طلب من اهل الخبرة فى ماليزيا

اخي العزيز ، اذا كنت عازب يفضل فرع Petaling Jaya
http://www.els.edu.my/en/news/student-activities/els-pj-bowling-competition/
، هذا تجد سكن بالغرفة يعني موش شقة كاملة ، وبعدين بعدين المواصلات متوفرة الي كوالا لمبور بالقطار LRT وبعدين تستفيد من اللغة بالمخالطة في هذه المنطقة لان اغلبها صينيين
اما الي في البوكيت بنتانق يوجد العرب بكثر لانه شارع العرب ولا تستفيد من شئ ، وهي منطقة حركية لهذا لا تستطيع الدراسة
اما الذي هو موجد بال klcc فهذا لا انصحك به لا ن الطلبة المتواجدين به من ايران والصومال والمكان غير لا ئق بالدراسة .
يوجد فرع رابع وهو في منطقة SUBANG JAYA
http://www.els.edu.my/en/centres-location/subang-jaya/
هذا ايضا ممتاز
وربي ايوفقك

اسمع واجدين من الطلبة جو بعد ما تزوجو مباشرة وصارت بينهم مشاكل ، والسبب انت اول ما تتزوج الواحد يبي يدهور وايشوف البلاد الي هو جايها ، والمعهد الامريكي دراسة من الساعة 8.30 الي 3.30 وتبي اتروح للحوش وبعدين يعطوك وجبات باستمرار ، يعني زوجتك ةقتها اتمل لانك مشغول بدراستك . حاول اتجي بروحك تقطع شوط في اللغة وبعدين تسافر الي ليبيا اسبوعين تتزوج واتجي ومنها تبقى عارف البلاد اكويس

اخي اذا دراستك خلال الدراسة الجامعية باللغة العربية فاءن دراسة اللغة في المعهد لاتكفي لانك ستواجه مشكلة المصطلحات الاكاديمية والتي واجهت العديد من الطلاب الذين ظنوا ان دراسة اللغة في المعهد كافية لذا ارجوا ان تفكر قبل اختيارك للساحة وانا لو كنت مكانك لاخترت احد الدول العربية
في النهاية الامر لك مع تمنياتي لك بالتوفيق

مشكورين اخوتي على ردودكم لله الحمد تحصلت على قبول من معهد ايلس فرع سروق بتلنج جايا وراسلتهم بالنت ورسلت الحوالة لهم وخلال 3 اسابيع كما مكتوب عندهم تحصلت على القبول ولله الحمد .

اخى محب ليبيا متشكر على النصيحة لكن انا لا افضل الدراسة فى الدول العربية لا سباب عديدة ، ولله الحمد الان ادرس فى اللغة فى ليبيا حتى اقصر ولو ربع الوقت .. وربي ييسرها على الجميع يارب

السلام عليكم ورحمة الله وبركاته
هل تم إفتتاح السفارة الماليزية فى طرابلس

ربي ايوفقك في مشوارك وتوكل علي الله .
بس تربح ياخوي تربح الله يرحم والديك . انا عندي مشكلة في الايداع في حساب المعهد . معلش كيف الطريقة اللي ودعت بيها القيمة . اذا كان فاقي ثقله .

السلام عليكم ورحمة الله
أنا حولت لمعهد لغة في ماليزيا عن طريق مندوب المعهد يعني حولت لاسم المندوب وأنا تحصلت على القبول من دون تحويل بس الحوالة عشان اجراءات الاقامة لأني نبي انسافر وتكون الاقامة جاهزة لأنه توا معش في الا فيزا اسبوعين بس من المطار
ربي يوفق الجميع إن شاء الله

يعني توا مافيش طريقة نقدر انتم بيها قصتي بكل . واللهي العظيم قعدت نصرف من فلوس الطلعة خلاص بطلت من العمل او قاعد في الحوش . ارجوكم اللي عنده اي معلومة

معلومة عن شنو بالضبط ؟

فرع PJ مغلق ..تلاته فروع الان فيه وهيا klcc n bukit bantiunk n subang jaya
اي معلومات تاني اتفضل وانصح لتجربتي الخاصه فرع subang jaya

المعلومة اللي نبيها كيف ندفع 100 دولار عشان استكمال اجراءات و التسجل والاقامة .لان المعهد مايبعثش اوراقي لوزترة الهجرة والجنسية الا بعد ندفع . هذي توا المشكلة يعني طريقة الدفع في الحساب . لان طريقة التحويل عن طريق وسترون يونيون ماصارش منها . لانها من وسترون الي وسترون مافيش لحساب

بصراحة ياخوي مافهمتش المشكلة وين بالضبط بس انا حولت من مصرف التجارة والتنمية لاسم المندوب واستملها من ماليزيا من وسترن يونيون عشان اجراءت وزارة الهجرة والاقامة

اول حاجة انتي مشكوره اوبارك الله فيك . علي مساعدتك ليا . ثانياً انا فهمت هكي تمام بس توا انا كيف نبي نوصل للمندوب كيف نقدر نوصله . عشان انحوله واذا كان في امكانية .

ياخوي ريح ادماغك واتعالي اهني واختار يوم الوصول الاحد والاتنين بر الي المعهد سجل واعظيهم الاوراق واتفاهم امعاهم مغ كل شي انتي هكي اضيع في الوقت وخلاص..والله شوف حد ابعتله الاورق وايحصلك قبول في تاني يوم وبعدين اتعال

ياخوي لو كان انت قريب اتجي انا ممكن انساعدك ...تبعتلي الاوراق وانسجلك وبعدين نبعتلك القبول في الايميل واتجي الي ماليزيا واتخلص وتبدا تقر

اوكـــــــــــــــــي ...
ابعتلي الايميل .... بس شاب عندي بكره معاه موعد ... كان ماصارش منه حنتصل بيك . علي فكره انت في العاصمة ....

بالله عليكم نبي نسأل تكلفه الدراسه في ماليزيا كم تكلف في السنه تخصص نفط بكالوريوس

في جامعة اسمه ucsi جامعة كويس وفيها ممكن 3 ليبين فقظ تكلفة الدراسه لمده 4 سنين حوالي 70000الف رنجت يعني حوالي 23000الف دولار انت قسم ع 3.01