تخيــل لو لم تكن ليبيا ماذا ستفعل ؟؟؟

ليبيا كبيده

كانك مش ليبي راهو فاتك الجو..

وكانك مش ليبي راك تقول هلبة ..كانك مش ليبي راك متعرفش جو الخنس..

ومتعرفش التلقيح ..كانك مش ليبي ماتعرفش الزميطة بالرب..

كانك مش ليبي راك متاكلش في المبكبكه..

كانك مش ليبي راهو معندكش شفرتين ليبيانا ووحده مدار..

كانك مش ليبي فاتك جو الزمزامات و الزكرة

وكان مش ليبي متقولش نفخ ...

كانك مش ليبي ماتوقفش في الاربعة شوراع

كانك مش ليبي متوقفش في طابور الجمعية

.كانك مش ليبي متعرفش تلعب شكبة وريمينو

.كانك مش ليبي متقدرش تفطر سفنزة بالدحي

.كانك مش ليبي متقدرش تعوم في سروال عربي

كانك مش ليبي غداكم يوم الجمعه مش بازين..

كانك مش ليبي راك تقول شلونك وازيك وايش الاخبار..

وكانك مش ليبيى متحطش الدلاعة عالبحر وتخليها تتكركب

كانك مش ليبي ماتعومش في البحر بسروال جينز مقصوص امدايره شورت

كانك مش ليبي متقولش لمة يخش قول خشي..

كانك مش ليبي معندكمش ديربي بين الاهلي والاتحاد في الرياضية

كانك مش ليبي راهو جاك الصراع من كتر الكساد..

كان مش ليبي راك متقراش في موضوعي..

وكان مش ليبي فاتك نفص عمرك..

منقول بتصرف

وكانك مش ليبي راك متدخلش للمنتدى طلابكم في الخارج مليون مرة في اليوم بيش تلقى رد على موضوعك
وكانك مش ليبي راك أول ماوصلت للدولة الي تدرس فيها راهم أستقبلوك خوتك الطلاب وجاليتكم بيش يساعدوك ويعرفوك على كل مايفيدك
وكانك مش ليبي راك مادفعتش 5 دولار بيش تشوف أيميلك والمكتبة خطوات ومجانا وكل يوم تلتقي باللليبيين
وكانك مش ليبي راك ماعندش من ينطر أليك على جنب لما يعرف أنك من بلده
وكانك مش ليبي راهي فاتاتك الضحكة الصفرة وحتى الطرطارية
وكانك مش ليبي راك جيت بقبولك الأكاديمي ولو مشروط مش قاعد على أعصابك وكل يوت تتحسر من كل شخص أتصلت به قبل السفر
وكانك مش ليبي راهي تجيك سيارة الى بيتك على حساب سفارتك لنقلك لمكان الإحتفال بعيد الأضحى .
وكانك مش ليبي راهي وصلاتك دعو ة لحضور الإحتفال بالعيد الوطني لبلدك مش خايفين منك تحشم بيهم لأنهم يريدون عدد قليل و برستيج او اتوكيت

كانك مش ليبي راك مش من بلد المليون حافظ للقران الكريم
كانك مش ليبي راك ما تعرفش تحترم العادات والتقاليد
كانك مش ليبي راك وجهك ما ينداش لما تشوف موقف بايخ قدامك
كانك مش ليبي ما تتحركش غيرتك وشهامتك ورجولتك لما تتعاكس اخت في الشارع
كانك مش ليبي ما تعرفش تقل بجاه الكبار وتقدرهم
واخيرا كانكم مش ليبيين راكم مش خوتي في منتدي اسمه الموفد

يعطيك الصحه اخي الوحيشي سلمت يداك








الحطاااب يحييكم

الله اكبر على ليبيا وهلها
الله يعطيكم الصحة

سلمت يداك اخى الوحيشى
راااااااااااااااااااااااااااااااااااااااااااااااااااااائع

شكرا لمروركم

كانك مش ليبيى راهو مش تونس مليانة بالليبين يعاينوا ...
كانك مش ليبيى مش داير زحمة على الكوشة بالطابور عشان الخبزة ....
كانك مش ليبيى راهو ماتقولش فكنى من دوشتك ....
وكانك مش ليبيى مش ******************...

حلوه بكل

وكانك مش ليبي ماتاكلش العصبان والقلايا في العيد من غير الشواء .وكانك مش ليبي ماتعرفش جو المزيود من غير ماتشم البخور والوشق.وكانك مش ليبي ماتعرفش بنه رشده البرمه بلقديد. وكانك مش ليبي ماتعرفش جو الصقع والمطر والبطانيه والعصيده بلرب والمطر تصب والعشيه شاهي وعاله وكاكاويه وكانك مش ليبي مش توا تقرا وانت متبسم وعندك حنييييييين قوي لليبيا والعيله

اجمل ما في ليبيا هي ان كل ليبي خوي وكل ليبية اختي ........... وكان فيه نقول انتم كلكم وسط قلبي وان شاء الله نشوفكم فيه احسن من هكي ................ بلاد عندها اصوال وناس تخاف ربي ........................... حتي فتحوااا القروض مازال الشباب في حاجة ولا تمشي الي مصارف ........... تاخد ما حرم ربي ................ هكي نبي نقول كلكم زي اخوتي وخواتي ان شاء الله ربي يوفقكم جمعيا .........................

تعم وكانك مش ليبي لما يفتحو القروض متاع الربا تجري تقدم وتاخد وتورط نفسك في الربا

وكانك مش ليبي ما تديرش جو في المطار تبي تركب أنت أول واحد في الطيارة

وكانك مش ليبي راك ما تعرفش حاجة اسمها مشروب بتري

وكانك مش ليبي ما تعرفش حاجة اسمها الزبون ولا حاجة اسمها ردي الحرير

وكانك مش ليبي راهـــــــو فاتك هلبة جو

وكانك مش ليبي ما تعرفش حاجة اسماها صقع عليك

وكانك مش ليبي فاتك جو أما جو فاتك الجو كله

بارك الله فيك أخى الوحيشى على فيضان المواهب المدفونة

بارك الله في الجميع بس الحمد الله اننا نتكلم بلغة القران وحبيبنا محمد عليه الصلاة والسلام عربي لان اللي يشوف الاجانب اول مايدخلو الى الاسلام كيف يعملو مجهود علشان بس يحفظوا سورة الفاتحة يقول راهو عندنا نعمة كبيرة مش شايفينها
والحمد الله اننا في ليبيا بدأت حاجه اسماها الوطنية تطلع بعد ما انقرضت مع الديناصورات
الى درجة حتى تاريخنا نسيناه

شكرا لاخواني واخواتي اللي يحاولو ياكدو معنا الوطنية