوك بعد ماتديروا تحضير حتى في البيت ولو جبتوا إن شاء الله 4 تقدري أنت تقدمي على تأشيرة تير4 وخوك حتى هو يبديب قبول لغة ويقدم على تاشيرة تير4 ويكتب أنه حتى هو حصل إيفاد ويبي يدرس لغة عشان يحسن مستواه ويستفيد منها في دراسته الجامعية.

كل ساحة لها إيجابيات وسلبيات والساحة البريطانية لها إيجابياتها التاشيرة صعبة لكن مش مستحيلة وفي موفدين تقدموا وأخذوا التاشيرة من اول مرة المهم انك تركز في نوع التاشيرة اللي يناسبك وتقدم الأوراق المطلوبة والتوفيق من عند الله

قدر الله ما شاء فعل أخي الكريم وإن شاء الله ربنا يعوضك خير ،،، 
بالنسبة للنقطة الرابعة ،،، لو أنك تشتغل خوذ من جهة العمل رسالة تفيد بأنك موفد على حساب الدولة وأنهم ببعطوك إجازة طيلة فترة دراستك وأنهم يتعهدوا برجوعك إلى وظيفتك فور انتهاء دراستك ...

abdalmanam_elshekhi كتب:

سلام عليكم 
انا امس كيف جن اوراقي من بريطانيا لطرابلس مشييت للواحة سنتر وكنت متفائل اني راح ناخذ التاشيرة بس ﻷاسف قدر الله وماشاء فعل لقيت الرفض يستنى فيا مع اني درت جميع الاوراق وزدت عليهن 
وكانت اسباب الرفض تافة جدا
1- انت متخرج من سنة2012لعند توا شنو ادير 
2-انت ليش تبي تقرا لغة في بريطانيا 
3-بعد لغة شنو تبي ادير 
4-شنو ايضمني انك تبي تروح لبلادك بعد اللغة 
مع انا ثلاث اسباب الاخيرة تافهة جدا وانا مجاوب علهن في الابليكشن 
اما سبب الاول انا انا مش ذاكر شنو اندير في تلك الفترة نحن اصلا دفعت الثانوية 2012 مابدتش جامعتنا الا بعد 8 شهور 
يعني في شهر 4 وانا في الابليكشن كتبلهم طالب ثانوي وعندي افادة التخرج بس ماذكرتش اني طالب جامعي به معلش شنو رايكم في الموضوع وشنو هي الحلول ارجو الرد علي الموضوع بسرعة 
شكرا لادارة 

أخي الكريم قدر الله وماشاء فعل
أخي أولا أرجم منك كتابة أو وضع ورقة الرفض كما هي باللغة الإنجليزية لأنه في بعض الأحيان المعنى تفهمه بشكل مختلف وقد يقصدون شئ وأنت تفهم شئيا آخرا.
أخي هذه نفس الأسباب تم ذكرها وذكر كيفية حلها في الردود السابقة
أخي المتوكل السبب الرابع عادة يتم حله بتوفير مايثبت امتلاك عقار أو أصول ثابتة بافضافة إلى ورقة التعهد والإجازة من العمل
أرجو منك أخي الكريم مشاهدة الصفحات السابقة ويمكنك إعادة المحاولة بعد أن تتجنب هذه الأسباب ولكن في نفس الوقت حتى لاتضيع وقتك أنصحك بالتقدم على امتحان أيلس في أقرب فرصة وبعدها تقدم على تاشيرة تير4 لأن الرفض أصبح أكثر بكثير من قبل وسابقا كان الرفض يتم مرة واحدة ولكن الآن مرتين و3 وأكثر ويبدوا أن لديهم تعليمات مشددة هذه المرة بعدم قبول إلا قلة من الليبيين حتى لو أحضرت لهم لبن العصفور وممكن تقدم من مصر أو دولة ثانية على امتحان أيلس لأن المواعيد محجوزة في ليبيا إلى 26 أكتوبر.

ممكن تشوف هذا الموضوع لمعرفة المواعيد
http://www.almofad.com/t19346-topic#148460


أعتقد أن التقدم على تأشيرة طالب زائر وزائر عام لليبيين أصبح مضيعة للوقت والمال.
وياليبيين لازم تضغطوا على الخارجية وتخلوها تكلم السفارة الإنجليزية وأبتعدوا من السلبية.

اللي عنده معلومة يفيدنا اليوم بلغوني في مكتب الواحات بانه صدر قرار برفض اي تاشيرة للمرافق 6 شهور وعندي مقابلة اليوم ماذا افعل

من هم الذين أبلغوكم أختي الكريمة ،،، 
أي تغيير يحدث في إجراءات التأشيرة ينزل في موقع وكالة الحدود البريطانية ، لا أدري إن كان نزل هذا البلاغ في هذا الموقع أم لا ؟

lobna12 كتب:

اللي عنده معلومة يفيدنا اليوم بلغوني في مكتب الواحات بانه صدر قرار برفض اي تاشيرة للمرافق 6 شهور وعندي مقابلة اليوم ماذا افعل

أي قرار ومن صدره؟
أعتقد أن المعلومة غير دقيقة أو أنكم فهمتموها كهذا وربما يقصدون أن المرافق سيرفض إذا قدم على تأشيرة سياحية على أنه مرافق وهذا بالفعل ماحدث لأكثر من شخص في الأيام الأخيرة ولو تشوفي موضوع رفض التاشيرة حتلقي كم واحد رفضوه الأيام الماضية لهذا السبب.
لذلك ربما يتم التقدم على أساس أنه غير مرافق وأنه سائح ويحضر إفادة وأدلة بذلك تدعمه.

شكرا للاخ ابو محمد والمتوكل على الله على الرد
اخي المتوكل على الله تم ابلاغنا من قبل موظفة في مكتب في الواحات سنتر بناء على خبر لسالمة العرادي في قناة ليبية وليس في موقع وكالة الحدود البريطانية
قدمنا عالتاشيرة الساعة45 : 11 وسالنا موظف في مكتب الورلدبريدج قال الخبر غير صحيح والرفض يتم لعدم تقديم الاوراق الداعمة وتم نصحنا بنفس راي الاخ ابو محمد بالتقديم للمرافق على انه غير مرافق وانه سائح

والتوفيق لكي اختي رحمة
بارك الله فيكم جميعا

lobna12 كتب:

شكرا للاخ ابو محمد والمتوكل على الله على الرد
اخي المتوكل على الله تم ابلاغنا من قبل موظفة في مكتب في الواحات سنتر بناء على خبر لسالمة العرادي في قناة ليبية وليس في موقع وكالة الحدود البريطانية
قدمنا عالتاشيرة الساعة45 : 11  وسالنا موظف في مكتب الورلدبريدج قال الخبر غير صحيح والرفض يتم لعدم تقديم الاوراق الداعمة وتم نصحنا بنفس راي الاخ ابو محمد بالتقديم للمرافق على انه غير مرافق وانه سائح

نعم والطفل ممكن يتم تقديم تاشيرة طفل زار
Special child visitor

alex1 كتب:

 بالنسبة للتقديم للمرافق على انه مرافق بفيزا سياحيه صحيح وانا شخصيا فعلت ذلك ولم يتم رفضي ونفس الشئ فعلته مع التاشيرة الجديده وانتظر الرد

هذا صحيح من قبل ولكن توة يبدو فيه موظف جديد وإلا متشددين في الإجراءات.

يا اخي alex لو صدرت لك التاشيرة بلغنا شن صار معاك وان شاء الله بالتوفيق

السلام عليكم انا تم رفض تاشيرتى وتاشيرة زوجتى بسبب انى انا اودعت فى حسابى مبلغ6000 دينار وزوجتى 3000 ديناروكان سبب رفضهم انا نحن ذاكرين فى الابليكيشن بانه لايوجد لدينا مصدر للدخل سوى المرتب وانهم لايعلمون مصدر هذه المبالغ ....... فما الطريقة المثلى لمعالجة هذا الخطا. والتقديم مرة اخرى.. ولكم الشكر

abobker كتب:

السلام عليكم انا تم رفض تاشيرتى وتاشيرة زوجتى بسبب انى انا اودعت فى حسابى مبلغ6000 دينار وزوجتى 3000 ديناروكان سبب رفضهم انا نحن ذاكرين فى الابليكيشن بانه لايوجد لدينا مصدر للدخل سوى المرتب وانهم لايعلمون مصدر هذه المبالغ ....... فما الطريقة المثلى لمعالجة هذا الخطا. والتقديم مرة اخرى.. ولكم الشكر

هذا صحيح
يجب أن تحضر مصدر المبلغ فإذا كان من قريب مثلا تحضر منه إقرار بأنه من أعطاك المبلغ وربما (إذا أمكن) حتى كشف حسابه يبين أن المبلغ خرج من حسابه.
ولكن مانوع التاشيرة التي قدمتوا عليها؟

عدل سابقا من قبل Abu Mohamed في الخميس 04 يوليو 2013, 4:47 pm عدل 1 مرات

التاشيرة طالب زائر لمدة كورس اللغة 11 شهر

السلام عليكم ورحمة الله وبركاته
اولا كل العام وانتم بخير بمناسبة قرب حلول شهر رمضان المبارك اعاده الله علينا وعليكم وعلى امة سيدنا محمد عليه افضل الصلاة والتسليم بالخير و اليمن والبركات
انا من قبل عرضت مشكلة تأشيرة خويا بس توا عندي بعض الاستفسارات 
1- تم رفض تأشيرته مرتين فهل التقديم للمرة الثالثة مجدي.
2- في المرتين السابقتين قدمنا علي اساس انه مرافق وتم الرفض طبعا وحجتهم انه لا تنطبق عليه تأشيرة السائح وحاليا مدة تأشيرتي المتبقية لا تغطي فترة كورس اللغة (8 شهور) فنصحني احد الاشخاص باني نغير كورس اللغة الي 6 شهور ونقدم لخويا علي كورس لغة 6 شهور ونوضحلهم اني مانقدرش نسافر لوحدي مما سبب في ضياع كل هذه المدة من تأشيرتي وبسبب رفضهم لاخي كمرافق سائح غيرنا الي طالب زائر.
ارجو من اصحاب الخبرة افادتنا

dedi كتب:

السلام عليكم ورحمة الله وبركاته
اولا كل العام وانتم بخير بمناسبة قرب حلول شهر رمضان المبارك اعاده الله علينا وعليكم وعلى امة سيدنا محمد عليه افضل الصلاة والتسليم بالخير و اليمن والبركات
انا من قبل عرضت مشكلة تأشيرة خويا بس توا عندي بعض الاستفسارات 
1- تم رفض تأشيرته مرتين فهل التقديم للمرة الثالثة مجدي.
2- في المرتين السابقتين قدمنا علي اساس انه مرافق وتم الرفض طبعا وحجتهم انه لا تنطبق عليه تأشيرة السائح وحاليا مدة تأشيرتي المتبقية لا تغطي فترة كورس اللغة (8 شهور) فنصحني احد الاشخاص باني نغير كورس اللغة الي 6 شهور ونقدم لخويا علي كورس لغة 6 شهور ونوضحلهم اني مانقدرش نسافر لوحدي مما سبب في ضياع كل هذه المدة من تأشيرتي وبسبب رفضهم لاخي كمرافق سائح غيرنا الي طالب زائر.
ارجو من اصحاب الخبرة افادتنا

وعليكم السلام ورحمة الله وبركاته
أعتقد الخيار الثاني أفضل وكان المفروض أن تقدموا عليه من البداية وممكن حتى تكتبوا أن أخوك تحصل على قبول دراسي وأنه ينوي دراسة اللغة ولازم توضحوا كويس ليش يبي يدرس اللغة (عشان يبي ماجستير أو عشان حتفيده في دراسته أو عمله في ليبيا) والأفضل من هذا كله هو التقديم على تأشيرة تير4 بعد الحصول على 4 في الأيلس.

السلام عليكم ,,,حسبي الله ونعم الوكيل رفضت تأشيرتي للمره الثانيه نوعها زائر عام والغرض منها زيارة زوجي يقرا في لغه من 4 شهور وانا ذكرت المره الاولي قدمت يو 2.5.2013 ورفضت يوم23.5.2013 وذكرت رسالة الرفض وبررنا الرفض وقدمت المره التانيه يوم 9.6.2013 ورفضت يوم 3,7.2013 والاسباب جديده قالو ان شكين فالجواز السفر انه مزور لانه فيه تشطيب وطبعآ هن تعديلات دايرهن قسم الجوازات وموقع وخاتم عليهن حرام والله تذاكر طياران لطرابلس وفندق ورسوم التأشيره في كل مره 650 دينار لان معايا اولادي حسبي الله علي حكومتنا خلت الانكليز يعاملو فينا هالمعامله حاليآ والدي في طرابلس ومعاه جوازي وماشي بيه لإدارة الجوازات عشان ايتاكدو من الجواز وبعدها حيمشي لوزارة الخارجيه ليرفع الدعوي عالسفاره لانهم كثرو سبله عالليبين بسبب وبدون سبب علمآ انه زوجي دار امتحان ايلس في مانشستر ودرجته 5.5 وحصل قبول جامعي بس لازم يقرا بريسجنا كورس 3 شهور والمشكله انه تأشيره التاير فور مش حيعطو المرافقين لأن مدة لازم يقرا 3 شهور ..وزوجي حاليآ بيرد ليبيا لأن البريسجنل كورس يبدا 1.10 ولكن المعهد مابش يلغيله الكورس ومعطاش اجازه.. والمشكله الاخره هو تأشيرته طالب زائر 11 شهر وهو يبي يرد يقعد معانا شهرين لاعند مايبدا البريسجنل كورس يبي يقراه بتأشيرته هذي لكن قالولا كان تبي اترد ماتقدرش تقعد ف ليبيا اكتر من 40 يوم... حسبي الله ونعم الوكيل في حكومتنا وفي الانكليز