مرحبتين اختي زمردة
التخصص على مااظن موجود فى جامعة اليو كيو وفى اغلب جامعات استراليا او كلها
وبالنسبة لجامعة غرب استراليا ممتازة جدا زي جامعة اليو كيو لان الاتنين من المجموعة الثمانية ولا يقبلو الا الايلتس للدخول فى المجال الاكاديمي واللغة فيهم قوية جدا جداااااا
من ناحية المناخ ليس عندي دراية تامة عن غرب استراليا الا القليل من التلفزيون
مناخها شبيه بمناخ كوينزلاند ولكن لاحظت فى الشتاء غرب استراليا ابرد
والمناخ عندنا فى برزبن الشتاء دافئ ومعتدل زي ليبيا ولا تحتاجي الملابس الثقيلة جدا اللهم القليل لان تصير بين الفترة والاخرى ان يجي موجة برد غير متوقعة لكم يوم وبعدين خلاص
والصيف رطوبة واجواء متقلبة بين المطر والحرارة المرتفعة فى عز الصيف طبعا واحيانا يجي الجو جميل ولطيف مع رطوبة خفيفة
من ناحية الافضل هذا راجعلك انت ونصيحتى شوفي الجامعة اللي بتقري فيها وتعجبك بالنسبة لينا هنايا عندنا القولد كوست قريبة علينا وحلوة فى كل اوقات السنة وفيها اكبر ملاهي ترفيهية والعاب مائية فى استراليا حتى كان مكلفة فيه تخفيضات من فترة للتانية او تمشي للبحر او الحدائق او او او خيارات متعددة وكذلك الصن شاين كوست منطقة حلوة وفيها اكبر حديقة حيوانات فى استراليا كانت تستقطب السياح على طول العام من كل العالم وخصوصا عروض التماسيح
يعني لو حابة فى فترة انتهاء سمستر تمشي للمكانات هاذي او تسافري لولاية تانية اذا كان المناخ مشكلة ولكن فى نظري الدراسة والجامعة اهم من كل شئ وهذا راجعلك
بالتاكيد
واخيرا وهو الاهم
ملابس الحجاب مهمة جدا تجيبي معاك مايكفيك طول فترة اقامتك لان من المستحيل تلقي المتناول وفيه بعض محلات الحجاب صارت تفتح مؤخرا لكن مش حاجة ابدا وغالية نااااااار يعني على القطعة 100 دولار او اكثر
اتمنى ان اكون افدتك واي سؤال اني حاضرة وعذرا على التاخير فى الرد
),,, شكراً