نحتاج لإنشاء صفحة خاصة بإمتحان الGRE

السلام عليكم

الأخ مدير المنتدى والأخوة الطلبة الذين أجتازو أو بصدد الدخول لإمتحان الGRE .. نحن بحاجة لمعرفة تجاربكم ونصائحكم من خلال صفحة خاصة بالإمتحان الذي يهم كل طالب ينوي الدراسة بالساحة الأمريكية ...

أولا ... ماهي أفظل المراجع ؟
ثانيا .. كم المدة اللازمة للتحضير للإمتحان ؟
ثالثا ... من منكم أجرى الإمتحان في ليبيا ؟
رابعا . ا.. كيف يتم التقييم والنتائج؟

الرجاء أن تتحفونا بخبرتكم وتجاربكم

و عليكم السلام...
ان عملت امتحان ال جي ار اي امس .... دخلت الامتحان بدون تحضير لان معش عندي وقت القبولات قريب تسكروطالبين المهم جي ار اي مش محددين الدرجه......
انا من تجربتي انصح اي شخص يحاول يحضرله عن طريق دوره تدريبه لان قراية الحوش وحدها متكفيش......
المتحان صعب جدا وخاصة على الطلبه الاجانب..اذا كان هما الامريكان نفسهم ميجبوش في درجات عاليه فيه .يابالك حني...
الحصول على درجه عاليه ماهواش مستحيل لكن يبي تني ركاب ووقت طويل ..وانتم عارفين حني هدا كله الوقت ينحسب علينا من مدة الافاد..يعني بضيعلنا وقتنا
الامتحان في امريكا "بالكمبيوتر" يبي تدريب ع الطباعه بالكمبيوتر....

الخلاصه ان والله والله بعد مجربت مفروض حني الطلبه الي جايين امريكا مفروض يعطونا وقت زياده للتحضير لمتل هده الامتحانات المزعجه لان بدونها لايمكننا الحصول على قبول اكاديمي و في جرتها نقعدو غير ندورو في الجامعات الي متتشرطش هلبا بدل مندورو جامعات قويه.....

مرارتي فايضه منها ال جي ار اي ...... ربي يستر و خلاص

بالتوفيق للجميع

السلام عليكم

ربي ايعاونك أختي وشدي حيلك الكل ايقولو تبي أكتر من محاولة مع الgre ,, أنا كورس اللغة يبدا في 21 /3 وانفكر اندير الإمتحان في ليبيا يوم 12/2 صابت ولا خابت المهم تجربة بس حاندير جهدي معاه بس في ليبيا هو paper مش عالكمبيوتر ومانعرفش ايهما افظل ... بما أنك تخصصك لغة انجليزية كيف وضع الفيربال شكله الكلمات اللي يجيبو فيها من العصور الوسطى !!!! ؟؟ لا عمري سمعت بيها ولا قابلتني في كتب الطب كلها ..!!

بالتوفيق

السلام عليكم زوجي توا طلع الى الامتحان ادعوا له بالتوفيق
لما يوح تو نكتب لكم تجربته

السلام عليكم

ربي ايوفقه أختي the heaven وإنشالله ايجيب سكور كويس .. وإحنا منتظرين بشغف شن بتحكونا ...

أخي عماد علي قولي بالله عليك فيه GRE في ليبيا وكيف ممكن التسجيل فيه

بالتوفيق أخوتي...
الجي ار اي مش صعب واغلب الجامعات مايطلبوش في سكوور معين... يعني سكور في معدل مطلوب وخلاص.... وبعدين مش مطلوب في كل الجامعات في الماستر ولكن اغلب الجامعات تطلبه في البي اتش دي... أيضا هو حيكون صعب خصوصا لجماعة الادبي... يعني زي جماعة اللنقوستيك او السياسة ...الخ... بس اللي دراسين علوم تطبيقية هندسية الجي ار اي حيكون سهل عليهم... مجرد فهم استراجية الامتحان وكيف اتحل السؤال في فترة 30 ثانية.
يعني مع البراكتيس مرة واثنين وثلاثة يجي الامتحان بتوفيق من الله عز وجل..
كل التوفيق اخوتي...

السلام عليكم....
لا اعرف ايهما افضل paper or Cbt . لكل منهما عيوبه ومميزاته و التفضيل للكمبيوتر من ناحية عدد الاسئله و زمن الامتحان.....
انا ايضا انصحك بتجربة الامتحان في ليبيا ,,لان الامتحان يبي شوية حظ و الله اعلم مرات تكون الاجابات الي تختارها هي الاجابات الصحيحه..و علي الاقل ادرب نفسك عليه و تعرف نوعية اسئلته المزعجه............
بالنسبه للفيربال زي مقلت اني تخصصي انجليزي والكلمات الي مرت عليا عمري مسمعت بيها وقطع القراءه الي جتني طويله و الخيارات للاجابه اطول ..لاعرفت نقرا القطعه ولا نركز ع الاسئله ... و الله حاله
الغرض من هدا الامتحان توتير الاعصاب لان هما عارفين مدى صعوبته و يفرضو فيه...............
بجد تمنياتي لك بالتوفيق في الامتحان و ان شاء تجيب سكور و تفتك من ه التوتر.....

عصام

Romar كتب:

بالتوفيق أخوتي...
الجي ار اي مش صعب واغلب الجامعات مايطلبوش في سكوور معين... يعني سكور في معدل مطلوب وخلاص.... وبعدين مش مطلوب في كل الجامعات في الماستر ولكن اغلب الجامعات تطلبه في البي اتش دي... أيضا هو حيكون صعب خصوصا لجماعة الادبي... يعني زي جماعة اللنقوستيك او السياسة ...الخ... بس اللي دراسين علوم تطبيقية هندسية الجي ار اي حيكون سهل عليهم... مجرد فهم استراجية الامتحان وكيف اتحل السؤال في فترة 30 ثانية.
يعني مع البراكتيس مرة واثنين وثلاثة يجي الامتحان بتوفيق من الله عز وجل..
كل التوفيق اخوتي...

فعلا انا تخصصي ادبي واخر مره قريت رياضيات كانت من 17 عام ..... حاولت جهدي بالتحليل لكن دون جدوى
الامتحان مش صعب لو الواحد تمرن عليه ...الامتحان مززززززززززززززززززززززززززعج
ربي يستر

بارك الله فيك أختي ALous2030 وأخي romer بالنسبة لFAIAD الإمتحان يجرى في أكاديمية الدراسات العليا جنزور في مركز اللغات والإمتحان الجاي في 12/2/2010 وهو paper based test ... أنا عندي كتاب barrons's GRE ,,math review for gre و MCgrowhill وكلها كتب إلكترونية سأضعها في هذه الصفحة قريبا ..إنشاء الله
وبالتوفيق لكم جميعا

هذا موقع فيه العديد من الامتحانات من ضمنهن جي ار اي http://www.testprepreview.com/

السلام عليكم

هذا كتاب أعجبني جدا

بالتوفيق وانتظرو المزيد

بصراحة زوجي دار الامتحان من غير اي استعدادات و قال مستوى الصعوبة في متناول اليد لكن النقطة المهمة بالنسبة لطلبة الدكتوراة phd حيكون اصعب لان اغلب الجامعات تطلب في نسبة اعلى

السلام عليكم ورحمة الله وبركاته
كفيت و وفيت خوي عماد وانا شخصيا حملت الكتاب وانشالله نستفادو منا وربي ايوفقك وينورلك دربك

في كتاب اسمه البارون كثير طلبه ليبين قي امريكا ينصحوا بيه
ياريت تنزلوه
اخي عماد

السلام عليكم

أخي د موني الكتاب حجمة كبير ماقدرتش انحملة على المنتدى لكن فيه موقع هو www.ebookee.com تكتب gre وتبحث موجود فيه الرارونز والعديد من كتب gre gmat , usmle وووو العديييييييييييييييييييييييد من الكتب اللي ماتتخيلش نفسك تلقاها ..يعني موقع ممتاز بصراحة
بالتوفيق

عمادعلي كتب:

السلام عليكم

أخي د موني الكتاب حجمة كبير ماقدرتش انحملة على المنتدى لكن فيه موقع هو www.ebookee.com تكتب gre وتبحث موجود فيه الرارونز والعديد من كتب gre gmat , usmle وووو العديييييييييييييييييييييييد من الكتب اللي ماتتخيلش نفسك تلقاها ..يعني موقع ممتاز بصراحة
بالتوفيق

وبارك الله فيك اختي ريان على المعلومات المفيدة

السلام عليكم

أخت أمة الله إتصلي على رقم الأستاذ علي محمد عزيز
المسؤول على الإمتحانات الدولية بمدرسة اللغات بالأكاديمية
0214870382
0923009505
0913743967
وهو سيمدكم بكامل المعلومات حول المواعيد والإجراءات وبالتوفيق

وعندي سؤال للإخوة اللي دارو الإمتحان

هل صحيح أنك عندما تقوم بإجراء أكثر من محاولة للإمتحان تأخد الجامعة المتوسط ولا تعتد بالمحاولة الأكثر درجة ؟... بعبارة أخرى لو تقدم طالب( 1)بدرجة 800 في محاولة واحدة وتقدم طالب(2) بمتوسط 3محاولات 900 .. الجامعة تفضل الطالب(1) الذي تحصل على 800 من المحاولة الأولى على الذي (2)تحصل على متوسط 900 في 3 محاولات ؟ .. هل هذا صحيح ؟ أرجو من الذين تقدمو للجامعات بعد أن أجرو الإمتحان أن يفيدونا حول هذا الموضوع

ولكم جزيل الشكر

rayan كتب:

السلام عليكم..
امتحان ال GRE يديروا فيه في معهد اللغات التابع لاكاديمية الدراسات العليا في جنزور ومواعيد التقديم والامتحان وكل المعلومات تلقيها في هذا الرابط:
http://www.ets.org/gre/general/register/centers_dates/
بالتوفيق..

بس يااختي مش موجود موعد التسجيل والامتحان في ليبيا ياريت تفيدينا

السلام عليكم

موجود في أسفل الصفحة يا د موني اللي هوا 12/2/2011 أخر موعد للتسجيل هو 7/1/2011 و لأي إستفسار حول الإمتحان بالأكاديمية إتصلو على رقم الأخ علي الي موجود بالأعلى ..وأنا بإنتظار رد الإخوة حول سؤالي ياريت ...

بالتوفيق