مهم للغاية " rmit أو جامعة فكتوريا"

سألت قبل ولا حد رد علي شني مافيش حد في أستراليا يقرا تقنية معلومات ؟
يا اخصائية التغدية وينك ؟
دخلت النتدي وانت اكثر وحدة معبية بالمعلومات اكيد عارفة حتي عدد الكناغر في استراليا شكلك امطولة غادي
باه جاوبيني عن اسئلتي .................. الاسئلة هي :_____________________
السلام عليكم جميعا
أنا عضو جديد بالمنتدي
أنا / أمجاد ليبيا
أحد الطلاب الموفدين لدراسة الماجستير في مجال تخصصي وهو الحاسوب وانشاء الله بندرس تقنية معلومات
سؤالي هو... من لاخير يارفاق شن الدراسة غادي صعبة ولاشني
علما بأني تحصلت علي قبول من rmit والقبول الاخر من جامعة فكتوريا زعمة اي جامعة أنفد عليها
وامته تبدا الدراسة لان قبول اللغة عطوني 60 اسبوع
والله محتار وحتي النوم طاير بديت انتخلع في الليل خايف نمشي غادي وكيف ماقال المثل (كأنك يابوزيد ماغزيت )
وماعاد عرفت من انصدق فيه اللي ايقول ساهلة الدراسة وفيه اللي يقول نار والعة
بالله عليكم اللي عنده معلومة دونه لي والمواد اللي بنقراها غادي
ليكم التقدير والله يعاود
ودامت ليبيا وأهلها بخير

السلام عليكم ورحمة الله وبركاته
ادا كنت جاد فى الدراسة وتريد ان تتعلم فrmit افضل فى تخصص تقنية المعلومات ولكنها
اصعب من جامعة فكتوريا وادا كنت تريد السهل فعليك بفكتوريا .

الغريب في الامر ياوكالة التحدي انكم نصحتموني انا وزملائي بالدراسه في فيكتوريا بدلا من ٌRMIT لانها افضل في البزنس وقويه في التخصصات الاقتصاديه

فلم تذكروا ان الجامعه ضعيفه ببل شددتم على اللغه فيها وانها قويه في العلوم الاقتصاديه

فاين نصائحكم من هذا الكلام واين هذا الكلام من نصائحكم

يا دكتور نريد فقط توضيح للتضارب
وايصال الصورة كامله
للتذكير من احد عبارات الوكاله

الجامعات الاستراليه مستواهن متقارب لا يوجد فروق كثيره ( وبالنسبه لفيكتوريا هي جامعه ممتازه في البزنس)
وين راح الكلام هذا توه طلعت في جامعات دون جامعات

السلام عليكم
نصحة الى الاخوة الدين لم يسافروا بعد وخاصة الدين مزالوا فى مرحلة القبول
المثل يقول اسئل مرجب فلازم قبل ماتختار جامعة تتصل بحد يدرس فيها
يقرب اليك الصورة الحقيقية ويااخى مغامر احترم وجهة نظرك ولكن ادا كان هل الوكلات مفيش
شن رايك يصير فى الطلبة ؟وبعض الجهات رافضة التعامل مع الطالب على طول ؟
والحقيقة لا ادافع على احد وكلامك طيب البزنس هو الاصل عندهم قبل الطالب
وانا مجرب لكن في سبيل انك تمشى امورك مرات تدفع رسوم التاشيرة فقط والقبول ماياخدوش عليه من الطالب فى رسوم لان الجامعات الاسترالية تخلص فى الوكالات وفى رايى الشخصى الفلوس بالطريقة هده يولى شوى منهم للبلاد وصحتين على اولاد بلادى
وشكرا

السلام عليكم ورحمة الله وبركاته
اولا سوال الاخ عن تخصص تقنية المعلومات يعنى كمبيوتر مش بزنس وهادا صحيح ان فكتوريا قوية فى البزنس اكثرمن تقنية المعلومات

ثانيا انا لست الدكتور بل احد الوكلاء الدين يشتغلون فى المكتب.