فيزا ماليزيا

كم يعطو ختم فيزا سياحية عند دخول ماليزيا..مع العلم سابقا كانت 3 اشهر؟.. 2 من افراد اسرتي رح يجو لماليزيا ولكن عند دخولهم نبي نعرف كم يعطو مدة الفيزا السياحية توا؟ افيدوني بالله.
ولا استطيع ايضا ان اضعهم مرافقين على فيزتي.

افيدوا اخاكم

لو جاي للمطار طول يعطوك اسبوعين .. اما في حال خديت فيزا سياحية من سفارة ماليزيا في الاردن او انقرة راح يعطوك شهرين في المطار قابلة للتمديد

ماتقدرش تحطهم مرافقين من المطار

وبالنسبة للطالب اللي بيقرا ومعاه مرافقين ... وبيمشي للمطار طول حتى هو يعطوه اسبوعين

omsali كتب:

وبالنسبة للطالب اللي بيقرا ومعاه مرافقين ... وبيمشي للمطار طول حتى هو يعطوه اسبوعين

الطالب اللي بيقرا يتصل بالمعهد او الجامعة لو قالوله تعال للمطار هما يتحملو المسؤولية ان شاء في المطار يعطوه يوم واحد ... و بالنسبة للمرافقين اكيد اسبوعين .. بس نصيحة لازم تمرو ع الاردن و تاخدو تاشيرة سواء طالب او سياحية .. راه هنا مايراعوش كلمة اطلع برا مافيش فيزا زي شراب المية.. رجاء اللي يقرا المنشور مايورطش روحه ويجي و ياخد 15 يوم من المطار صح في ناس جت و صدفت معاها بس مئات اللييبين جو و تورطو و دفعو مبالغ كبيرة توصل لي 6000 دولار باش يديروله فيزا ... و ماتسمعوش كلام اي حد راه ماليزيا بالاجواء اليوم فلان يقدر يطلع فيزا بكرة مرات معاش يقدر .. فما مافيش داعي تشحورو ارواحكم بالدات اصحاب العائلات .. الاجراء الطبيعي الصحيح الطالب ياخد الابروفال فيزا امتاعه اللي وصله من المعهد او الجامعة و يرفع جواز سفره و جوزات سفره عائلته و يمشي لسفارة الاردن يدفع رسوم بسيطة يعطوه فيزا شهرين هو و كل افراد عائلته وبعد يوصل المطار يوريهم الابروفال فيزا و يخش معزز مكرم و بعد يوصل المعهد او الجامعة تغيرلهم جوازتهم و الفيزا اللي بياخدوها من السفارة في الاردن شهرين و بعد يتمو الشهرين تتمدد شهرين تانيات المجموع 4 شهور .. و اسال التوفيق للجميع

شكراً جزيلاًُ لك أخي الأنصاري ... وإن شـاء الله ربي ايسهلها عليك وربي يحفظك

وعند انتهاء الأربعة أشهر ... هل يعطوهم تأشيرة طويلة لأن زوجي يريد الدراسة أما طفلي فسيصبح واحد في سن أول إبتدائي والثاني روضة أول كيف الحل لهم

omsali كتب:

وعند انتهاء الأربعة أشهر ... هل يعطوهم تأشيرة طويلة لأن زوجي يريد الدراسة أما طفلي فسيصبح واحد في سن أول إبتدائي والثاني روضة أول كيف الحل لهم

بارك الله فيكم جميعا