استفسار حول قبول لغرض تاشيرة تاير فور

السلام عليكم

تحصلت موخرا ع نتيجة 6 في الايلتس وطبعا ايفاد لمدة 3سنوات نبي نستفيد من سنة اللغة واحد من الشباب الطيبة قالي مش حايعطوك معاهد اللغة كورس اكثر من 6 شهور او سنة... علما اني متزوج وباش ناخد عيلتي ضروري من كورس اكثر من 6 شهور. بالله ع رحمة الولدين مساعدة

مافيش رد ياجماعة الخير من امس

mazen ennwili كتب:

السلام عليكم

تحصلت موخرا ع نتيجة 6 في الايلتس وطبعا ايفاد لمدة 3سنوات نبي نستفيد من سنة اللغة واحد من الشباب الطيبة قالي مش حايعطوك معاهد اللغة كورس اكثر من 6 شهور او سنة... علما اني متزوج وباش ناخد عيلتي ضروري من كورس اكثر من 6 شهور. بالله ع رحمة الولدين مساعدة

وعليكم السلام

عادي يعطوك المعاهد أكثر من 6 شهور ولكن المشكلة في الوقت الحالي في التأشيرة صعب جدا جدا فننصحك تتريث شوية لعند الوضع يهدئ شوية وتتضح الرؤيا.

شكرا اخي ابو محمد ع الاهتمام

كنت حاير انا جبت درجة مقبولة وخفت مانحصلش ع كورس اكثر من 6 شهور باش ناخد عيلتي لاني اسمعت مايعطونيش المعاهد قبول ع اساس لغتك كويسة ومانتسحقش اكثر من شهرين... خلاص انكان حسب خبرتك ان عادي حتى لو درجتي في الايلتس كويسة نتحصل ع كورس طويل ومايسببش اي اشكال مع الهوم اوفيس لانا ملرات يسبب رفض يقولولي كيف درجتك كويسة وانت تبي تقرا اكثر من 6 شهور .... وعموما زي مانصحتني مش حانقدم لين توضح الرؤية غير حبيت نتاكد في الوسع قبل مانقدم ع التاشيرة مستقبلا...

تحياتي ودمتا فخرا لوطننا

mazen ennwili كتب:

شكرا اخي ابو محمد ع الاهتمام

كنت حاير انا جبت درجة مقبولة وخفت مانحصلش ع كورس اكثر من 6 شهور باش ناخد عيلتي لاني اسمعت مايعطونيش المعاهد قبول ع اساس لغتك كويسة ومانتسحقش اكثر من شهرين... خلاص انكان حسب خبرتك ان عادي حتى لو درجتي في الايلتس كويسة نتحصل ع كورس طويل ومايسببش اي اشكال مع الهوم اوفيس لانا ملرات يسبب رفض يقولولي كيف درجتك كويسة وانت تبي تقرا اكثر من 6 شهور .... وعموما زي مانصحتني مش حانقدم لين توضح الرؤية غير حبيت نتاكد في الوسع قبل مانقدم ع التاشيرة مستقبلا...

تحياتي ودمتا فخرا لوطننا

العفو أخي الكريم
لو قدمت في الوقت الحالي ممكن جدا يرفضواك بسبب درجة الأيلس لأنهم مسبلين توة.

يا اخي انصحك مثلما اخبرك ابومحمد
بما ان لديك قرار لماذا العجلة وخصوصا في رهن هذه الاوضاع .
اما بخصوص سؤالك الاساسي فهناك من تحصل على درجة 6.5 وتحصل على
كورس 7 اشهر لغة ولكن لغة متقدمة وهي تفيدك افضل من العام .
لانك ليس من المنطقي تطلب لغة عام وعندك ايلتس درجة 6 وانت تريد
ان تتحصل على تاشيرة تير 4 وهي افضل بكثير جدا من تاشيرة الطالب .

شكرا لك اخي خالد ولك كل الاحترام والتقدير

نورتني الله ينورك انت والاخ ابو محمد حانخد بنصايحكم بعين الاعتبار... مافيش الا الصبر والثريت والله المستعان...

لو سمحت اخي خالد ممكن تبعتلي كيف تتم الحصول ع قبول اللغة متقدمة يعني امتا نخش ع موقع جامعة او معهد لغة نبحث ع كلمة Advanced English Course او فيه صيغة تانية زي مستوي فلان او اي شي... نبي نعرف عشان ندور ونشوف براحتي....

شكرا و أعانكم الله ع فعل الخير...

mazen ennwili كتب:

شكرا لك اخي خالد ولك كل الاحترام والتقدير

نورتني الله ينورك انت والاخ ابو محمد حانخد بنصايحكم بعين الاعتبار... مافيش الا الصبر والثريت والله المستعان...

لو سمحت اخي خالد ممكن تبعتلي كيف تتم الحصول ع قبول اللغة متقدمة يعني امتا نخش ع موقع جامعة او معهد لغة نبحث ع كلمة Advanced English Course او فيه صيغة تانية زي مستوي فلان او اي شي... نبي نعرف عشان ندور ونشوف براحتي....

شكرا و أعانكم الله ع فعل الخير...

Academic English

تمام مثلما اخبرك ابومحمد

اكاديمي للغة او كورس متقدم
عادة تجد عبارات مثل academic او advanced او intensive language
ولكن الاخيره المقصود منه التركيز في الكورس .
الاهم ان يكون الهدف من الكورس مكتوب في الكاس نمبر مثل ايصالك لمستوى
اكثر من B2 مثلا وحاول ان تتاكد من غرض الكورس جيدا .