يا خوي المقياس الجامعة و ليس الدولة.
مثلا لو اتقولي ايهما افضل الدراسة في ماكجل بكندا او بريكلي بامريكا .... اكيد انقولك بريكلي
لو اتقولي نقرا في ماكجل او تيمبل بامريكا اكيد انقولك ماكجل
الصحيح انك اتشوف افضل جامعات في تخصصك في الدولتين و اتشوق موقعهم بالواحدة و تاخذ 4 جامعات اللي اتحس روحك انك ممكن اتحصل فيها قبول هي هذيكا اللي تختارها سواء كانت في امريكا او كندا.
بالنسبة لنظام الدراسة لا يختلف كثيرا في الدولتين. ربما الفارق هو عدد الجامعات الكندية في حدود 93 جامعة معتمدة و جميعها جامعات حكومية او عامة.
اما في امريكا يوجد 4080 بين جامعة و كلية حسب حصر سنة 2003 و رالجامعات العريقة في امريكا معظمها خاصة مثل هارفارد mit yale stanford caltech columbia و غيرها. هذا لا يمنع من وجود جامعات عامة عريقة و لكنها قليلة جدا مثل بيركلي و جامعة كاليفورنيا بلوس انجلوس و جامعة ولاية بنسلفانيا و جامعة نورث كارولينا بتشابل هيل.
عموما بالنسبة لكندا في الهندسة افضلهم جامعة ووترلو و في امريكا ام اي تي و ستانفورد و كالتيك و القبول في هذه الجامعات صعب جدا جدا جدا. توجد جاعة ممتازة في الهندسة اسمها بوردو و جامعة اخري عريقة اسمها كارنيجي ميلون , هذه الاخيرة لو تركز عليها فيه احتمال اتحصل فيها.
اني اعطيتك المفاتيح اللازمة باش تنطلق و تبحث بروحك في الانترنت و اتقرر بروحك بناءا علي اسس صحيحة.
نصيحتي الاخيرة ابتعد عن التفكير السطحي امتع الدراسة باسم البلد . لو خيروك بين اوكسفورد و جامعة نيفادا في لاس فيغاس و جامعة برتيش كولومبيا في كندا ....... اكيد بتختار اوكسفورد.
زي ما قتلك يا خوي راهو حكاية ان التعليم في امريكا اقوي تعليم في العالم او كندا ارقي تعليم في العالم هذا كلام عقيم و سطحي لانه في كل مكان فيه جامعات ممتازة و جامعات منوسطة و جامعات متدنية. انت ابحث عن الجامعات اللي تمشي معاك.
بالنسبة للمعيشة ما فيش فرق هلبة تتوقف علي المدينة اللي بتسكن فيها سواء كان في كندا او امريكا.
بالنسبة ليا اني كندا و امريكا زي بعضهم الشعب فريندلي و الزوز مليانات عرب .
ربما اذا كنت تريد تعلم لغة ثانية فان كندا تختلف عن امريكا في هذه الناحية.
يعني في كندا عندك فرصة افضل انك تتعلم فرنساوي بجانب الانجليزي خصوصا اذا امشيت للجزء الشرقي من كندا و خاصة مقاطعة كيبك اللي فيها مدينة مونتريال و كذلك بعض الاحياء و المناطق في مقاطعة اونتاريو يوجد بها نسبة لا بأس بها من المتحدثين بالفرنساوي.
بالنسبة لامريكا يمكنك اتقان الاسبانية اذا رغبت بذلك لان غالبية الناس الموجودة في امريكا يتكلموا اسباني خصوصا في ولايات الجنوب و الجنوب الغربي مثل كاليفورنيا و تكساس و اريزونا و فلوريدا و نيومكسيكو . حتي في اقصي الشمال و الشرق ستجد نسبة هائلة من المتحدثين بالاسبانية.
نقطة اخيرة ربما تشكل فارق كبير هي الهجرة.
من ناحية الهجرة كندا اسهل بكثير و لا تقارن بامريكا.
اذا درست في كندا يصبح من السهل جدا جدا جدا ان تتحصل علي الكانديان لاندينج اي الاقامة الدائمة. بينما في امريكا شبه مستحيل.
اني وضحتلك الامور الرئيسة و مستحيلة فيه حد يقدر ايقولك اللي تبيه بالزبط الا انت بنفسك زيد ابحث لانك انت الوحيد اللي تعرف شن تبي.
و ربي ايعاونك
