بسم الله الرحمن الرحيم
السلام عليكم اليوم نبي نحكي لكم ونوضوح لكم قصه الدراسة في قبرص من البداية الي النهاية وبالتفاصيل وبالعامية من واقع تجربة وكلامي شور الجماعه اللي على حسابهم الخاص خصوصا عشان يقعد فاهم كل شي لان اغلب الجماعه اللي يجيبو في قبولات للطلاب مايعطو في الصورة الصحيحة للواقع ولما يوصل الطلب ينصدم في حاجات ومواضيع لان اغلبهم يبو فلوس ويضمنو ان الطلب وصل وسجل وبعدها ينحرق وانا قلت اغلبهم يعني مش كلهم ركز
اولا القبول والدراسة..اول شي تقدر ادير قبولك بروحك على موقع احدى الجامعات اون لاين لا فيه علم لا شي لكن نقولو يلا خلي شاب ليبي ينتفع من وراك ويحصل 500 يورو من الجامعه مش منك عموما ..وقبرص فيها جامعه الشرق الادنى...وجامعه قبرص الدولية...والاتنين في مدنية ليفكوشا العاصمة...وجامعه شرق البحر المتوسط في مدينة فماقوستا...وجامعه قيرنا الامريكية في مدينة قيرنا...وهن الاربع معتمادات من الضمان والجوده في ليبيا وبالنسبة الافضل بينهن كان انت طالب يهمك تصنيف الجامعه بين جامعات العالم والمواضيع هدين في مواقع للتصنيف ادخل وشوف من اعلى في التصنيف وام تسال على الاعتماد كلهن معتمدات..وكل واحد عندة وجهه نظر...عموما لما تحصل القبول المبدي ورد بالك واحد يقولك ابعتلي فلوس القبول مافش دفع شي الا لما توصل هنا...تحط في جيبك القبول واوراقك وتتوكل على الله واول طائرة اسطنبول...ومن اسطنبول تحجز من المطار كان تبي نفس اليوم لقبرص وكان تبي دهواري في اسطنبول كم يوم بجوك في اكتر من شركة والتدكرة رخيصة وكان عندك بطاقة فيزا نت تحجز من اول موقع وتختار ارخص رحلة وتجي قبرص مطار اركان الرحلة ساعه ونص ..لما تنزل توريهم القبول يختملك وبالجو مرات 30 يوم ومرات 90 على حسب مزاج اللي يختم الدخول
تاني شي تكاليف المعيشة والدراسة
كل جامعه منهن تختلف شوي عن الثانية وتقدر تدخل على الموقع وتشوف التخصص وتكاليف السنوية,,وانا هنا نبي نحكي على نقطة وفي جامعه قبرص الدولية واللي يجيبو في القبولات وخصوصا الطلبة اللي على حسابهم..انك لما توصل ادير امتحان لغة كان نجحت تدخل للقسم وتبدا والدراسة ماصار شي معنها تبي تبدا في كورس اللغة وادير امتحان تحديد مستوى ويحطوك في مستوك..لما تبي تسجل تدفع رسوم الدراسة 2109 يورو هدي للفصل الواحد يعني تقرا مستوين من اللغة لمده اربع شهور.
السكن والاقامة
السكن دير حسابك انك تدفع اجار 6 شهور يعني ونادر جدا تحصل شقة شهر بشهر لكن انت دير حسابك على اساس 6 شهور وعلى حسب الاتفاق مع صاحب الشقة مرات يقولك عطينا 3 توا و3 بعد شهر او شهرين..وفي شهرين تامين وحد هن دير حسابك مش راح يردن لك ممكن شهر يرد لك لان لما تبي تطلع راح يجبلك الف عدر وقصة انك خربت شي واللي هكي يعني 6 شهور وشهرين تامين وشهر للسمسار امتع المكتب يعني 9 شهور ..
الشقق حجرتين وصالة وحمام ومطبخ..300 باوند ماحد يفتي لك كان انت تبي النظيف...3 حجر وحمامين مرات وصاله ومطبخ 400 باوند..استديو لشخص وممكن شخصين 250 باوند..
الاقامه..
بعد تسجل في الجامعه ونهيت قصه الشقة وسكنت وتريحت توا تبي ادير اوراق الاقامه..والشهادة الصحية...راح تدفع 135 ليرة وو95 ليرة ودمغه 10 ليرة وتبي تصدق العقد متع الشقة على حسب سعر الاجار يعني قول 100 ليرة..
المعيشة....لو شخصين كل واحد 100 يورو دايرت فيكم شارع هدي من غير مصاريفك الشخصية...الباص مجانا من الجامعه ودير حسابك مرة مرة الغداء في الجامعه ومصاريف رصيد موبيال يعني 150 يورو شهريا تمام الا عاد كان تبي تصرف وفلوسك واجد هدي حاجه اخرى...وللعلم مانجيب في قبولات لكن اي سؤال او مساعدة تفضل ماعندك مشكلة...فاعل خير
السلام عليكم اليوم نبي نحكي لكم ونوضوح لكم قصه الدراسة في قبرص من البداية الي النهاية وبالتفاصيل وبالعامية من واقع تجربة وكلامي شور الجماعه اللي على حسابهم الخاص خصوصا عشان يقعد فاهم كل شي لان اغلب الجماعه اللي يجيبو في قبولات للطلاب مايعطو في الصورة الصحيحة للواقع ولما يوصل الطلب ينصدم في حاجات ومواضيع لان اغلبهم يبو فلوس ويضمنو ان الطلب وصل وسجل وبعدها ينحرق وانا قلت اغلبهم يعني مش كلهم ركز
اولا القبول والدراسة..اول شي تقدر ادير قبولك بروحك على موقع احدى الجامعات اون لاين لا فيه علم لا شي لكن نقولو يلا خلي شاب ليبي ينتفع من وراك ويحصل 500 يورو من الجامعه مش منك عموما ..وقبرص فيها جامعه الشرق الادنى...وجامعه قبرص الدولية...والاتنين في مدنية ليفكوشا العاصمة...وجامعه شرق البحر المتوسط في مدينة فماقوستا...وجامعه قيرنا الامريكية في مدينة قيرنا...وهن الاربع معتمادات من الضمان والجوده في ليبيا وبالنسبة الافضل بينهن كان انت طالب يهمك تصنيف الجامعه بين جامعات العالم والمواضيع هدين في مواقع للتصنيف ادخل وشوف من اعلى في التصنيف وام تسال على الاعتماد كلهن معتمدات..وكل واحد عندة وجهه نظر...عموما لما تحصل القبول المبدي ورد بالك واحد يقولك ابعتلي فلوس القبول مافش دفع شي الا لما توصل هنا...تحط في جيبك القبول واوراقك وتتوكل على الله واول طائرة اسطنبول...ومن اسطنبول تحجز من المطار كان تبي نفس اليوم لقبرص وكان تبي دهواري في اسطنبول كم يوم بجوك في اكتر من شركة والتدكرة رخيصة وكان عندك بطاقة فيزا نت تحجز من اول موقع وتختار ارخص رحلة وتجي قبرص مطار اركان الرحلة ساعه ونص ..لما تنزل توريهم القبول يختملك وبالجو مرات 30 يوم ومرات 90 على حسب مزاج اللي يختم الدخول
تاني شي تكاليف المعيشة والدراسة
كل جامعه منهن تختلف شوي عن الثانية وتقدر تدخل على الموقع وتشوف التخصص وتكاليف السنوية,,وانا هنا نبي نحكي على نقطة وفي جامعه قبرص الدولية واللي يجيبو في القبولات وخصوصا الطلبة اللي على حسابهم..انك لما توصل ادير امتحان لغة كان نجحت تدخل للقسم وتبدا والدراسة ماصار شي معنها تبي تبدا في كورس اللغة وادير امتحان تحديد مستوى ويحطوك في مستوك..لما تبي تسجل تدفع رسوم الدراسة 2109 يورو هدي للفصل الواحد يعني تقرا مستوين من اللغة لمده اربع شهور.
السكن والاقامة
السكن دير حسابك انك تدفع اجار 6 شهور يعني ونادر جدا تحصل شقة شهر بشهر لكن انت دير حسابك على اساس 6 شهور وعلى حسب الاتفاق مع صاحب الشقة مرات يقولك عطينا 3 توا و3 بعد شهر او شهرين..وفي شهرين تامين وحد هن دير حسابك مش راح يردن لك ممكن شهر يرد لك لان لما تبي تطلع راح يجبلك الف عدر وقصة انك خربت شي واللي هكي يعني 6 شهور وشهرين تامين وشهر للسمسار امتع المكتب يعني 9 شهور ..
الشقق حجرتين وصالة وحمام ومطبخ..300 باوند ماحد يفتي لك كان انت تبي النظيف...3 حجر وحمامين مرات وصاله ومطبخ 400 باوند..استديو لشخص وممكن شخصين 250 باوند..
الاقامه..
بعد تسجل في الجامعه ونهيت قصه الشقة وسكنت وتريحت توا تبي ادير اوراق الاقامه..والشهادة الصحية...راح تدفع 135 ليرة وو95 ليرة ودمغه 10 ليرة وتبي تصدق العقد متع الشقة على حسب سعر الاجار يعني قول 100 ليرة..
المعيشة....لو شخصين كل واحد 100 يورو دايرت فيكم شارع هدي من غير مصاريفك الشخصية...الباص مجانا من الجامعه ودير حسابك مرة مرة الغداء في الجامعه ومصاريف رصيد موبيال يعني 150 يورو شهريا تمام الا عاد كان تبي تصرف وفلوسك واجد هدي حاجه اخرى...وللعلم مانجيب في قبولات لكن اي سؤال او مساعدة تفضل ماعندك مشكلة...فاعل خير