دراسة الطب في الهند

بسم الله الرحمان الرحيم
اخوتي و اخواتي الموفدين و الموفدات
انا من ضمن الموفدين في تخصص الطب الطب البشري,و اقوم حاليا باختيار الساحة المناسبة
نصحني احد اساتدتي بالهند,نظرا لامكانية التعامل مع المرضى مباشرة و كثرة التخصصات و الجامعات و رخص المعيشة
لدي بعض التساؤلات
اولا:هل تشترط الجامعات الطبية بالهند الحصول على امتحانات الزمالة متل بريطانيا و استراليا,و ما مدى صعوبة الحصول على قبول اكاديمي
ثانيا:مادا عن التخصصات الطبية الاكاديمية و بالتحديد Histopathology ,و مدا احتياج الطالب لامتحانات معادلة
ثالثا:ما ترونه مفيدا من نصائح اخرى
مع تحياتي و تمنياتي بالتوفيق

بالنسبة للجامعات القوية مثل الايمس فمستحيل تحصل فيها لانك لو تحصلت على قبول فمكانك محفوظ في امريكيا في افضل المستشفيات وحتى الهند تحصل عمل بمرتب خيالي وبدليل مافيش دكتور هندي في ليبيا خريج الايمس
لكن توجد جامعات خاصة كثيرة وخصوصا في الجنوب الدراسة اسهل و معترف بيها من الحكومة الهندية = اعتراف من الحكومة الليبية
لا يطلبوا في معادلة ولا شي ولا حتى انكليزي نقصد الجامعات التي ممكن تقبل الليبين اما الدرجة الاولى فانهم من الاساس غير معترفين بيها لان الدراسة في الهند على مستوى البكاليورس 6 سنوات اكاديمي دق وسكات

لو تبحث على الرخص والاستفادة توكل على الله وجيب معاك الطن لانه غالي في الهند و ماكولات الشعير زميطة وغيرها

وننصح بالجنوب لدراسة و الشمال لتوفر افضل مناخ
=====
والبلاد رخيصة هلبة و مسخة هلبة

بارك الله فيك اخي libi و جزاك الله خيرا
اعتقد انك حفزتني للقدوم للهند,لانها توفر امكانية التدريب الاكلينيكي من اول يوم,و نظرا لرخص المعيشة و الاستفادة.
هل عندك بعض عناوين الجامعات الي تنصح نتصل بيهم للقبول؟
هل تنصح باستقدام العائلة من الاول او القدوم وحيدا ثم جلبهم لاحقا؟

والبلاد رخيصة هلبة و مسخة هلبة

انا طبيبة وارغب في دراسة تخصص نساء وولادة بالهند أرجو ايفادتي بأي معلومة بخصوص هذا الموضوع؟؟؟؟

يا جماعة اني في الهند والضي كاين قاص قبل شوية والجو ساخن والحكاية خاشة بعضها والبلاد معفنة
ومن قالك انها رخيصة ....... وجبة في ال كي اف سي برقر وبطاطا ولحمة دجاج وبيبسي تقريبا بي 185 روبية ومع التاكس توصل 200 روبية وتطلع 6 دينار وكان تبي المطاعم الحوشية مشي امورك بأرخص الاسعار وتحمل الاضرار
تي في ليبيا تاكل اجدعها نص دجاجة مع الرز والبطاطا وحكة بيبسي ولا ميرندا بـ 4 دينار
والله ضالمين لانفسكم ....و اقروا الكلام اللي زمان كاتبه عن الهند.....لا تصلح و الله وتعالوا بالك تقولوا غير اني ما نبيكم تجو........لكن ماحدش يقول ما خبرته
وربي يعطينا الصبر لين نكملوا ونهجو من ها الخن

ياخوي الهندي الهند ارخص من ماليزيا بهلبة و الاكل 185 روبية معناه عشرة دينار ليبي في بريطانيا ماتحلمش حتى تشمه والهند اغلى من ماليزيا والمنحة اكثر مع اعترافي بان البلاد غير نظيفة و مشاكل الكهرباء

انت يا ليبي مشيت لي ماليزيا ولا تسمع في كلام بس ..........لو سمع حتى اني سامع من صديق ليا كلام تاني مناقض جدا للغلاء في ماليزيا وهو حاليا هنا في الهند ويتحسف ويتحسر ع الماضي الجميل في ماليزيا وكان يقرا في ال يو تي ام ممكن ....... والله لو انت على حسابك الخاص ...شوف دول اوروبا الشرقية.....لان كان في شاب هنا معانا في الهند وكان يبي يقرا طب ........ لا حصل قبول ولا الاسعار مناسبة ...ارقام خيالية حتى في اوروبا مافيش

وكله كوم و عدم المصداقية كوم ... يقولك عندنا وعندنا ويم تدفع الفلوس تلقاه كذب في كذب .... والله يا جماعة مش قصة اني مانبي حد يجي بس والله واقع اليم هنا

ياهندي اني مشيت لميزيا و الهند من غير ما نسمع ولا يقولوا حد والكلام لقلته من خبرة
العامل المشنرك بينهم ان الثني و عتمان نفس الفئة غير واحد غدامسي والاخر مقرحي

الهند ارخص من ماليزيا بهلبة
ماليزيا انظف من الهند
المنحة في ماليزيا اكثر من الهند
هذا كلام من تجربة ياباشا

للعلم فيه جامعة عامة في السنة الاولى تدفع 500 دولار و بعدها كل سنة مئة دولار فقط
الهند ياباشا ارخض هلبة من ماليزيا رغم اني ماليزيا احلى و جامعاتها انظف
للعلم الجامعات الخاصة في الهند التعليم فيها جيد وسهلة القبول و الجامعات سواء العامة او الخاصة يطلبوا في ايلس ولا توفل
معلومات متاكد منها من تجربة

رغم ان الهند صعبة على قولة محمد الشنطة يوم تجي للهند تبكي ويوم تروح منها تبكي لانهم شعب محبوب بصراحة

اسف شباب المنحة في الهند اكثر من ماليزيا فالهند درجة رابعة و ماليزيا درجة اولي اي فرق قريب 400 دولار

ليش تبكي لما تجيها على قولة الشنطة .........والله توخر بيك الدنيا ما تقدم .... ولما اطول فيها تتعود ع التأخر وانجلزيتهم زي الهم ..اني ليا سنتين و مازال مانفهم فيهم في بعض المواقف ...وكل ولاية بأكسنت ............ قسم بالله انها لاتصلح لكن خلاص بدينا لازم نكملوا ....خوذ ولا خلي مش بلاد من الاخير ...

السلام عليكم
والله ضحكتني يا خوي الليبي ( الشعب الهندي شعب محبوب ؟؟؟؟؟)
والله صدق فيهم هتلر اللي قال جنة يسكنها القرود
اما دراسة الطب في الهند فهي قوية جدا ولكن القبول من اصعب الاشياء ومبالغها هائلة الي ابعد ماتتصور تتراوح مابين ال100 الف الي 150 الف دولار
ويا خوي الهندي اني متفق معاك في مجموعة اشياء ولكن الهند مش بالدرجة اللي انت مصورها ..صحيح انه شعب امسخ ومسكر وروسهم معبية تبن هذا في الشارع ولكن في الجامعة حتشوف الاساتذة وبعض الطلبة الهنود مثقفين وعلي درجة من الوعي .
وبعدين كل حد لازم يتأقلم علي الواقع اللي عايش فيه او اللي بيعيش فيه

ياخوي و الله العظيم اني مشوا معايا من الاخير و عندي فيها اصحاب لدرجة اني سافرت وحضر زوارج صديقي

والله بالنسبة للطلبة يا سراب ... قليل جدا جدا من تلقى فيهم حد فاهم ولا عارف شن في برا ..يا راجل حتى بلادهم ما يعرفوها احنا نخبروا البلاد احسن منهم .. والدكتارة والله حتى هما ثقافتهم اي كلام ....الا اللي معبي و عطلاته كلهم في اوروبا ويطلع ويشوف...فيه من بروفسور قال ان كيف انتم العرب كل واحد من دولة وكلكم تتكلمو نفس اللغة ...ماتبيش تخش لدماغه..
ويا ليبي حتى اني مشيت وحضرت افراح و بدعوةات رسمية وان شاء الله عن قريب ماشي بنحضر فرح..لكن الامر ما يغير شي في وضع الشعب والبلاد...

شعب يعبد الفلوس والله لما توصل للفلوس مايعرفوا بعضهم ...لان حياتهم صعبة ... لاقيم ولا اخلاق ولا لباقة ولا احترام ....قولي ماصارت معاك تبدا واقف في طابور ويجو يبو يخشوا قدامك عيني عينك .. كان ما تعيط عليه وتقوله وين ماشي بكل برادة وجه يبي ياخذ دورك ...
نزيدك مافيش مصداقية ..ومافيش مواعيد ...ويوم بتجي تسجل في كورس يقولك عندنا وعندنا وبنديروا وفيه وفيه ..... ولما يحصل ع الفلوس كان حصلت 40 في المية من اللي قاله ما زيك حد ..
ياراجل تربح فكنا من التزيين .
وبعدين يا السراب الطلبة اللي في الجامعة يكتب صاروح بالانجليزي ويوم تقوله تكلم ما يعرف يقول كلمتين على بعضهم ....... واني جربت سكنت مع هنود يبان انهم محترمين من الطلبة ولما سكنت معاهم طلعوا زيهم زي غيرهم ... عندهم مشكلة في التصرف والنضافة خصوصا ....يعني كان تحملت اسبوع مازيك حد..........يا راجل 24 ساعة شادينها غناء ... والله الهندي (مش اني الطلبة الهنود قصدي ) وين ما تقلبه يطلع هندي ..ما اتعبو روحكم البلاد هذي ما يصير منها.

ياخوي الليبي اني قتلك تقدر تتأقلم وتعيش في الهند ومافيش مشكلة هذا ان حصلت قبول جامعي وامورك تمام في eligibility ولكن حاتشوف اشياء زي ماقالها اخونا الهندي بس غير اخونا الهندي مهول الامر بعض الشي ,الهند بلاد عفن صح ومعظم شعبها امسخ صح لكن والله عندهم طبيعة واماكن سياحية عجيبة والدراسة زي ماقال خونا الهندي في الكتابة تلقاهم صاروخ لكن في الكلام !!؟ يكفي ان في الامتحانات ايقولولنا سؤال الدرجتين اكتب اقل شي صفحة وسؤال ال8 درجات اقل شي 4 صفحات وسؤال ال15 درجة مابين ال8 وال10 صفحات يتعاملوا بعدد الصفحات وكم يكتب الطالب مش شني فهم ,,وبيش انكونوا منصفين وبالنسبة لتخصصي عندهم عملي ممتاز ومعامل ممتازة جدا جدا اقل شي اني في ليبيا كنت نحلم انشوف جهاز الPCR جهاز تضاعف والكشف عن الDNA هنا في الهند اقوم بالتجربة بنفسي و لا احتاج لنقل العينة الي فرنسا او المستشفي الليبي المالطي في طرابلس .

والله بلاد سلاطة ماعندهم الا دراه الكبد ...كلكم اللي في الهند لما تقول تعودت يعني انك نزلت لمستوى معيشتهم وتفكيرهم عشان تتعامل معاهم ...عبي مش ضروري تفهم ..تو بالله هذي قراية .....فكونا من التزيين ...مافيش واحد جا للهند ما اصاباته صدمة حضارية للوراء ... اذكرو الساعات الاولى في الهند وبعدها احكم على وضعك وهندامك ولبسك كيف تغير .. شن الامال اللي كنت حاطها قبل ماتجي ولما وصلت كيف تحطمت ..

الهند راهو عفن يا ناس

وفق الله الجميع لما فية الخير

تامين قيولات في جامعات ومعاهد الهند في مختلف الاختصاصات
السلام عليكم
الى كل من يرغب بالدراسة في الهند في جامعاتها ومعاهدها وحتى معاهد اللغة
في جميع الاختصاصات والدرجات - بكلريوس- ماستر- دكتوراه
نحن نقوم بتامين القبولات والتسجيل للطلاب اللذين يودون الدراسة في الهند
ونقوم باستقبالهم من المطار وحجز فندق ملائم لهم ومساعدتهم في البحث عن شقة او غرفة للايجار
ومساعدتهم ايضا في اجراءات الشرطة وتسجيلهم هناك

فمن يجد الرغبة لديه في الدراسة في الهند الرجاء التواصل معي وانا جاهز لأي سؤال او استفسار
اخوكم ابو جابر

ايميل o.****( عفوا, يمنع نشر البريد الإلكتروني, استعمل الرسائل الخاصة )com

هاتف **************************

السلام عليكم
بالله ياخوي libi ياريت تكتبلي اسم الجامعة الايميس الي قولت عليها بالانجلش حاولت نبحت عليها ماعرفتش
وسامحنا على تعبك

السلام عليكم ورحمة الله وبركاته

أحبتي الاساتذة الافاضل واعضاء هئية التدريس
امل ان يكون النقد بعيدا عن الاساءة للغير ...ما امله ان يبين المميزات والعيوب..
ولكل رائة...وحتي لانكون مثل المثل القائل((الغاوي عمي والزاهد اطرش))!!!!!!
لكل ساحة مميزات وعيوب...
أمل نقل التجارب للاخرين بشكل موضوعي مبني علي اسس علمية وعملية...فالذي لايعجبك قد يعجب غيرك..
فمنهم من يفضل المعيشة الرخيصة رغم عدم تحضرها والبعض يفضل العكس...
فلكل مقياس ...الاهم هو التحصيل العلمي......فلانختار الاسهل بقدر مانختار الافضل...
حياكم الله وبارك فيكم ووفقكم وان شاء الله نراكم منابر للعلم
وليكون الاهم هو نتعلم منهم العلم ونعلمهم الاخلاق.........

اخوتي بالله من عنده معلومه عن الحد الاقصى الدي يمكن ان تدفعه البعتات في حاله الحصول علي قبول اكاديمي في تخصص النساءوالتوليد لاني سمعت انه دراسه الطب في الهند غاليه فمنا صحة هدا الكلام