معهد اللغة Spring في مدينة Littleton

أتمنى أن يفيدنا أحد الأخوان أو الأخوات عن هذا المعهد والمدينة التي فيه هذا المعهد وما هي نسبة الغلاء من الناحية الإقتصادية والإيجار

معهد معقول ومشكووور من كل الطلبة... المدينة حلوة ومعقولة..والاجار من 500- 800 المتوسط
عيبها:::: فيها عرب بنسبة كبيرة ...ليبيين ومن الخليج (السعودية - قطر - الامارات - البحرين - الكويت ..الخ)

ميزة المعهد ان يعطيك قبول للجامعة اذا كملت فيه 6 لفلس (Levels)
يعني مش محتاج انك تعمل امتحانات لغة....



Regards

اخي عبدالباسط. ما ايغركش اسم مدينة ليتلتون راهي جزء من دنفر. يعني من السرنق في لتلتون الي نص البلاد او السبرنق في حرم جامعة كولورادو حوالي 20 دقيقة بالقطار. المعهد اكويس لكن جامعة كولوردو دنفر تعتمد في السبرنق دنفر.
انا نعرف اكثر من طالب بعد وصلو مسوي 5 مثلا انتقل من ليتلتون الي الداون تاون.

بالتوفيق

Romar كتب:

[size=18]اخي عبدالسلام::: معهد سبرنق (اي كان مكانه) يعطي في قبول مشروط وقبول اكاديمي كامل للطلبة المتخرجين منه... حتى ليتلتون يعطيك قبول مشروط في حاله انك مزال تقرى ماكملتش معاهم..ويوصلك قبولك لما اتكمل معاهم 6 مستويات ... وهذا دليل من موقعهم :
"Spring also has agreements with the University of Colorado and other schools so that students who apply to those schools, but don't meet the English proficiency requirements, will attend Spring's Intensive English program until they are ready for college admission."

الموقع :اضغط هنا ...

All the best guys....

اهلا خوي الكريم انا عارف الكلام الي انت قلتا. لكن انا نعرف طلاب معرفة شخصة انتقلو من سبرنق فرع ليتلتون الي سبرنق فرع دنفر. وانا شخصيا لما كنت في سبرنق دنفر حصلت قبول من جامعة في ولاية اركنساس. وفي هذه الجامعة طلبو من ان انتقل الي معهدهم وان سبرنق دنفر غير معتمد عندهم. لذلك هي بسيطة جدا تقدر انتقل من الي فرع للسبرنق الي الفرع الاخر او اتكون في نفس المستوي. انا انقولك علي تجارب صارت امعاي او مع طلاب اخرين الكلام هذا صار من سنة الي سنة او نص . والله الموفق

تكمله فقط. توجد بعض الجامعات التي تقبل اي معهد لغة . شروط قبول الجامعات يختلف من جامعة الي اخري

خوي عبدالسلام.... اني ماقصدتش اني انشكك في كلامك... بالعكس تماما..ارجوا انك ما اتكون فهمتني غلط ..كلنا اهني في خدمة خوتنا الليبين والعرب والمسلمين ان شاء الله...وماعندناش فيها جميل...
بس كنت نحسابك مش متأكد وانك تسمع من الطلبة بس... لاني اني شخصيا نعرف ناس كملوا من المعهد هذا والتحقوا بالجامعة وبدون امتحان لغة ... بس على كل حال... اني بكرة الصبح نتصل بيهم وانشوف شن ردهم...
سامحني خوي...

والله ولي التوفيق...

السلام عليكم..
انا لما راسلت colorado school of mines قالولي ان معهدهم امسكر وقالولي نقدر ناخد اللغة في معهد spring لكن توة لما سألتهم على تاريخ التقديم للدكتوراه قالوا ان ملفك لازم يكون كامل من ناحية اللغة يعني اما يكون معاك التوفل او انك تنهي المستوى السادس في معهد spring بمعنى ان مافيش قبول مشروط (ملفك لازم يكون كاااامل)

rayan كتب:

السلام عليكم..
انا لما راسلت colorado school of mines قالولي ان معهدهم امسكر وقالولي نقدر ناخد اللغة في معهد spring لكن توة لما سألتهم على تاريخ التقديم للدكتوراه قالوا ان ملفك لازم يكون كامل من ناحية اللغة يعني اما يكون معاك التوفل او انك تنهي المستوى السادس في معهد spring بمعنى ان مافيش قبول مشروط (ملفك لازم يكون كاااامل)

اخي العزيز: كلامك صحيح ولكن انت لما توصل المستوي الخامس في المعهد. خوذ ورقة من المعهد تفيد بذلك وانت سوف اتخرج بتاريخ الفلاني. قسم القبول في هذه الحالة سوف يقوم بتحويل ملفك للقسم اذا كان انت داير جي ار اي . وبعدها عملبة وقت او اتحصل علي القبول ان شاء الله

السلام عليكم
ان شاء الله استقريت على معهد السبرنق فى دنفر وانا فى مرحلة التسجيل فى هذا المعهد
سؤالى هو المعهد ايوفر فى قبول فى كم جامعة وما هى الجامعات وهل فيها تخصص إحصــاء
حيث انى موفدة لنيل درجة الدكتوراه

نأمل الرد على استفسارى . جزاكم الله كل خير