استفسار عن كشف الدرجات

السلام عليكم
انا ترجمت كشف الدرجات و ختمته جميع الاختام المطلوبة بس لما نبي انقدم علي كم جامعة كل جامعة تطلب مني الشهادة و هي شهادة و حدة و ما يرضنش بصورة فكيف اندير ؟

السلام عليكم
اخي معاذ انت اكيد تراسل في الجامعات عن طريق النت والا كيف؟؟؟ اذا فأنت اكيد واخذ نسخة سكانر وهي اللي تراسل بيها وحتي الوكالات اكيد انت بتبعتلهم نسخة وهما بيراسلوا بيها والا ني ما فهمتش سؤالك؟؟
ربي ايوفقك

اها انا اندز للجامعات عن طريق النت و ايقولوا انهم ما يقبلوش الا بشهادة اصلية و ما يقبلوش بشهادة بسكنر او عن طريق فاكس او ايميل

السلام عليكم

YOU HAVE TO HAVE 5 OR MORE TRUE COPIES AND AT LEAST 3 ORIGINAL

اخي يجب ان تحصل على قبول مبدئي وهذا عن طريق ارسال الاوراق عبر الانترنت او الفكس وغيره
ولما تحصل القبول والدعوه وتوصل للجامعه بالسلامه تعطيهم الاصلي المختوم من الجوده والخارجيه والسفاره
وغير هكه راك تفرط في الاصل لانه ياخد وقت باش تعاوده من جديد

الجامعات تختلف في متطلباتها لكن الأغلب يطلب أصلي ، لهذا حاول تجيب معاك 4 أو 5 شهائد أصليات ، و للعلم المطلوب هو أختام الجامعة في ليبيا فقط ، لا تعليم عالي لا خارجية. يعني يبو الشهادة من الجامعة مع الترجمة بس.

أنواع النسخ اللي ممكن تستعملها في التقديم
- النسخة الأصلية بجميع الأختام
- نسخة أصلية من الجامعة بدون التعليم العالي و الخارجية
- نسخة طبق الأصل attested copy و هذه ممكن تحصلها من أمريكا ، تمشي للمصرف و ترفع معاك نسخة أصلية و صور و يطابقولك الصور مع الأصلي و يختموا، الطريقة هذه مقبولة في عدة جامعات
- صور عادية ، مقبولة في بعض الجامعات لغرض تقييم الملف
- شهائد معادلة من wes ، تبعت الشهائد من الجامعة في ليبيا مباشرة لمنظمة الويس wes / هذه المنظمة تقوم بمعادلة الشهادة و إعطائك كشف درجات مكافئ للنظام الأمريكي، بعذ الجامعات يطلبوا في المعادلة هذه، و للعلم أن المنظمة هذه غالبا ما تزيد المعدل GPA متع ليبيا.

طبعا لم بتقدم على الجامعات بيطلبوا منك الأصلي لكن كلمهم بالتلفون أو بالأيميل و اشرحلهم ان عندك نسخة اصلية وحدة و ان الحصول على نسخة ثانية امر صعب و مكلف. و اشرحلهم انك لو حصلت قبول حتبعتلهم النسخة الأصلية. attested copy دارت حل لهلبا شباب لآن المطابقة تمت في أمريكا.

للعلم كثير من الجامعات يطلب أن الشهائد تبعث من جامعتك في ليبيا إلى الجامعة في أمريكا مباشرة أو على الأقل تكون الشهائد كلها في مظروف مغلق و مختوم من برا من فبل الجامعة في ليبيا.
المهم ما فيش قاعدة ثابتة ـ لم تشرح ضروفك يساعدوك ، طبعا لو متخرج من امريكا و تبي تبعث شهادتك ما تحتاج الى انك تدخل على حسابك في موقع الجامعة و تطلب ارسال كشف درجاتك لعنوان معين و تدفع بكرت الفيزا ، الجامعات تعتقد أن نفس الشي موجود في ليبيا

LibyanEngineer كتب:

الجامعات تختلف في متطلباتها لكن الأغلب يطلب أصلي ، لهذا حاول تجيب معاك 4 أو 5 شهائد أصليات ، و للعلم المطلوب هو أختام الجامعة في ليبيا فقط ، لا تعليم عالي لا خارجية. يعني يبو الشهادة من الجامعة مع الترجمة بس.

أنواع النسخ اللي ممكن تستعملها في التقديم
- النسخة الأصلية بجميع الأختام
- نسخة أصلية من الجامعة بدون التعليم العالي و الخارجية
- نسخة طبق الأصل attested copy و هذه ممكن تحصلها من أمريكا ، تمشي للمصرف و ترفع معاك نسخة أصلية و صور و يطابقولك الصور مع الأصلي و يختموا، الطريقة هذه مقبولة في عدة جامعات
- صور عادية ، مقبولة في بعض الجامعات لغرض تقييم الملف
- شهائد معادلة من wes ، تبعت الشهائد من الجامعة في ليبيا مباشرة لمنظمة الويس wes / هذه المنظمة تقوم بمعادلة الشهادة و إعطائك كشف درجات مكافئ للنظام الأمريكي، بعذ الجامعات يطلبوا في المعادلة هذه، و للعلم أن المنظمة هذه غالبا ما تزيد المعدل GPA متع ليبيا.

طبعا لم بتقدم على الجامعات بيطلبوا منك الأصلي لكن كلمهم بالتلفون أو بالأيميل و اشرحلهم ان عندك نسخة اصلية وحدة و ان الحصول على نسخة ثانية امر صعب و مكلف. و اشرحلهم انك لو حصلت قبول حتبعتلهم النسخة الأصلية. attested copy دارت حل لهلبا شباب لآن المطابقة تمت في أمريكا.

للعلم كثير من الجامعات يطلب أن الشهائد تبعث من جامعتك في ليبيا إلى الجامعة في أمريكا مباشرة أو على الأقل تكون الشهائد كلها في مظروف مغلق و مختوم من برا من فبل الجامعة في ليبيا.
المهم ما فيش قاعدة ثابتة ـ لم تشرح ضروفك يساعدوك ، طبعا لو متخرج من امريكا و تبي تبعث شهادتك ما تحتاج الى انك تدخل على حسابك في موقع الجامعة و تطلب ارسال كشف درجاتك لعنوان معين و تدفع بكرت الفيزا ، الجامعات تعتقد أن نفس الشي موجود في ليبيا

شكرا لكم علي الشرح الوافي
و هذا الي ان شاء الله تو انديره اندز صورة بالايميل و لما انحصل القبول و انأكد اني نبي نقعد معاهم في الجامعة اندزلهم الاصل
للعلم انا طالب نبي نقري البكالريوس يعني ما عنديش جامعة في ليبيا

للعلم انا طالب نبي نقري البكالريوس يعني ما عنديش جامعة في ليبيا

طالع على حسابك او مرافق

والشهاده التى ارسلتها هى ثانوى

لا انا من اوائل الثانوية عندي ايفاد من الدولة

لاكن شهاده الثانويه والكشف درجات معا بعضهن

انتا حدد للجامعه انك تريد تدرس بكالوريوس

ولان لايوجد شهاده فى الثانويه لوحده

محمد المسماري كتب:

لاكن شهاده الثانويه والكشف درجات معا بعضهن
انتا حدد للجامعه انك تريد تدرس بكالوريوس
ولان لايوجد شهاده فى الثانويه لوحده

أخي اشتغل بشهادة التانوية وهي تغني بس تحتاج لترجمتها واعتمادها من مترجم قانوني ومن امانة العدل ومن الخارجية تقريبا والله تعالى أعلم

ans2010 كتب:

عندي استفسار في نفس الموضوع
هل يقبلوا صورة ملونة ومترجمة ومصدقة من الخارجية

يمكنك استخراج شهادة أخري من إدارة الامتحانات بقرقارش لما يكون عندك إيفاد يعطوك استمارة جديدة والله الموفق

السلام عليكم و رحمة الله و بركاته
هل ادارة البعثات ممكن تقبل بصورة من الاستمارة الاصلية ؟
كم تعتقد انه استخراج نسخة اخري من الاستمارة تأخذ من الوقت لانه حسب ما سمعت انه ممكن تأخذ الي ثلاثة شهور؟
و اخيرا هل ادارة البعثات تبي شهادة النجاح الاصلية المختومة من الجودة و التعليم و المحكمة و الخارجية العربية فقط ام تبي حتي الشهادة بالانجيليزي المترجمة من المترجم

السلام عليكم
كلما قل عدد الأختام و التوقيعات على كشف الدرجات كان أفضل. درست الماستر فى كندا و الأن أدرس للدكتوراة في كندا و تحصلت على قبولات من أستراليا و بريطانيا و أوراقي مختومة من الجامعة فقط. لا جودة و لا خارجية و لا سفارة. هذا ما حدث معى ر بما الأمر يختلف مع ناس ثانية.

Moad elshieky كتب:

السلام عليكم و رحمة الله و بركاته
هل ادارة البعثات ممكن تقبل بصورة من الاستمارة الاصلية ؟
كم تعتقد انه استخراج نسخة اخري من الاستمارة تأخذ من الوقت لانه حسب ما سمعت انه ممكن تأخذ الي ثلاثة شهور؟
و اخيرا هل ادارة البعثات تبي شهادة النجاح الاصلية المختومة من الجودة و التعليم و المحكمة و الخارجية العربية فقط ام تبي حتي الشهادة بالانجيليزي المترجمة من المترجم

إدارة البعثات تقبل حتى صورة بس بشرط أن تكون مختومة من المسجل العام متاع الجامعة صورة طبق الأصل إذا كانت شهادة جامعية وبعد ما تختمها صورة طبق الأصل اختمها أخي في الجودة وقدمها للبعثات لاداعي لختم الخارجية ولا داعي للنسخة المترجمة الشهادة أو صورة طبق الأصل منها تكون مختومة من الجودة أهم شي

امة الله كتب:

السلام عليكم

فعلا اخوتي الافاضل، بالخارج فقط ختم الجامعة، ولكن في ليبيا الاختام اهم من المحتوى، احضرت شهادة الماجستير من الخارج بختم محفور واحد، واذ بها الاختام تنهال من كل حدب وصوب المترجم، المحكمة، الخارجية، الجودة، وتحولت شهادتي الي اختبار في قوة الابصار.

" يعني كانك طالع برة متعدلش، وكانك جاي استعد للأختام" بالتوفيق

و الله ضحكتينى يا أختى أمة الله